News June 14, 2024
పెరిగిన పెన్షన్లు.. జీవో జారీ
APలో పెన్షన్ల పెంపుపై సీఎస్ నీరభ్ కుమార్ ఉత్తర్వులు జారీ చేశారు. అలాగే సామాజిక పెన్షన్ల పేరును ఎన్టీఆర్ భరోసాగా పునరుద్ధరిస్తూ జీవో విడుదల చేశారు. ఇక నుంచి వృద్ధులు, వితంతువులు, మత్స్యకారులు, తదితరులకు నెలకు రూ.4 వేలు, దివ్యాంగులకు రూ.6వేల పెన్షన్ అందనుంది. పెరిగిన పెన్షన్లను APR నుంచే ఇస్తామని గతంలో CBN చెప్పగా.. జులై 1న రూ.7వేల పెన్షన్ అందనుంది. అంటే APR, మే, జూన్ నెలల అరియర్స్ రూ.3వేలు వస్తాయి.
Similar News
News September 14, 2024
ఎల్లుండి ఖైరతాబాద్ గణేశ్ దర్శనం లేదు
TG: ఖైరతాబాద్ గణేశ్ ఉత్సవ కమిటీ కీలక ప్రకటన చేసింది. సోమవారం మహాగణపతి దర్శనానికి అనుమతి లేదని చెప్పింది. శని, ఆదివారం మాత్రమే అనుమతి ఇస్తామని, భక్తులు ఈ విషయాన్ని గమనించాలని సూచించింది. మంగళవారం నిమజ్జనం ఉండటంతో సోమవారం వెల్డింగ్ తదితర పనుల నేపథ్యంలో భక్తులను అనుమతించబోమని పేర్కొంది. కాగా మంగళవారం మధ్యాహ్నానికి లంబోదరుడు గంగమ్మ ఒడికి చేరనున్నాడు.
News September 14, 2024
వైద్యులు వర్షంలో ఉంటే నాకు నిద్ర పట్టలేదు: సీఎం మమత
కోల్కతాలో వైద్యురాలిపై హత్యాచార ఘటనలో న్యాయం కోసం నిరసనలు చేస్తున్న వైద్యుల వద్దకు బెంగాల్ CM మమత ఈరోజు వెళ్లారు. వారు వర్షంలోనే నిరసనలు తెలుపుతుండటంతో తనకు రాత్రంతా నిద్రపట్టలేదని తెలిపారు. ‘నిరసనలు తెలియజేయడం మీ హక్కు. వాటికి సెల్యూట్ చేసేందుకే ఇక్కడికి వచ్చాను. నా పదవి కంటే మీ గొంతుకే ముఖ్యం. మీ డిమాండ్లన్నీ పరిశీలిస్తాను. నిందితుల్ని శిక్షిస్తాను. దయచేసి విధులకు హాజరుకండి’ అని కోరారు.
News September 14, 2024
సురేశ్ ప్రొడక్షన్స్ ట్విటర్ ఖాతా హ్యాక్?
నిర్మాణ సంస్థ సురేశ్ ప్రొడక్షన్స్ ట్విటర్ ఖాతా హ్యాక్ అయిందా? ఆ ఖాతాలో తాజాగా పోస్ట్ అయిన ఓ ట్వీట్ను చూస్తే ఇవే సందేహాలు వ్యక్తమవుతున్నాయి. ‘Introducing $BERRY on Solana the next 100x gem! CA: 6V5javYTHoxRKMvugNV1AoSYjUerwM9FqTjqeRmZS9TJ Let’s pump this together!’ అంటూ ట్వీట్ చేశారు. ఇది క్రిప్టోకరెన్సీ గురించిన స్పామ్ మెసేజ్ అని నెటిజన్లు వివరిస్తున్నారు.