News January 9, 2025
INDIA కూటమి కేవలం లోక్సభ ఎన్నికల కోసమే: కాంగ్రెస్
ఇండియా కూటమి కేవలం లోక్సభ ఎన్నికల కోసం ఏర్పాటైంది తప్ప, అసెంబ్లీ ఎన్నికలకు ఉద్దేశించినది కాదని కాంగ్రెస్ స్పష్టం చేసింది. ఢిల్లీ అసెంబ్లీ ఎన్నికల్లో INDIA మిత్రపక్షాలు ఆప్నకు మద్దతు ప్రకటిస్తూ కాంగ్రెస్ను పట్టించుకోకపోవడంతో కూటమి కుదేలైనట్టే అనే విమర్శలు వినిపించాయి. ఢిల్లీలో పార్టీకి ఏళ్లుగా ఉన్న పట్టు వల్ల ఒంటరిగా బరిలో దిగాలని కోరుకుంటున్నట్టు INC పేర్కొంది.
Similar News
News January 20, 2025
పైసా ప్రయోజనం లేకున్నా సొంత ఎలివేషన్లకు బాబు ఖర్చు: వైసీపీ
AP: చంద్రబాబు ఎప్పుడు అధికారంలో ఉన్నా దావోస్ పర్యటనలో ప్రముఖులతో మీటింగులంటూ ఫొటోలతో భారీగా ప్రచారం చేసుకుంటారని వైసీపీ విమర్శించింది. వారు చెప్పినట్లుగా ఒక్క ఐటీ పరిశ్రమ ఏపీలో ఏర్పాటు కాలేదని దుయ్యబట్టింది. మరోసారి చంద్రబాబు దావోస్ పర్యటనతో రాష్ట్రానికి పైసా ప్రయోజనం లేకపోయినా ఆయన సొంత ఎలివేషన్లకు ఏమాత్రం కొదవ లేకుండా భారీగా ఖర్చు చేస్తున్నారని మండిపడింది.
News January 20, 2025
Stock Markets: బ్యాంకు, ఫైనాన్స్ షేర్ల దూకుడు
స్టాక్మార్కెట్లు ఫ్లాటుగా ట్రేడవుతున్నాయి. గ్లోబల్ మార్కెట్ల నుంచి మిశ్రమ సంకేతాలే అందాయి. ట్రంప్ ప్రమాణం, డాలర్ దూకుడు, Q3 ఫలితాల నేపథ్యంలో ఇన్వెస్టర్లు అప్రమత్తంగా ఉంటున్నారు. SENSEX 76,775 (+151), NIFTY 23,231 (+28) వద్ద చలిస్తున్నాయి. బ్యాంకు, ఫైనాన్స్, మీడియా షేర్లకు డిమాండ్ ఉంది. ఆటో, FMCG, IT, మెటల్, ఫార్మా, హెల్త్కేర్ షేర్లపై సెల్లింగ్ ప్రెజర్ నెలకొంది. KOTAK, WIPRO టాప్ గెయినర్స్.
News January 20, 2025
నాగ సాధువులు నగ్నంగా ఎందుకు ఉంటారు?
నాగసాధువులు ఒంటిపై నూలు పోగు లేకుండా ఉంటారు. దీనికి కారణం వారు ఎలాంటి కోరికలు లేకుండా ఉండటమే. మనిషి ప్రపంచంలోకి నగ్నంగా వస్తాడని ఇదే సహజ స్థితి అని వారు నమ్ముతారు. ఈ భావనతోనే వారు దుస్తులు ధరించరని చెబుతారు. ప్రతికూల శక్తుల నుంచి రక్షించేందుకు పవిత్రమైనదిగా భావించే బూడిదను ఒంటికి పూసుకుంటారు. వారు చేసే సాధనలు, అభ్యాసాలతో ఎలాంటి వాతావరణాన్నైనా తట్టుకొని జీవిస్తారు.