News November 26, 2024
చిన్మయ కృష్ణదాస్ అరెస్ట్‌పై భారత్ ఆందోళన
చిన్మయ కృష్ణదాస్‌ను బంగ్లాదేశ్‌ అరెస్టు చేయడం, బెయిల్ నిరాకరించడంపై భారత ప్రభుత్వం ఆందోళన వ్యక్తం చేసింది. ‘బంగ్లాలో హిందువులు సహా మైనారిటీలపై ఉగ్రమూకల దాడులు జరుగుతున్నాయి. వారిని దోచుకుంటున్నారు. గుళ్లను, విగ్రహాలను ధ్వంసం చేస్తున్నారు. నిందితుల్ని వదిలేసి శాంతియుతంగా డిమాండ్లు వినిపిస్తున్న కృష్ణదాస్‌ను అరెస్ట్ చేయడం దురదృష్టకరం. మైనారిటీలకు బంగ్లా భద్రత కల్పించాలి’ అని పేర్కొంది.
Similar News
News December 2, 2024
CM రేవంత్‌పై హరీశ్‌రావు విమర్శలు
TG: గతంలో మూడు పంటలకు రైతుబంధు ఇవ్వాలన్న రేవంత్ ఇప్పుడు తాను సీఎం అయ్యాక ఉన్న రైతుబంధు కూడా ఇవ్వట్లేదని మాజీ మంత్రి హరీశ్‌రావు అన్నారు. తెలంగాణ భవన్‌లో ఆయన మీడియాతో మాట్లాడారు. గతంలో BRS సర్వే చేస్తే రేవంత్ విమర్శించారని, కాంగ్రెస్ ప్రభుత్వం చేస్తున్న సర్వే ఎలా ఉందో రేవంత్ చెప్పాలని డిమాండ్ చేశారు. రేవంత్ ప్రభుత్వం బతుకమ్మ చీరలు ఎగ్గొట్టి పండుగపూట మహిళలను మోసం చేసిందని ఆయన విమర్శించారు.
News December 2, 2024
కన్నడ నటి సూసైడ్ నోట్‌లో ఏముందంటే?
కన్నడ నటి <<14762879>>శోభిత<<>> మృతిపై బంధువుల ఫిర్యాదు మేరకు విచారణ చేపట్టిన గచ్చిబౌలి పోలీసులు ఘటనాస్థలిలో సూసైడ్ నోట్ స్వాధీనం చేసుకున్నారు. అందులో ‘మీరు చావాలనుకుంటే యూ కెన్ డూ ఇట్’ అని రాసి ఉన్నట్లు పోలీసులు తెలిపారు. శోభిత మృతికి డిప్రెషన్ కారణమా? భర్తతో విభేదాలా? లేక యాక్టింగ్‌కు దూరంగా ఉండటమా?అనే కోణాల్లో విచారిస్తున్నారు. నిన్న గచ్చిబౌలి శ్రీరామ్‌నగర్ కాలనీలో నటి ఆత్మహత్య చేసుకున్న విషయం తెలిసిందే.
News December 2, 2024
భారీ వర్షాలు, వరదలు.. గర్భిణులకు అండగా వైద్యులు!
‘ఫెంగల్’ తుఫాను కారణంగా తమిళనాడులోని చాలా ప్రాంతాల్లో భారీ వర్షాలు కురుస్తున్నాయి. దీంతో వరద నీటిలో చిక్కుకుని ప్రజలు ఇబ్బంది పడుతున్నారు. ఇలాంటి సమయంలోనూ వైద్య సిబ్బంది గర్భిణులపై ప్రత్యేక శ్రద్ధ చూపెట్టినట్లు అధికారులు తెలిపారు. బలమైన గాలులు, వర్షాల్లోనూ అక్కడి వైద్యులు నవంబర్ 30న రాష్ట్రంలో 1,526 మందికి సురక్షితంగా డెలివరీ చేసినట్లు వెల్లడించారు. గర్భిణులకు ఔషధాలు సైతం అందిస్తున్నామన్నారు.