News July 10, 2024
గవాస్కర్‌కు భారత క్రికెట్ చాలా రుణపడి ఉంది: సచిన్
సునీల్ గవాస్కర్‌కు సచిన్ టెండూల్కర్ స్పెషల్ బర్త్‌డే విషెస్ తెలియజేశారు. ‘నా బ్యాటింగ్ హీరోల్లో మీరూ ఒకరు. మీకు 75 ఏళ్లు దాటాయి. మరింత కాలం మీరు ఇలాగే ఆరోగ్యంగా ఉండాలి. ఓపెనర్లు శుభారంభాన్నిస్తే మిగతా బ్యాటర్లకు బ్యాటింగ్ ఈజీ అవుతుంది. ఈ విషయంలో మేమంతా మీ నుంచే ప్రేరణ పొందాం. ఇప్పుడు తరువాతి తరానికి స్ఫూర్తినిస్తున్నాం. మీ సేవలకు భారత క్రికెట్ చాలా రుణపడి ఉంది’ అని ట్వీట్ చేశారు.
Similar News
News October 11, 2024
తల్లి లేదు.. రాదు.. పాపం ఆ పిల్లలకు అది తెలియదు!
ఆ తల్లి కుక్క ప్రమాదంలో ప్రాణాలు కోల్పోయింది. దానికి పాలు తాగే నాలుగు పిల్లలున్నాయి. తమ తల్లి ప్రాణాలతో లేదన్న విషయం అన్నెం పున్నెం తెలియని ఆ పిల్లలకు తెలిసే దారేది? అప్పటి వరకూ ఆడుకుని అలసిపోయి వచ్చాయి. అమ్మ లేస్తుందని, పాలిస్తుందని చూశాయి. ఎంతసేపటికీ తల్లి లేవకపోవడంతో దీనంగా దాని చెంతనే నిద్రపోయాయి. కర్నూలు జిల్లా సి.బెళగల్ బస్టాండ్ ఆవరణలో చోటుచేసుకున్న ఈ సన్నివేశం చూపరులను కదిలించింది.
News October 11, 2024
చంద్రబాబు విజన్ ఉన్న నాయకుడు: లోకేశ్
AP: పంటలు పండని అనంతపురంలో కార్లు పరిగెత్తించిన ఘనత సీఎం చంద్రబాబుదేనని మంత్రి నారా లోకేశ్ చెప్పారు. మంగళగిరిలో కియా షోరూమ్‌ను ప్రారంభించిన తర్వాత ఆయన మాట్లాడారు. ‘దేశంలో ఎక్కడ కియా కారు కనిపించినా మేడిన్ ఆంధ్రా అంటున్నారు. CBN విజన్ ఉన్న నాయకుడు. TCSను ఒప్పించి పెట్టుబడులు తేవడమే కాదు 20 లక్షల ఉద్యోగాలు కల్పిస్తాం. చిన్న పరిశ్రమలనూ ప్రోత్సహిస్తూ ఉపాధి కల్పనకు కృషి చేస్తున్నాం’ అని తెలిపారు.
News October 11, 2024
ఇంగ్లండ్ చేతిలో పాక్ ఘోర పరాజయం
ముల్తాన్‌ టెస్టులో పాకిస్థాన్ ఘోర పరాభవంపాలైంది. బౌలర్లకు ఏమాత్రం సహకరించని పిచ్‌పై తొలుత బ్యాటింగ్ ఎంచుకుని 556 పరుగులు చేశాక కూడా ప్రత్యర్థి చేతిలో ఇన్నింగ్స్ తేడాతో ఓటమిపాలైంది. ఇలా ఓడిన తొలిజట్టుగా చెత్త రికార్డును మూటగట్టుకుంది. ఇంగ్లండ్ తమ ఇన్నింగ్స్‌ను 823-7 స్కోరు వద్ద డిక్లేర్ చేసిన సంగతి తెలిసిందే. అనంతరం పాక్ రెండో ఇన్నింగ్స్‌లో 220కే ఆలౌటైంది. లీచ్ 4 వికెట్లు పడగొట్టారు.