News November 1, 2024
INDvsNZ: నేటి నుంచి చివరి టెస్టు
భారత్, న్యూజిలాండ్ మధ్య 3 టెస్టుల సిరీస్‌లో చివరి మ్యాచ్‌ వాంఖడే వేదికగా ఈరోజు 9.30amకు ప్రారంభం కానుంది. ఇప్పటికే 2-0తో సిరీస్ కైవసం చేసుకున్న కివీస్ ఇది కూడా గెలిచి క్లీన్ స్వీప్ చేయాలని భావిస్తోంది. అటు రోహిత్ సేన ఇందులో గెలిచి పరువు నిలబెట్టుకోవాలనే పట్టుదలతో ఉంది. సీనియర్ బ్యాటర్లు రోహిత్, కోహ్లీ నుంచి భారీ ఇన్నింగ్స్ కోసం ఫ్యాన్స్ ఆశగా ఎదురుచూస్తున్నారు. పిచ్ స్పిన్నర్లకు అనుకూలం.
Similar News
News December 6, 2024
చర్మంపై ముడతలా? ఈ ఫుడ్స్ ట్రై చేయండి
యూత్‌ఫుల్ స్కిన్ ప్రతి ఒక్కరి కోరిక. వయసు పెరగడం, వాతావరణ మార్పులతో చర్మం ముడతలు పడటం సహజం. ఇలా కావొద్దంటే అసంతృప్త కొవ్వులుండే అవకాడో తినాలని వైద్యులు సూచిస్తున్నారు. ఇది చర్మాన్ని తేమగా ఉంచుతుంది. ఇక విటమిన్ E నిగారింపు పెంచుతుంది. బ్లూ, బ్లాక్, స్ట్రా బెర్రీస్‌లోని విటమిన్ C, యాంటీ ఆక్సిడెంట్లు చర్మాన్ని కాపాడతాయి. ఒమేగా 3 దొరికే అవిసెలు, చేపలు, విటమిన్స్, మినరల్స్ లభించే ఆకుకూరలు తీసుకోవాలి.
News December 6, 2024
ఆ ఊరిలో 60 ఏళ్లుగా మొబైల్, టీవీ లేవు!
మొబైల్, టీవీ లేకుండా చాలామందికి రోజు గడవదు. కానీ అమెరికాలోని వెస్ట్‌వర్జీనియాలో గ్రీన్ బ్యాంక్ అనే ఊరిలో 60 ఏళ్లుగా టీవీ, సెల్ ఫోన్లను వాడటం లేదు. అందుకో కారణం ఉంది. అంతరిక్ష రేడియో తరంగాల అధ్యయనం కోసం 1958లో ఓ టెలిస్కోప్‌ను ఇక్కడ ప్రారంభించారు. ఫోన్లు, టీవీలు సహా ఫ్రీక్వెన్సీ కలిగిన పరికరాల్ని వాడితే ఆ తరంగాల వల్ల అధ్యయనం దెబ్బతింటుంది. అన్నట్లు.. అక్కడి జనాభా 141మంది మాత్రమే!
News December 6, 2024
రికార్డు సృష్టించిన బుమ్రా
టీమ్ ఇండియా బౌలర్ జస్ప్రీత్ బుమ్రా ఈ ఏడాది 50 వికెట్లు తీసిన తొలి బౌలర్‌గా రికార్డు సృష్టించారు. అడిలైడ్‌లో జరుగుతున్న డే అండ్ నైట్ టెస్టులో ఖవాజాను ఔట్ చేయడం ద్వారా ఆయన ఈ ఘనత సాధించారు. దీంతో భారత టెస్టు చరిత్రలో ఒకే ఏడాదిలో 50 టెస్టు వికెట్లు తీసిన మూడో ఫాస్ట్ బౌలర్‌గా ఆయన నిలిచారు. గతంలో కపిల్ దేవ్, జహీర్ ఖాన్ ఈ ఘనత సాధించారు.