News November 16, 2024
స్టార్ ప్లేయర్లకు గాయాలు.. BGTలో కుర్రాళ్లకు ఛాన్స్?
భారత స్టార్ ప్లేయర్లు గాయాలతో సతమతమవుతున్న నేపథ్యంలో ఇండియా-ఏ ఆటగాళ్లు సాయి సుదర్శన్, దేవదత్ పడిక్కల్‌ను ఆస్ట్రేలియాలోనే ఉండమని BCCI కోరే అవకాశం ఉన్నట్లు టైమ్స్ ఆఫ్ ఇండియా కథనం పేర్కొంది. రేపు రాత్రి ఇండియా-A జట్టు ఆస్ట్రేలియా నుంచి బయలుదేరనుంది. BGTకి ముందు రాహుల్, గిల్‌కు గాయాలవ్వడం, రోహిత్ గైర్హాజరు వార్తల నేపథ్యంలో ఈ నిర్ణయం తీసుకోనున్నట్లు పేర్కొంది. దీనిపై అధికారిక ప్రకటన చేసే అవకాశముంది.
Similar News
News December 14, 2024
బాంబు బెదిరింపులకు పాల్పడింది 12 ఏళ్ల బాలుడు?
దేశ రాజధాని ఢిల్లీలోని పలు స్కూళ్లకు వరుస బాంబు బెదిరింపులు వచ్చిన విషయం తెలిసిందే. కాగా ఈ బెదిరింపులకు పాల్పడింది 12 ఏళ్ల బాలుడని పోలీసులు గుర్తించినట్లు తెలుస్తోంది. అతడితో పాటు తల్లిదండ్రులకు కూడా పోలీసులు కౌన్సెలింగ్ ఇచ్చి పంపినట్లు సమాచారం. గతంలో బాంబు బెదిరింపులకు పాల్పడిన వారిని పట్టుకోలేదనే కోపంతోనే ఆ విద్యార్థి ఈ పని చేసినట్లు తెలుస్తోంది.
News December 14, 2024
BIG NEWS.. త్వరలో 6,000 ఉద్యోగాలు భర్తీ
TG: టీచర్ ఉద్యోగాలకు సిద్ధమవుతున్న వారికి శుభవార్త. త్వరలోనే 6వేల టీచర్ ఉద్యోగాలను భర్తీ చేయడానికి DSC నోటిఫికేషన్ ఇస్తామని డిప్యూటీ CM భట్టి విక్రమార్క ప్రకటించారు. ఖమ్మం జిల్లా బోనకల్ గురుకుల స్కూలులో విద్యార్థులతో కలిసి ఆయన భోజనం చేశారు. ‘గత పదేళ్లు DSC నోటిఫికేషన్ ఇవ్వకుండా BRS విద్యావ్యవస్థను నాశనం చేసింది. మేం అధికారంలోకి రాగానే 11వేల టీచర్ ఉద్యోగాలు భర్తీ చేశాం’ అని ఆయన వెల్లడించారు.
News December 14, 2024
ఇకనైనా నాణ్యమైన భోజనం పెట్టండి: KTR
TG: బీఆర్ఎస్ చేపట్టిన గురుకుల బాట కార్యక్రమంతోనే కాంగ్రెస్ ప్రభుత్వంలో చలనం వచ్చిందని మాజీ మంత్రి కేటీఆర్ అన్నారు. ఇకనైనా విద్యార్థులకు నాణ్యమైన భోజనం పెట్టాలని ఆయన ట్వీట్ చేశారు. కెమెరాల ముందు హంగామా చేయకుండా గురుకుల బిడ్డల గుండె చప్పుడు వినాలని సూచించారు. పదేళ్ల కేసీఆర్ పాలనలో గురుకుల విద్యాలయాల్లో సీట్ల కోసం పోటీ ఉంటే కాంగ్రెస్ ఏడాది పాలనలో ఆసుపత్రిలో బెడ్ల కోసం పోటీ నెలకొందని విమర్శించారు.