News March 7, 2025
BRS ఎంపీలు లేకనే తెలంగాణకు అన్యాయం: కేసీఆర్
TG: లోక్సభలో BRS ప్రాతినిధ్యం లేకపోవటం వల్లే రాష్ట్రానికి అన్యాయం జరుగుతోందని మాజీ సీఎం కేసీఆర్ అన్నారు. కాంగ్రెస్ 14 నెలల్లోనే ప్రజల్లో తీవ్ర అసంతృప్తిని మూటగట్టుకుందని, ఎప్పుడు ఎన్నికలు వచ్చినా సిద్ధంగా ఉన్నామని తెలిపారు. ఏప్రిల్ 27న WGLలో నిర్వహించే బీఆర్ఎస్ రజతోత్సవ (25 ఏళ్ల) వేడుకలకు లక్షలాదిగా ప్రజలు తరలిరావాలని కోరారు. ఈ సందర్భంగా ఎర్రవల్లి ఫాంహౌస్లో పార్టీ నాయకులతో చర్చలు జరిపారు.
Similar News
News December 29, 2025
JAN 1 నుంచి అమల్లోకి కొత్త జిల్లాలు
AP: కొత్త జిల్లాలు మార్కాపురం, మదనపల్లె(అన్నమయ్య), రంపచోడవరం JAN 1నుంచి అమలులోకి వస్తాయని మంత్రి అనగాని సత్యప్రసాద్ పేర్కొన్నారు. ‘పెనుకొండను వాసవి పెనుకొండగా మార్చేందుకు ఆమోదించాం. రాజంపేటను కడపలో, రైల్వే కోడూరును తిరుపతిలో, మండపేటను రాజమండ్రిలో, అద్దంకిని ప్రకాశంలో కలపనున్నాం. గిద్దలూరు, కనిగిరి, యర్రగొండపాలెంతో కలిసి మార్కాపురం జిల్లా ఏర్పాటుకానుంది’ అని తెలిపారు.
News December 29, 2025
Money Tip: స్మార్ట్ సేవింగ్.. ఖర్చుకి చెక్!
శాలరీ రాగానే కొంత భాగాన్ని వేరే సేవింగ్స్ అకౌంట్కి ఆటోమేటిక్గా వెళ్లేలా సెట్ చేసుకోండి. దీనివల్ల మెయిన్ బ్యాలెన్స్లో డబ్బు తక్కువగా కనిపిస్తుంది. కాబట్టి, అనవసర ఖర్చులు తగ్గించుకోవచ్చు. ‘ముందు పొదుపు-తర్వాతే ఖర్చు’ అనే పద్ధతి అలవడుతుంది. చేతిలో డబ్బు ఉంటే ఎలాగోలా ఖర్చయిపోతుంది. ఇలా ఆటోమేటిక్గా పక్కన పెడితే పెద్ద మొత్తంలో డబ్బు సేవ్ అవుతుంది. ఇది ఒక డిజిటల్ పిగ్గీ బ్యాంక్ లాంటిదన్నమాట!
News December 29, 2025
అదరగొట్టిన హంపి, అర్జున్.. మోదీ, CBN ప్రశంస
FIDE వరల్డ్ రాపిడ్ చెస్ ఛాంపియన్షిప్లో తెలుగు తేజాలు కోనేరు హంపి, అర్జున్ ఎరిగైసి అదరగొట్టారు. దోహాలో జరిగిన ఈ టోర్నీలో హంపి మహిళల విభాగంలో, అర్జున్ ఓపెన్ విభాగంలో కాంస్య పతకాలు సాధించారు. ఇది భారత్కు గర్వకారణమని PM మోదీ పేర్కొన్నారు. వారి పట్టుదల, అంకితభావం యువతకు స్ఫూర్తిదాయకమన్నారు. ప్రపంచ వేదికపై తెలుగు ఆటగాళ్ల ప్రతిభను చంద్రబాబు ప్రశంసించారు.