News September 21, 2024
ఇది క్షమించరాని నేరం: కేంద్ర మంత్రి కిషన్ రెడ్డి
TG: తిరుమల లడ్డూ ఘటన దిగ్భ్రాంతిని కలిగించిందని కేంద్ర మంత్రి కిషన్ రెడ్డి అన్నారు. ప్రసాదాన్ని అపవిత్రం చేయడం క్షమించరాని నేరమని, ఇది భక్తుల మనోభావాలను దెబ్బతీయడమేనని పేర్కొన్నారు. ఇలాంటి ఘటనలు పునరావృతం కాకుండా చూడటమే కాకుండా బాధ్యులను కఠినంగా శిక్షించాలన్నారు.
Similar News
News November 29, 2025
పెద్దపల్లి: వయోవృద్ధుల హక్కులపై అవగాహన పోస్టర్ల ఆవిష్కరణ
పెద్దపల్లి RDO కార్యాలయంలో సీనియర్ పౌరుల కోసం టోల్ ఫ్రీ నంబర్ 14567పై శనివారం అవగాహన కార్యక్రమం నిర్వహించగా, వయోవృద్ధుల చట్టంపై పోస్టర్లను RDO గంగయ్య వివరించారు. సమస్యలపై ఉదయం 8 నుంచి రాత్రి 8 వరకు ఈ నంబర్ అందుబాటులో ఉంటుందని తెలిపారు. ప్రతి నెలలో శనివారం ప్రత్యేక వినతి రోజు నిర్వహించి వయోవృద్ధుల సమస్యలు పరిష్కరించనున్నట్లు చెప్పారు. కార్యక్రమంలో ఎఫ్ఆర్ఓ స్వర్ణలత, తదితరులు పాల్గొన్నారు.
News November 29, 2025
iBOMMA అంటే ఇంటర్నెట్ బొమ్మ: రవి
TG: రెండో విడత కస్టడీలో iBOMMA రవి కీలక విషయాలను వెల్లడించాడు. పైరసీ వెబ్‌సైట్లు, OTTలు, టెలిగ్రామ్ నుంచి సినిమాలను రికార్డు చేసి, వాటి క్వాలిటీ పెంచేందుకు కరీబియన్ దీవుల్లోని వ్యక్తులతో ఒప్పందం చేసుకున్నట్లు తెలిపాడు. ‘iBOMMA అంటే ఇంటర్నెట్ బొమ్మ. విశాఖలో సినిమాను బొమ్మ అంటాం. అందుకే ఆ పేరు పెట్టా. రెండో వెబ్‌సైట్‌కు బలపం అని పేరు అనుకున్నా. సాంకేతిక సమస్యతో బప్పంగా మార్చా’ అని చెప్పాడు.
News November 29, 2025
ట్రంప్ షాక్‌తో భారీగా పడిపోయిన ఎగుమతులు
అమెరికా అధ్యక్షుడు డొనాల్డ్ ట్రంప్ విధించిన భారీ టారిఫ్‌లతో 2025 మే నుంచి అక్టోబర్ మధ్య భారత ఎగుమతులు 28.5% క్షీణించాయని GTRI వెల్లడించింది. ముఖ్యంగా రత్నాలు, నగలు, టెక్స్‌టైల్‌ , కెమికల్స్, సముద్ర ఆహారం వంటి రంగాలు 31% వరకూ నష్టపోయాయి. స్మార్ట్‌ఫోన్ ఎగుమతులు 36% పడిపోయాయి. సుంకాలు తగ్గించేందుకు ప్రభుత్వం నుంచి చర్యలు ఆలస్యం కావడం పరిస్థితిని మరింత కఠినతరం చేస్తోందని GTRI హెచ్చరించింది.