News February 10, 2025
జగన్కు ప్రతిపక్ష నేత హోదా లేదు: రఘురామకృష్ణరాజు
AP: అసెంబ్లీలో సీఎం చంద్రబాబుకు ఇచ్చే సమయమే తనకూ ఇవ్వాలని జగన్ కోరడం సరికాదని డిప్యూటీ స్పీకర్ రఘురామకృష్ణరాజు చెప్పారు. ఆయనకు ప్రతిపక్ష నేత హోదా లేదని, అసెంబ్లీ నియమాలు, నిబంధనలను తెలుసుకోవాలని సూచించారు. అనుమతి తీసుకోకుండా 60 రోజులు శాసనసభకు రాకపోతే వారి సభ్యత్వం రద్దు చేయొచ్చని పునరుద్ఘాటించారు. ఈ మేరకు రాజ్యాంగంలో రూల్స్ ఉన్నాయని తెలిపారు.
Similar News
News December 14, 2025
మోదీని తొలగించడమే కాంగ్రెస్ అసలు అజెండా: బీజేపీ
ప్రధాని మోదీని పదవి నుంచి దింపేయడమే కాంగ్రెస్ అసలు లక్ష్యమని BJP ఆరోపించింది. ఓట్ చోరీ పేరుతో ఆ పార్టీ చేపట్టిన ర్యాలీ అసలు అజెండా ఇప్పుడు బయటపడిందని విమర్శించింది. మోదీ పాలన ముగిసిపోతుందని కాంగ్రెస్ కార్యకర్తలు నినాదాలు చేయడంపై మండిపడింది. ‘కాంగ్రెస్ ర్యాలీ SIRకు వ్యతిరేకంగా కాదు. మోదీని పదవి నుంచి తొలగించడానికే. తమ ప్రియతమ నాయకుడిని అగౌరవపరిస్తే ప్రజలు సహించరు’ అని హెచ్చరించింది.
News December 14, 2025
15,762 ప్రభుత్వ ఉద్యోగాలు.. దరఖాస్తుకు రేపే లాస్ట్
జవహర్ నవోదయ, కేంద్రీయ విద్యాలయాల్లో 15,762 (పెంచిన తరువాత) ఉద్యోగాలకు దరఖాస్తు గడువు రేపటితో ముగియనుంది. KVSలో 9,921, NVSలో 5841 పోస్టులున్నాయి. పోస్టును బట్టి PG, డిగ్రీ, B.Ed, M.Ed, MCA, M.PEd, CTET, ఇంటర్, డిప్లొమా పాసైనవారు అర్హులు. CBT, స్కిల్ టెస్ట్, ఇంటర్వ్యూ ద్వారా ఎంపిక చేస్తారు. ఇప్పటికే రెండు సార్లు గడువు పొడిగించినందున మరోసారి అవకాశం ఉండకపోవచ్చు. సైట్: https://www.cbse.gov.in/
News December 14, 2025
నదీజలాలపై కేసీఆర్ ప్రత్యక్ష పోరాటం: BRS
TG: కేసీఆర్ అధ్యక్షతన ఈనెల 19న BRSLP, రాష్ట్ర కార్యవర్గ సమావేశాలు జరగనున్నాయి. ఇందులో కృష్ణా-గోదావరి నదులపై కేసీఆర్ సర్కార్ పదేళ్లలో చేపట్టిన ప్రాజెక్టులు, కాంగ్రెస్ ప్రభుత్వ నిర్లక్ష్య వైఖరిపై చర్చ జరుగుతుందని BRS వెల్లడించింది. ఏపీ ప్రభుత్వం జలాలను కొల్లగొడుతున్నా రాష్ట్ర ప్రభుత్వం అడ్డుకోలేకపోతోందని విమర్శించింది. దీనిపై ప్రత్యక్ష పోరాటాలే శరణ్యం అని కేసీఆర్ భావిస్తున్నట్లు పేర్కొంది.