News March 19, 2024
ఎన్నికల సమయంలో జనంలోనే జగన్: సజ్జల
AP: వైసీపీ నిర్వహించిన ‘సిద్ధం’ సభలకు అనుహ్య స్పందన వచ్చిందని సజ్జల రామకృష్ణారెడ్డి అన్నారు. 28న నంద్యాల, 30న కర్నూలు(ఎమ్మిగనూరు)లో బస్సుయాత్ర, బహిరంగ సభలు ఉంటాయని తెలిపారు. ఉదయం ఇంటరాక్షన్ కార్యక్రమాలు, సాయంత్రం సభలు నిర్వహిస్తామని చెప్పారు. గతంలో ఎన్నడూ లేనంతగా సభలు ఉంటాయన్నారు. వైసీపీ సంక్షేమాన్ని ప్రజలకు చేరవేస్తామని తెలిపారు. ఎన్నికల సమయంలో సీఎం జగన్ జనంలోనే ఉంటారన్నారు.
Similar News
News September 11, 2024
దొంగలకు షాక్.. ఇద్దరు మృతి
TG: దొంగతనానికి వెళ్లిన ఇద్దరు కరెంట్ షాక్తో మృతి చెందిన ఘటన MBNR జిల్లా మిడ్జిల్ మండలంలో జరిగింది. బోయిన్పల్లిలోని సోలార్ ప్లాంట్లో తరచుగా కేబుల్ దొంగతనాలు జరుగుతుండడంతో కంచెకు కరెంట్ షాక్ సిస్టమ్ ఏర్పాటు చేశారు. నిన్న రాత్రి చోరీకి వచ్చిన ఇద్దరు కంచె కట్ చేసే క్రమంలో షాక్ తగిలి అక్కడికక్కడే మృతి చెందారు.
News September 11, 2024
భవనాల నిర్మాణాలకు హైడ్రా అనుమతి తప్పనిసరి కానుందా?
TG: చెరువులు, నాలాలకు సమీపంలో భవనాల నిర్మాణాలకు ‘హైడ్రా’ అనుమతి తప్పనిసరి చేయాలని ప్రభుత్వం నిర్ణయించినట్లు సమాచారం. కొనుగోలుదారులకు భరోసా కల్పించేందుకు అనుమతుల జారీలో హైడ్రాను భాగస్వామ్యం చేయనున్నట్లు తెలుస్తోంది. హైడ్రా నుంచి NOC ఉంటేనే నిర్మాణాలు చేపట్టేలా నిబంధనలను సవరించనున్నట్లు సమాచారం. ఒకవేళ అక్రమంగా నిర్మిస్తే ఇంటి నంబర్, నల్లా, విద్యుత్ కనెక్షన్లు ఇవ్వరని అధికార వర్గాలు చెబుతున్నాయి.
News September 11, 2024
విశాఖకు మరో వందేభారత్
విశాఖ నుంచి ఇప్పటికే మూడు వందేభారత్ రైళ్లు నడుస్తుండగా SEP 15 నుంచి మరొకటి అందుబాటులోకి రానుంది. విశాఖపట్నం నుంచి దుర్గ్(ఛత్తీస్గఢ్)కు గురువారాలు మినహా ప్రతిరోజు ఈ సర్వీస్ నడుస్తుంది. ఉ.6 గంటలకు దుర్గ్లో బయల్దేరి రాయ్పూర్, మహాసముంద్, రాయగడ, విజయనగరం మీదుగా మ.1.55 గంటలకు వైజాగ్ చేరుకుంటుంది. తిరిగి విశాఖ నుంచి మ.2.55 గం.కు బయల్దేరి రా.10.50 గం.కు దుర్గ్ చేరుకుంటుంది.