News May 10, 2024

ఝార్ఖండ్ మాజీ సీఎంకు సుప్రీంలో చుక్కెదురు

ఝార్ఖండ్ మాజీ సీఎం హేమంత్ సోరెన్‌కు సుప్రీం కోర్టులో చుక్కెదురైంది. మనీలాండరింగ్ ఆరోపణలపై ఈ ఏడాది జనవరిలో ఆయన్ను ఈడీ అరెస్టు చేసింది. రాంచీలోని జైల్లో ఉన్న సోరెన్, లోక్‌సభ ఎన్నికల్లో ప్రచారం కోసం మధ్యంతర బెయిల్‌ను అనుమతించాలని కోరుతూ సుప్రీంలో పిటిషన్‌ దాఖలు చేశారు. వచ్చే సోమవారం మనీలాండరింగ్ కేసు విచారణ సమయంలో బెయిల్ పిటిషన్ ప్రస్తావించాలని సూచిస్తూ ధర్మాసనం ప్రస్తుత పిటిషన్‌ను తోసిపుచ్చింది.