News September 2, 2024

ఏపీకి విరాళం ప్రకటించిన ‘కల్కి’ నిర్మాణ సంస్థ

ఏపీలో భారీ వర్షాలకు వరద పోటెత్తడంతో అనేక ప్రాంతాలు నీట మునిగాయి. ఈ విపత్కర పరిస్థితుల్లో తమ వంతు సాయంగా రాష్ట్ర ప్రభుత్వానికి ‘కల్కి’ నిర్మాణ సంస్థ వైజయంతీ మూవీస్ రూ.25 లక్షల విరాళం ప్రకటించింది. సీఎం రిలీఫ్ ఫండ్‌కు ఈ డబ్బులు ఇవ్వనున్నట్లు పేర్కొంది. ఈ క్లిష్ట సమయాల్లో అండగా ఉండటం తమ కర్తవ్యమని తెలిపింది. ఒకరికొకరు కలిసికట్టుగా ఉండాలని రాసుకొచ్చింది. ‘రేపటి కోసం’ అంటూ కల్కి డైలాగ్‌ను షేర్ చేసింది.