News July 10, 2024

రైతుల కోసం ‘కవచ్’.. ప్రభుత్వాలు సహకరిస్తే!

పురుగు మందుల పిచికారీ సమయంలో రైతులకు రక్షణ కల్పించేందుకు బెంగళూరుకు చెందిన ‘ఇన్‌స్టెమ్’ ఆధ్వర్యంలో తెలుగు సైంటిస్టులు ‘కిసాన్ కవచ్’ రూపొందించారు. ఈ కిట్‌లో ప్యాంట్, షర్టుతో పాటు తల, ముఖాన్ని కప్పి ఉంచేలా మాస్క్ ఉంటుంది. దీనికి ఉపయోగించే వస్త్రంలో పురుగుమందులను నిర్వీర్యం చేసే ఆక్సెమ్ అనే రసాయనం ఉంటుంది. దీని ధర రూ.3000 ఉంటుందని, ప్రభుత్వాలు ముందుకొస్తే రాయితీతో సరఫరా చేయవచ్చని చెబుతున్నారు.