News August 1, 2024
బీసీసీఐకి కావ్యా మారన్ కీలక సూచనలు?
నిన్న జరిగిన IPL ఓనర్ల సమావేశంలో SRH ఓనర్ కావ్యా మారన్ BCCIకి పలు కీలక సూచనలు చేసినట్లు తెలుస్తోంది. ఒక్కో ఫ్రాంచైజీ ఏడుగురిని రిటైన్ చేసుకునే అవకాశం కల్పించాలని ఆమె కోరినట్లు సమాచారం. అలాగే ఆ ఏడుగురిలో ఎవరినైనా (విదేశీ, స్వదేశీ, అన్క్యాప్డ్) అట్టిపెట్టుకునే ఛాన్స్, ఆక్షన్ సమయంలో రిటెన్షన్ గురించి ప్లేయర్లతో చర్చించే అవకాశం కల్పించాలని, ఐదేళ్లకోసారి మెగా వేలం నిర్వహించాలని సూచించినట్లు సమాచారం.
Similar News
News March 19, 2026
రైతును రాజును చేయడమే లక్ష్యం: సీఎం రేవంత్
TG: రైతుల సంక్షేమానికి కట్టుబడి ఉన్నామని సీఎం రేవంత్ తెలిపారు. ఈ ఏడాది రైతు నామ సంవత్సరంగా ఉండబోతోందని చెప్పారు. ఉగాది వేడుకల్లో మాట్లాడుతూ ‘అన్నదాతలకు ₹2లక్షల వరకు రుణమాఫీ చేశాం. భూభారతితో భూమి సమస్యలను పరిష్కరిస్తున్నాం. రైతు భరోసాకు ₹18వేల కోట్లు ఖర్చు పెట్టాం. ఈ నెల 22న మరో విడత డబ్బులు రిలీజ్ చేయనున్నాం. వ్యవసాయాన్ని లాభసాటిగా మార్చి రైతును రాజును చేయడమే మా లక్ష్యం’ అని పేర్కొన్నారు.
News March 19, 2026
IPL కోసం ఆల్కహాల్ మానేశా: చాహల్
6 నెలలుగా ఆల్కహాల్ మానేసినట్లు డివిలియర్స్ పాడ్కాస్ట్లో యుజ్వేంద్ర చాహల్ వెల్లడించారు. 35 ఏళ్ల వయసులో తన ఫిట్నెస్ను మెరుగుపరుచుకుని IPLలో టీమ్ కోసం 150% శ్రమించాలని ఈ నిర్ణయం తీసుకున్నట్లు పేర్కొన్నారు. గత సీజన్లో గాయాలతో ఇబ్బంది పడటం తనను నిరాశపర్చిందన్నారు. అందుకే ఈసారి ఫిట్నెస్పై శ్రద్ధ వహిస్తున్నానని, పంజాబ్ కింగ్స్లో సీనియర్ ప్లేయర్గా రోల్ మోడల్గా ఉండాలనుకుంటున్నట్లు వివరించారు.
News March 19, 2026
కొత్త పార్టీ.. కవితకు ఊరట
TG: పార్టీ నమోదు వ్యవహారంలో కవితకు ఢిల్లీ హైకోర్టులో ఊరట దక్కింది. ఆమె కొత్త పార్టీ ‘తెలంగాణ ప్రజా జాగృతి’పై వీలైనంత త్వరగా నిర్ణయం తీసుకోవాలని ECకి కోర్టు సూచించింది. ఇక విచారణ సందర్భంగా EC సూచించిన లోపాలు సరిచేసినట్లు కవిత తరఫు న్యాయవాదులు కోర్టుకు వివరించారు. సాంకేతిక తప్పులు సరిచేసి మళ్లీ దరఖాస్తు చేశామన్నారు. కాగా కవిత దరఖాస్తులో లోపాలున్నాయని గతంలో ఈసీ కోర్టుకు చెప్పిన విషయం తెలిసిందే.