News August 1, 2024
బీసీసీఐకి కావ్యా మారన్ కీలక సూచనలు?
నిన్న జరిగిన IPL ఓనర్ల సమావేశంలో SRH ఓనర్ కావ్యా మారన్ BCCIకి పలు కీలక సూచనలు చేసినట్లు తెలుస్తోంది. ఒక్కో ఫ్రాంచైజీ ఏడుగురిని రిటైన్ చేసుకునే అవకాశం కల్పించాలని ఆమె కోరినట్లు సమాచారం. అలాగే ఆ ఏడుగురిలో ఎవరినైనా (విదేశీ, స్వదేశీ, అన్క్యాప్డ్) అట్టిపెట్టుకునే ఛాన్స్, ఆక్షన్ సమయంలో రిటెన్షన్ గురించి ప్లేయర్లతో చర్చించే అవకాశం కల్పించాలని, ఐదేళ్లకోసారి మెగా వేలం నిర్వహించాలని సూచించినట్లు సమాచారం.
Similar News
News January 17, 2026
సైలెంట్గా దెబ్బకొట్టిన ఇండియా.. అమెరికా పప్పులపై 30% టారిఫ్స్
అమెరికా టారిఫ్స్కు వాటితోనే సైలెంట్గా బదులిచ్చింది ఇండియా. US పప్పుధాన్యాల ఎగుమతులపై 30% సుంకం విధించింది. నవంబర్ 1 నుంచే ఇది అమల్లోకి వచ్చింది. ట్రంప్కు సెనేటర్లు రాసిన లేఖతో ఇది బయటపడింది. ఈ టారిఫ్స్ వల్ల US రైతులపై చాలా ప్రభావం పడుతుందంటూ వారు వాపోయారు. ప్రపంచంలో పప్పుధాన్యాల అతిపెద్ద వినియోగదారు భారత్(27%). USపై కేంద్రం సైలెంట్గానే ప్రతీకారం తీర్చుకుందని నెటిజన్లు కామెంట్లు చేస్తున్నారు.
News January 17, 2026
మున్సిపల్ ఎన్నికల శంఖం పూరించిన రేవంత్
TG: పాలమూరు వేదికగా సీఎం రేవంత్ మున్సిపల్ ఎన్నికల సమరశంఖం పూరించారు. డబుల్ బెడ్రూమ్ ఇళ్ల లబ్ధిదారులనే బీఆర్ఎస్ ఓట్లు అడగాలని కేసీఆర్కు సవాల్ విసిరారు. తన సవాల్ను స్వీకరిస్తారా అని ప్రశ్నించారు. ఇందిరమ్మ ఇళ్లు ఉన్న గ్రామాల్లో తాము ఓట్లు అడుగుతామని స్పష్టం చేశారు. రానున్న మున్సిపల్ ఎన్నికల్లో ప్రజల కోసం పనిచేస్తున్న కాంగ్రెస్ను గెలిపించాలని ఓటర్లను కోరారు.
News January 17, 2026
రేపు దావోస్కు సీఎం చంద్రబాబు బృందం
AP: వరల్డ్ ఎకనామిక్ ఫోరం (WEF)లో పాల్గొనేందుకు సీఎం చంద్రబాబు, మంత్రులు, అధికారుల బృందం రేపు దావోస్ వెళ్లనుంది. 4 రోజుల పాటు వివిధ పారిశ్రామికవేత్తలతో భేటీ కానున్నారు. 20 దేశాల తెలుగు ప్రజలను ఉద్దేశించి CM ప్రసంగించనున్నారు. UAE మంత్రి అబ్దుల్లా, టాటాసన్స్ ఛైర్మన్ ఎన్. చంద్రశేఖరన్, గూగుల్ క్లౌడ్ CEO థామస్ కురియన్తో భేటీ కానున్నారు. మొత్తం 36 కార్యక్రమాల్లో పాల్గొంటారు. 23న HYD చేరుకోనున్నారు.