News September 9, 2024
IIHTకి కొండా లక్ష్మణ్ పేరు: CM
TG: IIHTకి కొండా లక్ష్మణ్ బాపూజీ పేరు పెట్టుకుందామని CM రేవంత్ అన్నారు. నాంపల్లిలో IIHT(ఇండియన్ ఇన్స్టిట్యూట్ ఆఫ్ హ్యాండ్లూమ్ టెక్నాలజీ) ప్రారంభోత్సవంలో ఆయన మాట్లాడారు. కొండా లక్ష్మణ్ గౌరవం పెంచేలా ప్రభుత్వ నిర్ణయాలు ఉంటాయన్నారు. తెలంగాణ కోసం కేసీఆర్ ఏం చేశారో కొండా లక్ష్మణ్ బాపూజీ చేసిన త్యాగాలతో పోల్చి తేడా గమనించాలని ప్రజలను కోరారు. BRS భవనం కోసం కొండా స్థలం ఇచ్చారని పేర్కొన్నారు.
Similar News
News December 9, 2025
ఈ రోజుల్లో స్కూళ్లకు హాలిడేస్
TG: తొలి విడత పంచాయతీ ఎన్నికల నేపథ్యంలో 10, 11 తేదీల్లో పోలింగ్ కేంద్రాలుగా ఉన్న స్కూళ్లకు సెలవులు ఉండనున్నాయి. అలాగే పోలింగ్ జరిగే ప్రాంతాల్లో 11న ప్రభుత్వ, ప్రైవేటు ఉద్యోగులు, కార్మికులకు వేతనంతో కూడిన సెలవు ఇవ్వాలని పలు జిల్లాల కలెక్టర్లు ఆదేశించారు. రెండో దశ పోలింగ్ జరిగే 14న ఆదివారం, 13న రెండో శనివారం, మూడో దశ ఎన్నికలు జరిగే 17వ తేదీతో పాటు 16న కూడా స్కూళ్లకు సెలవులు ఇవ్వనున్నారు.
News December 9, 2025
నెలసరిలో నడుంనొప్పి ఎందుకు?
నెలసరిలో చాలామందికి నడుంనొప్పి వస్తుంది. నెలసరిలో ప్రోస్టాగ్లాండిన్స్ అనే హార్మోన్లు ఉత్పత్తి అవుతాయి. ఇవి గర్భాశయం లైనింగ్ తొలగించి, గర్భాశయ సంకోచాలను ప్రేరేపిస్తాయి. ఈ సంకోచాల కారణంగా నడుం కండరాలపై ప్రభావం చూపుతుంది. అలాగే ఎండోమెట్రియోసిస్ అనేది గర్భాశయం కణజాలంలో ఉంటుంది. ఇలా అసాధారణ కణజాల పెరుగుదల వల్ల నెలసరి సమయంలో నడుం నొప్పి వస్తుందని వైద్యులు చెబుతున్నారు.
News December 9, 2025
శంషాబాద్కు మరో బాంబు బెదిరింపు మెయిల్
TG: ఎయిర్పోర్టులకు బాంబు బెదిరింపు మెయిల్స్ ఆగడం లేదు. తాజాగా శంషాబాద్ విమానాశ్రయానికి మరో బెదిరింపు మెయిల్ వచ్చింది. అమెరికాకు వెళ్లే విమానంలో బాంబు ఉందని, పేలుడు జరగకుండా ఉండాలంటే మిలియన్ డాలర్లు ఇవ్వాలని డిమాండ్ చేసినట్లు తెలుస్తోంది. వెంటనే అప్రమత్తమైన భద్రతా సిబ్బంది ఎయిర్పోర్టు అంతటా క్షుణ్ణంగా తనిఖీలు చేపట్టారు. ఈ మెయిల్ అమెరికాకు చెందిన జాస్పర్ పంపినట్లు ప్రాథమికంగా గుర్తించారు.