News November 8, 2024
కేటీఆర్ వ్యాఖ్యలు వింటే నవ్వొస్తుంది: మంత్రి కోమటిరెడ్డి
TG: ఏ యాత్ర చేసినా కేటీఆర్‌ను ప్రజలు నమ్మరని మంత్రి కోమటిరెడ్డి వెంకట్ రెడ్డి అన్నారు. పదేళ్లు అధికారం ఇచ్చినా మూసీ బాగు చేయలేని వాళ్లది ఓ బతుకేనా అంటూ తీవ్ర వ్యాఖ్యలు చేశారు. జైలుకెళ్లి యోగా చేసి పాదయాత్ర చేస్తానన్న KTR వ్యాఖ్యలు వింటే నవ్వొస్తుందన్నారు. కేసీఆర్ బయటకు వచ్చి మూసీ శుద్ధీకరణ వద్దంటే ప్రజలు ముక్కలు చేస్తారన్నారు. ఇకపై అయినా బీఆర్ఎస్ నేతలు బుద్ధి తెచ్చుకోవాలని హితవు పలికారు.
Similar News
News December 11, 2024
కన్నీటితో విద్యుత్ తయారు చేసేలా..!
కన్నీళ్ల నుంచి విద్యుత్ తయారుచేసే యోచనలో సైంటిస్టులున్నట్లు తెలుస్తోంది. మానవ కన్నీళ్లలో నాక్రే అనే మైక్రోస్కోపిక్ క్రిస్టల్స్ ఉన్నట్లు వారు గుర్తించారు. ఇవి ఒత్తిడికి గురైనప్పుడు విద్యుత్తును ఉత్పత్తి చేయగలవని పరిశోధనలో తేలినట్లు తెలుస్తోంది. ఇది కన్నీళ్ల నుంచి బయోఎలక్ట్రిక్ ఎనర్జీని ఉపయోగించడంపై ఇంట్రెస్ట్ రేకెత్తిస్తోంది. భవిష్యత్తులో దీనిపై మరింత పరిశోధన చేసే అవకాశం ఉంది.
News December 11, 2024
BREAKING: ఇంటర్ పరీక్షల షెడ్యూల్ విడుదల
ఏపీలో ఇంటర్ పరీక్షల షెడ్యూల్‌ను మంత్రి నారా లోకేశ్ విడుదల చేశారు. మార్చి 1 నుంచి మార్చి 20వ తేదీ వరకు పరీక్షలు నిర్వహిస్తామన్నారు. ఫిబ్రవరి 10 నుంచి 20వ తేదీ వరకు ప్రాక్టికల్స్ నిర్వహిస్తామని తెలిపారు. ఫిబ్రవరి 3వ తేదీన ఎన్విరాన్‌మెంటల్ పరీక్ష జరుగుతుందన్నారు. పరీక్షల షెడ్యూల్ కోసం ఇక్కడ <
News December 11, 2024
తొక్కిసలాట ఘటన.. హైకోర్టుకు అల్లు అర్జున్
TG: సంధ్య థియేటర్ వద్ద తొక్కిసలాట ఘటనపై ‘పుష్ప-2’ హీరో అల్లు అర్జున్ హైకోర్టును ఆశ్రయించారు. తనపై నమోదైన కేసును కొట్టేయాలని పిటిషన్ దాఖలు చేశారు. కాగా తొక్కిసలాటలో <<14793383>>మహిళ మరణించిన<<>> సంగతి తెలిసిందే. ఈ ఘటనలో చిక్కడపల్లి పోలీస్ స్టేషన్లో ఆయనపై కేసు నమోదైంది. ఇప్పటికే థియేటర్ యజమాని, మేనేజర్‌తో పాటు సెక్యూరిటీ మేనేజర్‌ను పోలీసులు అరెస్ట్ చేశారు.