News April 29, 2024
కుల్దీప్ యాదవ్పై ప్రశంసలు
KKRతో మ్యాచ్లో ఢిల్లీ భీకర బ్యాటర్లంతా విఫలమైన వేళ.. బౌలర్ కుల్దీప్ అద్భుత ఇన్నింగ్స్ ఆడిన తీరును నెటిజన్లు ప్రశంసిస్తున్నారు. 111కే 8 వికెట్లు కోల్పోయినప్పుడు బ్యాటింగ్కు వచ్చి జట్టును నిలబెట్టారు. 26 బంతుల్లో 5 ఫోర్లు, 1 సిక్సర్తో 35* పరుగులతో టీమ్ టాప్ స్కోరర్గా నిలిచారు. అత్యధిక ఫోర్లూ ఇతనివే కావడం గమనార్హం. టాప్ ఆర్డర్ ఆటగాళ్లు కుల్దీప్ను చూసి నేర్చుకోవాలని అభిమానులు సూచిస్తున్నారు.
Similar News
News December 3, 2025
హనుమాన్ చాలీసా భావం – 28
ఔర మనోరథ జో కోయీ లావై |
సోయి అమిత జీవన ఫల పావై ||
మనుషులు అనేక కోరికలతో దేవుళ్లను ప్రార్థిస్తారు. కానీ, హనుమంతుడిని సేవించేవారు మాత్రం జీవితంలో అపారమైన జీవన ఫలాలను పొందుతారు. ఆయన అనుగ్రహంతో అన్ని రకాల సుఖ సంతోషాలు, విజయాలు, అంతిమంగా మోక్షం కూడా లభిస్తాయి. హనుమంతుడిని వరం కోరడం అంటే, ఇక వేరే కోరిక అవసరం లేదు అని సందేశం. <<-se>>#HANUMANCHALISA<<>>
News December 3, 2025
IPL-2026: వీరిలో ఎవరిని మిస్ అవుతారు?
ఫారిన్ ప్లేయర్లు రసెల్, డుప్లెసిస్ IPLకు రిటైర్మెంట్ ప్రకటించగా మరో ప్లేయర్ మ్యాక్స్వెల్ వచ్చే సీజన్కు అందుబాటులో ఉండట్లేదని అనౌన్స్ చేశారు. తమదైన ఆటతో మ్యాచు స్వరూపాన్నే మార్చేయడంలో వీరు దిట్ట. స్థిరత్వానికి డుప్లెసిస్ మారుపేరు కాగా, ఆల్రౌండర్ కోటాలో మ్యాక్సీ, రసెల్ రాణించిన సందర్భాలు చాలా ఉన్నాయి. వీరి స్థానాలను ఇప్పటికిప్పుడు భర్తీ చేయడం కష్టమే. మీరు వీరిలో ఎవరి ఆట మిస్ అవుతారు? కామెంట్.
News December 3, 2025
పిల్లల జీవితానికి ఈ అలవాట్లే పునాదులు
చిన్నతనంలోనే పిల్లలకు కొన్ని అలవాట్లు నేర్పిస్తే వారిలో ప్రశాంతతతోపాటు క్రమశిక్షణ, ఏకాగ్రత, జీవన నైపుణ్యాలు మెరుగవుతాయంటున్నారు నిపుణులు. ఉదయాన్నే త్వరగా నిద్ర లేవడం, బెడ్ సర్దడం, తమంతట తామే రెడీ కావడం, వ్యాయామం, క్లీనింగ్, గార్డెనింగ్ చేయించడం వల్ల వారిలో ఉత్పాదకత పెరుగుతుందని చెబుతున్నారు. వీటితో పాటు పుస్తకాలు చదవడం, కృతజ్ఞతాభావం అలవాటు చేయడం వారికి జీవితంలో ఎంతగానో ఉపయోగపడతాయంటున్నారు.