News July 9, 2024

ఇకపై తిట్లు బంద్ చేద్దాం: బండి సంజయ్

TG: ఎన్నికలు ముగిశాయి కాబట్టి తిట్లు ఆపి ఇక అభివృద్ధిపై దృష్టి పెడదామని కేంద్ర హోంశాఖ సహాయ మంత్రి బండి సంజయ్ కాంగ్రెస్‌కు పిలుపునిచ్చారు. రాజన్న సిరిసిల్ల జిల్లాలో పర్యటన సందర్భంగా ఆయన మాట్లాడారు. ‘కేంద్రం, రాష్ట్రం మధ్య సమన్వయంతోనే గ్రామాల అభివృద్ధి సాధ్యం. రాష్ట్రానికి కేంద్రం నుంచి పూర్తి సహకారం అందేలా చూస్తాను. ఈ అవకాశాన్ని సద్వినియోగం చేసుకుని జిల్లాను అభివృద్ధి చేస్తా’ అని పేర్కొన్నారు.