News November 22, 2024

రేపే అల్పపీడనం.. అతిభారీ వర్షాలు

AP: ఆగ్నేయ బంగాళాఖాతంలో రేపు అల్పపీడనం ఏర్పడి, రెండు రోజుల్లో వాయుగుండంగా మారుతుందని IMD తెలిపింది. దీని ప్రభావంతో వచ్చే మంగళ, బుధవారాల్లో కోస్తాంధ్ర జిల్లాల్లో అతి భారీ వర్షాలు, రాయలసీమలో భారీ వర్షాలు కురుస్తాయని పేర్కొంది. ఈ అల్పపీడనం తుఫానుగా బలపడే అవకాశం కూడా ఉందని వెల్లడించింది. ఆ తర్వాత తుఫాను తీవ్ర వాయుగుండంగా బలహీనపడి ఈనెల 27న తమిళనాడు లేదా ఏపీలో తీరం దాటుతుందని అంచనా వేసింది.