News July 9, 2024
స్టార్ అవ్వాలంటే బికినీ వేసుకోవాలన్నాడు: మనీషా
తన కెరీర్ ఆరంభంలో ఓ ఫొటోగ్రాఫర్ తనతో అనుచితంగా ప్రవర్తించాడని నటి మనీషా కొయిరాలా ఓ ఇంటర్వ్యూలో వెల్లడించారు. ‘ఓసారి ఫొటోషూట్‌కు వెళ్లాను. అక్కడ ఉన్న ప్రముఖ ఫొటోగ్రాఫర్ నా దగ్గరకు టూ పీస్ బికినీ తెచ్చి వేసుకోమన్నాడు. అది ధరిస్తేనే స్టార్ అవుతానన్నాడు. ఇవి ఈత కొట్టే సమయంలో తప్ప సినిమాల్లో ధరించనని తేల్చిచెప్పాను. తర్వాత నేను పెద్ద నటిని అయ్యాక అతడే నా ఫొటోలు తీశాడు’ అని తెలిపారు.
Similar News
News October 6, 2024
ఆ హీరోయిన్‌ను వద్దన్న సల్మాన్ ఖాన్?
సల్మాన్, సోనమ్ కపూర్ జంటగా వచ్చిన ‘ప్రేమ్ రతన్ ధన్‌పాయో’ విజయం సాధించిన సంగతి తెలిసిందే. సోనమ్‌ను హీరోయిన్‌గా తీసుకునేందుకు సల్మాన్ ఒప్పుకోలేదని ఆ మూవీ దర్శకుడు సూరజ్ భర్జాత్య తాజాగా తెలిపారు. ‘మాకు 20 ఏళ్ల ఏజ్ గ్యాప్ ఉంది. నా కళ్లముందే పెరిగిన అమ్మాయితో సన్నిహితంగా నటించడం నాకు ఇబ్బంది’ అని అన్నారని సూరజ్ పేర్కొన్నారు. ఆ పాత్రకు ఆమే కరెక్ట్ అని చెప్పి తానే సల్మాన్‌ను ఒప్పించానని వెల్లడించారు.
News October 6, 2024
యజమానిని బతికించిన శునకం
కుక్క ఎంత విశ్వాసంగా ఉంటుందో ఈ ఘటన చూస్తే అర్థమవుతుంది. US వాషింగ్టన్‌లోని స్టీవెన్స్ కౌంటీ అటవీ ప్రాంతంలో ఉండే 84 ఏళ్ల వృద్ధుడి దగ్గర గీత అనే పెంపుడు కుక్క ఉంది. గత నెల 25న అతను కుప్పకూలడంతో గీత సాయం కోసం వెతికింది. అప్పుడే ఓ అధికారి అటుగా రాగా గీతను చూసి యజమాని కోసం వెతికినా కనిపించలేదు. కుక్కను అనుసరిస్తూ వెళ్లగా ఓ ఇంట్లో పడిపోయిన వృద్ధుడిని చూసి అంబులెన్స్‌కు ఫోన్ చేసి ఆస్పత్రికి పంపించారు.
News October 6, 2024
ఫోన్ రాగానే ప్రకాశ్ రాజ్ వదిలేసి వెళ్లిపోయారు: దర్శకుడు
ప్రకాశ్ రాజ్ షూటింగ్ నుంచి వెళ్లిపోయిన అంశంపై తమిళ డైరెక్టర్ వినోద్ మరింత స్పష్టతనిచ్చారు. ‘గత నెల 30న 1000మంది జూనియర్ ఆర్టిస్టులతో సీన్ చేస్తున్నాం. వేరే ప్రొడక్షన్ హౌస్ నుంచి కాల్ రాగానే ప్రకాశ్ మమ్మల్ని వదిలేసి వెళ్లిపోయారు. ఏం చేయలేక మొత్తం షెడ్యూల్ క్యాన్సిల్ చేయాల్సి వచ్చింది. చాలా నష్టం వాటిల్లింది’ అని పేర్కొన్నారు. మరోవైపు నెట్టింట ‘జస్ట్ ఆస్కింగ్’ హాష్ ట్యాగ్ ట్రెండ్ అవుతోంది.