News August 20, 2024
నా మాటలు గుర్తుపెట్టుకో చీప్ మినిస్టర్ రేవంత్: KTR
TG: సచివాలయం ఎదుట ఏర్పాటు చేసిన రాజీవ్ గాంధీ విగ్రహాన్ని టచ్ చేయలేరని సీఎం రేవంత్ చేసిన వ్యాఖ్యలకు KTR కౌంటర్ ఇచ్చారు. ‘నా మాటలు గుర్తుపెట్టుకో చీప్ మినిస్టర్ రేవంత్. మేం అధికారంలోకి వచ్చిన రోజునే అంబేడ్కర్ సచివాలయ పరిసరాల్లోని చెత్తాచెదారాన్ని తొలగిస్తాం. మీ లాంటి ఢిల్లీ గులాములు తెలంగాణ ఆత్మగౌరవాన్ని కాపాడతారని మేం అనుకోవట్లేదు. మీ మానసిక ఆరోగ్యం కుదుటపడాలని కోరుకుంటున్నా’ అని ట్వీట్ చేశారు.
Similar News
News September 18, 2024
పాక్ క్రికెట్ను గాడిలో పెట్టే వ్యక్తులు కావాలి: లతీఫ్
పాకిస్థాన్ క్రికెట్ అంపశయ్య మీద ఉందని మాజీ కెప్టెన్ రషీద్ లతీఫ్ అన్నారు. జట్టును గాడిలో పెట్టే వ్యక్తులు అత్యవసరమని వ్యాఖ్యానించారు. కెప్టెన్ బాబర్ ఆజం మానసిక ఒత్తిడికి గురై ఆటలో రాణించలేకపోతున్నారని చెప్పారు. ఆయన కెప్టెన్సీ వదిలేసి బ్యాటింగ్పై దృష్టి సారించాలని సూచించారు. ఇటీవల సొంతగడ్డపై జరిగిన టెస్టులో తొలిసారిగా బంగ్లా చేతిలో పాక్ క్లీన్స్వీప్కు గురికావడం ఆ జట్టు దుస్థితికి అద్దం పడుతోంది.
News September 18, 2024
IIT బాంబేకు మోతిలాల్ ఓస్వాల్ రూ.130 కోట్ల విరాళం
మోతిలాల్ ఓస్వాల్ ఫౌండేషన్ ఐఐటీ బాంబేకు రూ. 130 కోట్ల భారీ విరాళాన్ని ప్రకటించింది. దీనిని విద్యా సంస్థలో ఆర్థిక రంగంలో పరిశ్రమ ఆధారిత వినూత్న కార్యక్రమాల అమలు, మౌలిక సదుపాయాల కల్పన, పరిశోధనల మెరుగుకు ఖర్చు చేయనున్నారు. ఇది భారతీయ విద్యా సంస్థకు అందిన అతిపెద్ద కార్పొరేట్ విరాళాలలో ఒకటిగా నిలిచింది. దీని ద్వారా మోతిలాల్ ఓస్వాల్ నాలెడ్జ్ సెంటర్ను ఐఐటీ బాంబేలో ఏర్పాటు చేయనున్నారు.
News September 17, 2024
హెజ్బొల్లా పేజర్లు వాడకం వెనుక కారణాలు?
పుష్పలో అల్లు అర్జున్ ఉపయోగించే పేజర్ గుర్తుందా? వాటి కంటే అత్యాధునికమైనవి వాడుతోంది లెబనాన్కు చెందిన హెజ్బొల్లా. సెల్ఫోన్లు, ఇంటర్నెట్ను ఇజ్రాయెల్ సులభంగా హ్యాక్ చేయగలదని ఇంటర్నల్ కమ్యూనికేషన్ కోసం పేజర్లను వాడుతోంది. రక్షణ సంబంధిత సాంకేతికత అంశాల్లో ఇజ్రాయెల్ శత్రుదుర్భేద్యంగా ఉంది. అందుకే <<14127059>>వేలాది పేజర్లు ఒకే రోజు పేలడం<<>> వెనుక ఇజ్రాయెల్ హస్తం ఉందని హెజ్బొల్లా ఆరోపిస్తోంది.