News March 28, 2024
‘న్యాయవ్యవస్థపై దుష్ప్రచారం’.. సీజేఐకి 600 మంది లాయర్ల లేఖ
న్యాయవ్యవస్థపై ప్రజల్లో నమ్మకం కోల్పోయేలా కొందరు దుష్ప్రచారం చేస్తున్నారని 600 మంది లాయర్లు సంయుక్తంగా CJI జస్టిస్ చంద్రచూడ్కు లేఖ రాశారు. ‘ముఖ్యంగా పొలిటికల్ కేసుల్లో న్యాయవ్యవస్థపై కొందరు ఒత్తిడి తెచ్చే ప్రయత్నం చేస్తున్నారు. ఒకప్పటి న్యాయవ్యవస్థ బాగుండేదని దుష్ప్రచారం చేస్తుంటే దానికి కొందరు లాయర్లు వంతపాడటం బాధాకరం. వీరిపై సుప్రీంకోర్టు కఠిన చర్యలు చేపట్టాలని కోరుతున్నాం’ అని పేర్కొన్నారు.
Similar News
News March 28, 2026
ఆలివ్ ఆయిల్ వాడటం వల్ల కలిగే లాభాలు
వంటల్లో ఆలివ్ ఆయిల్ చేర్చడం వల్ల ఎన్నో లాభాలున్నాయంటున్నారు పోషకాహార నిపుణులు. ఆలివ్స్లో యాంటి ఆక్సిడెంట్లు పుష్కలంగా లభిస్తాయి. గుండెకు మేలుచేసే మోనోఅన్శాచురేటెడ్ కొవ్వులు, ఫైబర్ కూడా ఎక్కువగా ఉంటాయి. కొలెస్ట్రాల్, రక్తపోటును తగ్గిస్తాయి. గుండె ఆరోగ్యంతో పాటు కొన్నిరకాల క్యాన్సర్ల ప్రమాదాన్ని తగ్గించడంలోనూ సాయపడతాయని పలు సర్వేలు తేల్చాయి. జీర్ణ వ్యవస్థతోపాటు చర్మ ఆరోగ్యాన్నీ కాపాడుతాయి.
News March 28, 2026
ఇంటి బాల్కనీలో ఈ మొక్కలు పెంచండి
ఇంటి గాలిని శుభ్రపరిచేందుకు సహజసిద్ధమైన మార్గం మొక్కలే. మన బాల్కనీలో పెంచుకునే లావెండర్, స్నేక్ ప్లాంట్, పీస్ లిల్లీ, కలబంద వంటివి గాల్లోని విషతుల్యాలను తొలగించి స్వచ్ఛమైన ఆక్సిజన్ను అందిస్తాయి. ముఖ్యంగా మల్లె, రోజ్మేరీ, పుదీనా వెదజల్లే సువాసనలు మనసుకు ఉల్లాసాన్నిచ్చి, ఒత్తిడిని తగ్గిస్తాయి. ఆధ్యాత్మికంగా, ఆరోగ్యపరంగా మేలు చేసే తులసి, బంతి ఉంటే మనలో పాజిటివ్ ఎనర్జీ కూడా పెరుగుతుంది.
News March 28, 2026
4 లీటర్ల పెట్రోల్ దాచాడని 3 వారాలు జైలు శిక్ష
పశ్చిమాసియాలో యుద్ధం వల్ల ఇంధన కొరతతో దేశాలు అల్లాడుతున్నాయి. ఈ నేపథ్యంలో 4 లీటర్ల పెట్రోల్ దాచాడనే కారణంతో శ్రీలంక కోర్టు బాలసూర్య అనే వ్యక్తికి 3 వారాల జైలు శిక్ష, రూ.1,500 ఫైన్ విధించింది. అతను అక్రమంగా పెట్రోల్ను నిల్వ చేసి బ్లాక్ మార్కెట్లో విక్రయించే ప్రయత్నం చేశాడని పోలీసులు వెల్లడించారు. అయితే తాను ఇంటి పరిసరాల్లో చెత్తను కాల్చేందుకు తెచ్చుకున్నానని నిందితుడు తెలిపారు.