News November 4, 2024
నిత్యావసరాల ధరల నియంత్రణకు చర్యలు: అచ్చెన్నాయుడు
AP: నిత్యావసరాల వస్తువుల ధరల పెరుగుదల నియంత్రణకు చర్యలు తీసుకుంటున్నామని మంత్రి అచ్చెన్నాయుడు అన్నారు. ప్రజలపై భారం పెరగకుండా చూస్తామని తెలిపారు. ఈమేరకు నిత్యావసరాల ధరల పర్యవేక్షణపై సచివాలయంలో సమీక్షించారు. రైతు బజార్లలో ధరల పట్టికల ప్రదర్శన, ధరల స్థిరీకరణ నిధి ఏర్పాటు తదితర అంశాలపై చర్చించారు. సమీక్షలో పలువురు మంత్రులు, వ్యవసాయ, ఆర్థిక, పౌరసరఫరాల, మార్కెటింగ్‌శాఖల అధికారులు పాల్గొన్నారు.
Similar News
News November 29, 2025
సేవలకు సంకేతం సన్నిధి భాష్యకారుల ఆలయం
శ్రీవారి ఆలయంలోని విమాన ప్రదక్షిణంలో సంగీత భాండాగారం పక్కన ఉన్నదే భాష్యకారుల సన్నిధి. ఇందులో భగవద్రామానుజుల వారి విగ్రహం ఉంటుంది. శ్రీవారి కైంకర్య వ్యవస్థను క్రమబద్ధీకరించి, కట్టుదిట్టం చేసినందుకు ఆయనకు కృతజ్ఞతగా ఈ ఆలయాన్ని నెలకల్పారు. తాళ్లపాక అన్నమాచార్యుల కాలం నాటికే ఈ సన్నిధి ఉందనడానికి చారిత్రక ఆధారాలున్నాయి. ఇది శ్రీవారి సేవలకు రామానుజుల వారు చేసిన కృషికి చిహ్నంగా నిలిచింది. <<-se>>#VINAROBHAGYAMU<<>>
News November 29, 2025
ఇంట్లోనే షాంపూ ఇలా చేసుకోండి
జుట్టు రాలిపోయే సమస్యకు చెక్ పెట్టాలంటే హోం మేడ్ షాంపూ వాడటం బెటర్ అంటున్నారు నిపుణులు. అదెలా చేయాలంటే.. శీకాయ, కుంకుడు కాయ, ఉసిరి, వేపాకు పొడి సమపాళ్లలో తీసుకొని మరుగుతున్న నీటిలో వేయాలి. ఇవి వేసిన తర్వాత 10నిమిషాలు మరగనివ్వాలి. ఈ మిశ్రమం చల్లారిన తర్వాత వడకట్టుకుని భద్రపరచుకోవాలి. ఈ హోంమేడ్ షాంపూతో తలస్నానం చేస్తే.. జుట్టు రాలిపోవడం తగ్గడంతో పాటు బలంగా తయారవుతుందని చెబుతున్నారు.
News November 29, 2025
రేపు తీరానికి ‘దిత్వా’.. అతిభారీ వర్షాలు
AP: బంగాళాఖాతంలో ఏర్పడిన ‘దిత్వా’ తుఫాను రేపు తెల్లవారుజామున తమిళనాడు, పుదుచ్చేరి, దక్షిణ కోస్తాంధ్ర తీరానికి చేరనుందని APSDMA ట్వీట్ చేసింది. ప్రస్తుతం పుదుచ్చేరికి 250km, చెన్నైకి 350kmల దూరంలో కేంద్రీకృతమైనట్లు తెలిపింది. గడిచిన 6 గంటల్లో 10km వేగంతో కదిలినట్లు పేర్కొంది. దీని ప్రభావంతో రేపు యానాం, కోస్తాంధ్ర, రాయలసీమ జిల్లాల్లో అతిభారీ వర్షాలకు ఛాన్స్ ఉందని వెల్లడించింది.