News November 10, 2024
3,50,000 మంది పిల్లలకు పాలు.. ఈ తల్లికి సెల్యూట్
తల్లి పాలకు మించిన పౌష్టికాహారం ఏదీలేదు. కానీ చాలా మంది పిల్లలకు ఈ పాలు అందడం లేదు. వారికోసం USకు చెందిన అలీస్ ఓగ్లెట్రీ(36) పెద్ద మనసు చాటుకున్నారు. 2023 జులై నాటికి తన బ్రెస్ట్ మిల్క్‌ను 2,645L దానం చేసి గిన్నిస్ రికార్డును సాధించారు. గతంలోనూ 1,569L పాలను అందించారు. తాను 3,50,000 మంది పిల్లలకు సాయం చేసినట్లు ఆమె సంతోషం వ్యక్తం చేస్తున్నారు. ఈమెకు ఇద్దరు పిల్లలు. సరోగేట్ మదర్‌గానూ సేవ చేశారు.
Similar News
News December 6, 2024
తెలుగు రాష్ట్రాలకు కేంద్రం గుడ్ న్యూస్
తెలంగాణకు కొత్తగా 7 జవహర్ నవోదయ విద్యాలయాలు, ఏపీకి 8 కేంద్రీయ విద్యాలయాలను కేంద్రం ప్రకటించింది. TGలోని జగిత్యాల, NZB, కొత్తగూడెం, మేడ్చల్, MBNR, సంగారెడ్డి, సూర్యాపేట జిల్లాలకు నవోదయ విద్యాలయాలను కేటాయించింది. ఏపీలోని అనకాపల్లి, చిత్తూరులో వలసపల్లె, సత్యసాయి జిల్లాలో పాలసముద్రం, గుంటూరులో తాళ్లపల్లె, రొంపిచర్ల, కృష్ణాలో నూజివీడు, నందిగామ, నంద్యాలలోని డోన్‌లో KVBల ఏర్పాటుకు ఆమోదం తెలిపింది.
News December 6, 2024
ప్ర‌త్య‌ర్థి పార్టీ నేత కుమార్తెతో కొడుకు పెళ్లి.. సీనియర్ లీడర్ సస్పెండ్
కొడుకు పెళ్లి పార్టీ క్ర‌మ‌శిక్ష‌ణారాహిత్యం కిందికి వ‌స్తుంద‌ని ఆ BSP నేత ఊహించి ఉండ‌క‌పోవ‌చ్చు. కానీ అదే జరిగింది. UPలోని రాంపూర్ జిల్లా BSP నేత సురేంద్ర సాగ‌ర్ తన కుమారుడి పెళ్లి SP MLA త్రిభువ‌న్ ద‌త్ కుమార్తెతో చేశారు. దీంతో ప్ర‌త్య‌ర్థి పార్టీ నేత‌తో సంబంధం కుదుర్చుకున్నందుకు సీనియర్ నేత అని కూడా చూడకుండా సురేంద్రతోపాటు పార్టీ జిల్లా అధ్య‌క్షుడిని కూడా చీఫ్ మాయావ‌తి సస్పెండ్ చేశారు.
News December 6, 2024
రేపు నటి, నటుడి పెళ్లి
తెలుగు నటుడు సాయి కిరణ్ 46 ఏళ్ల వయసులో రెండో వివాహం చేసుకోబోతున్నారు. సీరియల్ నటి స్రవంతితో రేపు ఆయన పెళ్లి జరగనుంది. ‘నువ్వే కావాలి’ మూవీతో గుర్తింపు తెచ్చుకున్న సాయి కిరణ్ పలు సినిమాల్లో హీరోగా, సపోర్టింగ్ రోల్స్‌లో నటించారు. ప్రస్తుతం సీరియల్స్‌తో బిజీగా ఉన్నారు. సాయి కిరణ్ తొలి వివాహం 2010లో వైష్ణవి అనే మహిళతో జరిగింది. వారిద్దరూ పరస్పర అంగీకారంతో విడాకులు తీసుకున్నారు. వారికి ఒక కూతురు ఉంది.