News December 5, 2024
మోస్ట్ పాపులర్ స్టార్స్.. శోభిత తర్వాతే సమంత
ఈ ఏడాది IMDBలో ఎక్కువగా వెతికిన స్టార్ల జాబితా విడుదలైంది. శోభిత 5వ స్థానంలో నిలిచారు. చైతూతో పెళ్లి నేపథ్యంలో ఆమె కోసం ఎక్కువగా సెర్చ్ చేయడంతో ఈ ర్యాంక్ దక్కింది. సమంత 8వ ప్లేస్లో ఉన్నారు. సిటాడెల్: హనీబన్నీ విడుదల, ఆమె ఇంటర్వ్యూల కోసం అభిమానులు సెర్చ్ చేశారు. టాప్-1లో త్రిప్తి దిమ్రీ, దీపిక 2, ఇషాన్ ఖట్టర్ 3, షారుఖ్ 4, శార్వరీ 6, ఐశ్వర్యరాయ్ 7, ఆలియా 9, ప్రభాస్ 10వ స్థానాల్లో నిలిచారు.
Similar News
News November 9, 2025
అద్వానీకీ అదే న్యాయం వర్తిస్తుంది: శశిథరూర్
BJP నేత అద్వానీపై కాంగ్రెస్ MP శశిథరూర్ ఆసక్తికర ట్వీట్ చేశారు. ‘ఒక్క ఘటనను కారణంగా చూపించి ఆయన చేసిన సుదీర్ఘ సేవను తగ్గించడం అన్యాయం. చైనా ఎదురుదెబ్బను చూపించి నెహ్రూ కెరీర్ను, ఎమర్జెన్సీ ఆధారంగా ఇందిరా గాంధీ రాజకీయ జీవితాన్ని నిర్వచించలేం. అద్వానీకీ అదే న్యాయం వర్తిస్తుంది’ అని తెలిపారు. విద్వేషపు విత్తనాలు నాటడం సేవ కాదని అద్వానీపై అడ్వకేట్ సంజయ్ హెగ్డే చేసిన ట్వీట్కు ఇలా బదులిచ్చారు.
News November 9, 2025
నైట్ పార్టీల్లో ఇలా మెరిసిపోండి
పార్టీల్లో అందంగా కనిపించాలంటే మేకప్ తప్పనిసరి. అయితే నైట్ పార్టీల్లో న్యూడ్ కలర్స్ కంటే ముదురురంగు లిప్స్టిక్ బావుంటుంది. ప్లెయిన్ ఐ షాడోకి గ్లిట్టర్ యాడ్ చెయ్యాలి. కాంపాక్ట్ పౌడర్ లైట్గా అద్దుకోవాలి. బ్రాంజర్తో కాంటూర్, చెక్కిళ్లకు బ్లషర్ అద్దాలి. ఫాల్స్ ఐ లాషెస్ లేదా డ్రమాటిక్ మస్కారా యాడ్ చెయ్యాలి. హైలైటర్ను చెక్కిళ్లు, బ్రో బోన్ మీద అద్దుకుంటే పార్టీలో సెంటర్ ఆఫ్ అట్రాక్షన్ మీరే అవుతారు.
News November 9, 2025
CII సదస్సులో రూ.10 లక్షల కోట్ల పెట్టుబడులు: మంత్రి కొండపల్లి
AP: రాష్ట్రాన్ని మాన్యూఫ్యాక్చరింగ్ హబ్గా తీర్చిదిద్దేందుకు చర్యలు చేపడుతున్నట్లు మంత్రి కొండపల్లి శ్రీనివాస్ పేర్కొన్నారు. విశాఖలో MSME ఎగుమతుల అభివృద్ధి సదస్సులో ఆయన పాల్గొన్నారు. ‘IT రంగంలోనూ విశాఖ వేగంగా అభివృద్ధి చెందుతోంది. MSME విభాగంలో రాష్ట్రం అగ్రస్థానంలో నిలుస్తోంది. CII సదస్సులో రూ.10 లక్షల కోట్ల పెట్టుబడులు వస్తాయని అంచనా. ఏపీపై పెట్టుబడిదారుల ఆసక్తి పెరుగుతోంది’ అని పేర్కొన్నారు.