News February 9, 2025
సినిమా ఆఫర్.. మాజీ CM కూతురికి రూ.4 కోట్లు టోకరా
సినిమా ఆఫర్ ఇస్తామంటూ కొందరు ఉత్తరాఖండ్ మాజీ CM రమేశ్ పోఖ్రియాల్ నిశాంక్ కూతురు ఆరుషికి రూ.4 కోట్లకు టోకరా పెట్టారు. ముంబైకి చెందిన వరుణ్, మాన్సీలు నిర్మాతలమంటూ పరిచయం చేసుకున్నారు. విక్రమ్ మాస్సే హీరోగా తెరకెక్కించే మూవీలో కీలక పాత్రతో పాటు లాభంలో 20% షేర్ ఇస్తామని, పెట్టుబడి పెట్టాలని చెప్పారు. ఇది నమ్మి ఆమె విడతలవారీగా రూ.4 కోట్లు ఇచ్చారు. మూవీ ప్రారంభం కాకపోవడంతో మోసం చేశారని కేసు పెట్టారు.
Similar News
News February 10, 2026
విశాఖ: గుడ్ న్యూస్.. నిరుద్యోగులకు ఉచిత శిక్షణ
విశాఖలో నైపుణ్యాభివృద్ధి సంస్థ (SDI), నిరుద్యోగ యువతకు వెల్డింగ్, ఫిట్టర్, ఎలక్ట్రికల్, డేటా ఎంట్రీ వంటి విభాగాల్లో ఉచిత శిక్షణ అందిస్తోంది. SSC నుంచి B.Tech వరకు అర్హత ఉండి 18-28 ఏళ్ల మధ్య ఉన్న వారికి ఉచిత భోజన, వసతితో శిక్షణ ఇచ్చి, ఉద్యోగ అవకాశాలు కల్పిస్తామని సీఈఓ విజయ్ కుమార్ తెలిపారు. ఫిబ్రవరి 11 నుంచి 20 లోపు ద్వారకానగర్లోని SDI కేంద్రంలో లేదా 79893 13189 నంబర్ను సంప్రదించాలన్నారు.
News February 10, 2026
ఏపీలో అన్క్లెయిమ్డ్ డిపాజిట్లు రూ.2,279 కోట్లు: కేంద్రం
AP: రాష్ట్రంలోని బ్యాంకుల్లో అన్క్లెయిమ్డ్ డిపాజిట్లు రూ.2,279 కోట్లు ఉన్నాయని కేంద్ర మంత్రి పంకజ్ చౌదరి తెలిపారు. టీడీపీ ఎంపీ హరీశ్ లోక్సభలో అడిగిన ప్రశ్నకు ఆయన సమాధానమిచ్చారు. ఈ డబ్బును అసలైన యజమానులకు లేదా వారి వారసులకు అందించేందుకు చర్యలు చేపట్టామన్నారు. <<18520571>>‘మీ సొమ్ము- మీ హక్కు’<<>> కార్యక్రమం ద్వారా ఇప్పటివరకు 34వేల ఖాతాలకు చెందిన రూ.161 కోట్లను సెటిల్ చేశామని చెప్పారు.
News February 10, 2026
పాన్ కార్డు రూల్స్లో మార్పులు!
పాన్ కార్డు రూల్స్లో పలు మార్పులను కేంద్రం ప్రతిపాదించింది. ఒక FYలో ₹10 లక్షల కంటే ఎక్కువ నగదు డిపాజిట్లు/విత్ డ్రాలు చేస్తే పాన్ తప్పనిసరి. ప్రస్తుతం బ్యాంకుల్లో ఒక రోజులో లావాదేవీలు ₹50 వేలు దాటినా అడుగుతున్నారు. కొత్త వాహనం విలువ ₹5 లక్షలు, హోటల్ ఖర్చు ₹లక్ష దాటినా సమర్పించాలి. స్థిరాస్తి అమ్మకం/కొనుగోలు విలువ ₹20 లక్షలు దాటినా పాన్ నంబర్ ఇవ్వాలి. ఏప్రిల్ 1 నుంచి ఇవి అమలయ్యే అవకాశం ఉంది.