News November 14, 2024
నరేందర్ రెడ్డిని కస్టడీకి కోరిన పోలీసులు.. సోమవారం విచారణ
TG: కొడంగల్ మాజీ ఎమ్మెల్యే పట్నం నరేందర్ రెడ్డిని కస్టడీకి కోరుతూ పోలీసులు పిటిషన్ దాఖలు చేశారు. ఏడు రోజులు కస్టడీకి ఇవ్వాలని వికారాబాద్ కోర్టును కోరారు. మరోవైపు తనకు బెయిల్ కోరుతూ నరేందర్ రెడ్డి అదే కోర్టులో పిటిషన్ దాఖలు చేశారు. ఈ రెండు పిటిషన్లపై కోర్టు సోమవారం విచారణ జరపనుంది. లగచర్ల కేసులో A-1గా ఉన్న ఈ మాజీ ఎమ్మెల్యే ప్రస్తుతం చర్లపల్లి జైల్లో రిమాండ్ ఖైదీగా ఉన్నారు.
Similar News
News November 29, 2025
GHMC: EV ఇక ప్రైవేట్‌కు!
గ్రేటర్ పరిధిలో ఎలక్ట్రిక్ వాహనదారులకు మరిన్ని ఛార్జింగ్ స్టేషన్లు అందుబాటులోకి రానున్నాయి. సిటీ వ్యాప్తంగా 150 స్టేషన్ల ఏర్పాటుకు టీఎస్ రెడ్కో ముందుకొచ్చింది. దీంతో వీటి నిర్వహణ ప్రైవేట్‌కు అప్పగించనున్నారు. డిసెంబర్ 1తో బిడ్ వేసేందుకు అవకాశం ఉంది. ప్రైవేట్‌కి ఇస్తే ఫిర్యాదులు త్వరగా పరిష్కరించేందుకు అవకాశం ఉంటుందని అధికారులు భావిస్తున్నారు.
News November 29, 2025
రేసింగ్‌లో రాణిస్తున్న అతిక మీర్‌
భారత రేసింగ్‌ సంచలనం అతిక మీర్‌ అంతర్జాతీయంగా రికార్డులు సృష్టిస్తోంది. శ్రీనగర్‌కు చెందిన పదేళ్ల అతిక UAEలో కార్టింగ్‌ ఛాంపియన్‌షిప్‌ గెలిచిన భారత తొలి మహిళా రేసర్‌గా చరిత్ర సృష్టించింది. F1 అకాడమీతో ఒప్పందం చేసుకున్న మొదటి ఆసియా మహిళా రేసర్‌గానూ నిలిచింది. 2024లో ఇటలీలో రొటాక్స్‌ యూరో ఛాంపియన్‌షిప్‌, ఈ ఏడాది ఫ్రాన్స్‌లో రొటాక్స్‌ టోర్నీలోనూ మైక్రోమ్యాక్స్‌ కేటగిరిలో ట్రోఫీ కైవసం చేసుకుంది.
News November 29, 2025
విష్ణుమూర్తి కూడా శాపానికి గురయ్యాడని తెలుసా?
చరాచర సృష్టికి అధినాయకుడైన విష్ణుమూర్తి కూడా శాపానికి గురయ్యారు. జలంధరుడు అనే రాక్షసుడికి భార్య బృంద పాతివ్రత్యం కారణంగా మరణం ఉండదు. దీంతో విష్ణుమూర్తి జలంధరుడి రూపం ధరించి, బృందా పాతివ్రత్యాన్ని భంగం చేశారు. ఫలితంగా జలంధరుడు మరణించాడు. కోపించిన బృందాదేవి విష్ణువును తన శాపంతో శిలలా మార్చేసింది. లక్ష్మీదేవి వేడుకోగా శాపాన్ని ఉపసంహరించుకుంది. ఈ వృత్తాంతం నేపాల్‌లోని ముక్తినాథ్ ధామ్‌లో జరిగింది.