News August 20, 2024
వైద్యుల రక్షణ కోసం నేషనల్ టాస్క్ఫోర్స్: SC
దేశవ్యాప్తంగా ఆస్పత్రులు, వైద్య సంస్థల్లో వైద్యుల రక్షణకు నేషనల్ టాస్క్ఫోర్స్ ఏర్పాటు చేస్తున్నట్లు సుప్రీంకోర్టు తెలిపింది. కోల్కతాలో ట్రైనీ డాక్టర్ హత్యాచార ఘటనపై సుప్రీంకోర్టు సుమోటోగా విచారణ చేపట్టింది. వైద్యుల రక్షణకు దేశవ్యాప్తంగా అనుసరించాల్సిన విధానాలపై అధ్యయనం చేసి నివేదిక సమర్పించేలా వైద్య నిపుణులకు టాస్క్ఫోర్స్లో చోటు కల్పిస్తామని సీజేఐ బెంచ్ తెలిపింది.
Similar News
News September 14, 2024
గణేశ్ నిమజ్జనం సందర్భంగా ఈ జిల్లాల్లో సెలవు
TG: గణేశ్ నిమజ్జనం సందర్భంగా ఈ నెల 17న పలు జిల్లాల్లో ప్రభుత్వం సెలవు ప్రకటించింది. హైదరాబాద్-సికింద్రాబాద్ జంటనగరాలతో పాటు రంగారెడ్డి, మేడ్చల్-మల్కాజిగిరి జిల్లాలకు సెలవు ప్రకటిస్తూ సర్కార్ ఉత్తర్వులు జారీ చేసింది. ప్రభుత్వ పాఠశాలలు, కళాశాలలు, కార్యాలయాలకు ఈ సెలవు వర్తిస్తుందని తెలిపింది.
News September 14, 2024
మగ పిల్లలనే కబళించే భయంకరమైన వ్యాధి?
డుచెన్ మస్కులర్ డిస్ట్రోఫీ (DMD) వ్యాధి ఎక్కువగా మగపిల్లలకే సోకుతుందని వైద్యులు చెబుతున్నారు. ఈ వ్యాధి కారణంగా కండరాల క్షీణత, శ్వాసకోస సమస్యలు, నడవలేకపోవడం వంటివి ఎదుర్కొంటారు. దీనికి చికిత్స అందుబాటులో లేదు. కొంతకాలం జీవించి చనిపోతారు. ఈ వ్యాధి సోకిన వారు యుక్త వయసుదాటి బతకడం కష్టమే. ఇటీవల తెలంగాణకు చెందిన ఇద్దరు అన్నదమ్ములకు ఈ వ్యాధి సోకింది. ఒకే తల్లికి పుట్టిన తోబుట్టువులకు 99% ఇది సోకుతుంది.
News September 14, 2024
జెత్వానీ కేసులో ఇద్దరు పోలీసులపై వేటు
AP: నటి కాదంబరి జెత్వానీ కేసులో ఇద్దరు పోలీసులపై DGP ద్వారకా తిరుమలరావు వేటు వేశారు. అప్పట్లో ఈ కేసును డీల్ చేసిన ACP కె.హనుమంతరావు, CI ఎం.సత్యనారాయణను సస్పెండ్ చేస్తూ ఉత్తర్వులు జారీ చేశారు. ఈ కేసులో మరో ఇద్దరు CIలు, ఒక SI పాత్ర ఉందని అధికారులు గుర్తించినట్లు తెలుస్తోంది. వారిపైనా చర్యలు తీసుకుంటారని సమాచారం. కాగా నిన్న ఆంజనేయులు, కాంతిరాణా, విశాల్ గున్నీపై జెత్వానీ పోలీసులకు ఫిర్యాదు చేశారు.