News July 1, 2024
అమల్లోకి కొత్త క్రిమినల్ చట్టాలు
![image](https://d1uy1wopdv0whp.cloudfront.net/newsimages/news_72024/1719785683911-normal-WIFI.webp)
న్యాయ వ్యవస్థలో కీలక మార్పులు చేస్తూ కేంద్రం తెచ్చిన కొత్త క్రిమినల్ చట్టాలు నేటి నుంచి దేశ వ్యాప్తంగా అమల్లోకి వచ్చాయి. ఐపీసీ, క్రిమినల్ ప్రొసీజర్ కోడ్, ఇండియన్ ఎవిడెన్స్ యాక్ట్ స్థానంలో భారతీయ న్యాయ సంహిత, భారతీయ నాగరిక్ సురక్షా సంహిత, భారతీయ సాక్ష్యా అధినియం అమలు అవుతాయి. వీటిలో జీరో ఎఫ్ఐఆర్, ఆన్లైన్లో పోలీసులకు ఫిర్యాదు, ఎలక్ట్రానిక్ మోడ్ ద్వారా సమన్ల జారీ వంటి నిబంధనలున్నాయి.
Similar News
News October 12, 2024
BIG ALERT: అతి భారీ వర్షాలు
![image](https://d1uy1wopdv0whp.cloudfront.net/newsimages/news_92024/1726603304431-normal-WIFI.webp)
AP: రాష్ట్రంలో ఎల్లుండి నుంచి మూడు రోజుల పాటు భారీ నుంచి అతి భారీ వర్షాలు కురిసే అవకాశం ఉందని అమరావతి వాతావరణ కేంద్రం తెలిపింది. బంగాళాఖాతంలో ఏర్పడే అల్పపీడనం ఎల్లుండికి వాయుగుండంగా మారనుందని భారత వాతావరణ శాఖ తెలిపింది. మరుసటి రోజుకు తీవ్ర తుఫానుగా మారి తమిళనాడులో తీరం దాటవచ్చని పేర్కొంది.
News October 12, 2024
ఇవాళ పాలపిట్టను ఎందుకు చూడాలంటే?
![image](https://d1uy1wopdv0whp.cloudfront.net/newsimages/news_102024/1728690610583_1226-normal-WIFI.webp)
దసరా రోజున పాలపిట్టను చూస్తే అదృష్టం, విజయం వరిస్తుందని నమ్మకం. రావణుడిపై శ్రీరాముడు యుద్ధానికి వెళ్లే సమయంలో పాలపిట్టను చూడటంతో విజయం సాధించాడని పురాణ గాథ. పాండవులు అరణ్యవాసం ముగించుకుని ఆయుధాలు తీసుకెళ్తున్నప్పుడు పాలపిట్టను చూడటంతో కౌరవులను గెలిచారని మరోగాథ. ఈ నమ్మకంతో గ్రామాల్లో దసరా రోజున సాయంత్రం ప్రజలు పాలపిట్టను చూసేందుకు పొలాలు, ఊరి చివరకు వెళ్తారు.
News October 12, 2024
జగన్మాతగా దర్శనమిస్తున్న దుర్గమ్మ
![image](https://d1uy1wopdv0whp.cloudfront.net/newsimages/news_102024/1728689752555_1226-normal-WIFI.webp)
AP: దసరా ఉత్సవాల్లో భాగంగా ఇవాళ విజయవాడ దుర్గమ్మ జగన్మాత రాజరాజేశ్వరిదేవిగా భక్తులకు దర్శనమిస్తున్నారు. నేటితో ఇంద్రకీలాద్రిపై శరన్నవరాత్రోత్సవాలు ముగియనున్నాయి. భక్తులను రాత్రి 11 గంటల వరకు ఆలయంలోకి అనుమతించనున్నారు. చివరి రోజు కావడంతో అమ్మవారిని దర్శించుకునేందుకు తెల్లవారుజాము నుంచే భక్తులు పోటెత్తారు.