News April 3, 2025
NGKL: పిడుగుపాటుకు చనిపోయింది వీళ్లే!
నాగర్ కర్నూల్ జిల్లా పదర మండలంలో <<15978702>>పిడుగుపాటుకు ఇద్దరు మహిళలు మృతిచెందిన విషయం తెలిసిందే<<>>. వేరుశనగ పొలాల్లో కూలీ పనులకు వెళ్లిన సమయంలో వచ్చిన భారీ వర్షంలో పిడుగు పడటంతో మండలంలోని కండ్లకుంట ప్రాంతానికి చెందిన సుంకరి సైదమ్మ (35), వీరమ్మ (55) అక్కడికక్కడే మృతి చెందారు. మరో మహిళ సుంకరి లక్ష్మమ్మ గాయపడగా ఆమెను స్థానికులు ప్రభుత్వ ఆసుపత్రికి తరలించారు.
Similar News
News April 5, 2025
అంబాజీపేట: అన్న కర్మకాండ రోజునే తమ్ముళ్లు మృతి
అంబాజీపేట మండలం గంగలకుర్రులో శుక్రవారం జరిగిన రోడ్డు ప్రమాదంలో ఇద్దరు మృతి చెందారు. గత నెల 24న సూర్యనారాయణమూర్తి మృతి చెందగా అతని సోదరులు నాగరాజు, రామచంద్రరావు దిన కార్యం నిర్వహించారు. గోదావరిలో నదికి స్నానానికి బైకుపై వెళ్తుండగా వారిని టిప్పర్‌ ఢీకొట్టింది. అన్న దినకార్యం రోజునే ఇద్దరు సోదరులు మృతి చెందడం స్థానికంగా తీవ్ర విషాదం నింపింది.
News April 5, 2025
EAPCETకు 2.91లక్షల దరఖాస్తులు
TG EAPCET దరఖాస్తు గడువు నిన్నటితో ముగిసింది. నిన్న సాయంత్రం వరకు మొత్తం 2,91,965 దరఖాస్తులు వచ్చినట్లు అధికారులు తెలిపారు. ఇంజినీరింగ్ స్ట్రీమ్‌కు 2,10లక్షలు, అగ్రికల్చర్‌కు 81,172, రెండింటి కోసం 226 మంది అప్లై చేశారు. దరఖాస్తు చేసుకోని వారు రూ.200 ఆలస్య రుసుముతో ఈనెల 8 వరకు, రూ.500 లేట్ ఫీజుతో 14వ తేదీ వరకు, రూ.5వేలతో ఈనెల 24 వరకు అప్లై చేసుకోవచ్చు.
News April 5, 2025
జగ్గంపేట: 15 రోజుల్లో పెళ్లి.. అంతలోనే యువకుడి మృతి
జగ్గంపేట మండలం కాట్రావులపల్లిలో శుక్రవారం జరిగిన ప్రమాదంలో యువకుడు మృతి చెందిన సంగతి తెలిసిందే. గండేపల్లి మండలం మల్లేపల్లి గ్రామానికి చెందిన చిక్కాల శ్రీనుకు పెళ్లి కుదరడంతో షాపింగ్ నిమిత్తం పెద్దాపురం వెళ్లి తిరిగి వస్తుండగా లారీ మృత్యురూపంలో రావడంతో ప్రాణాలు విడిచాడు. దీంతో పెళ్ళంట తీవ్ర విషాదం నెలకొంది. అయితే శ్రీను పుట్టినరోజు శనివారమే కాగా గ్రామంలో విషాదఛాయలు అలముకున్నాయి.