News March 21, 2024
సుప్రీంకోర్టు ముందు ఏ కేసూ చిన్నది కాదు: CJI
భారత ప్రజలకు సుప్రీంకోర్టు ఎప్పుడూ అండగా ఉంటుందన్నారు CJI జస్టిస్ చంద్రచూడ్. కులం, మతం, లింగం, హోదాలకు అతీతంగా న్యాయం చేస్తామన్నారు. సుప్రీంకోర్టు ముందు ఏ కేసూ చిన్నది కాదని స్పష్టం చేశారు. సామాన్యులు న్యాయం కోసం మొదట జిల్లా కోర్టును ఆశ్రయిస్తారని అందుకే వాటిని సమర్థంగా తీర్చిదిద్దాల్సిన అవసరం ఉందన్నారు. ఇందులో భాగంగానే ఇటీవల 150 మంది జిల్లా కోర్టు జడ్జిలతో సమావేశమైనట్లు తెలిపారు.
Similar News
News November 30, 2025
ఈ జిల్లాల ప్రజలు బయటకు రాకండి!
AP: దిత్వా తుఫాను భారత్ వైపు దూసుకొస్తోంది. దీని ప్రభావంతో దక్షిణకోస్తా, రాయలసీమ జిల్లాల్లో అతిభారీ వర్షాలు కురిసే అవకాశముందని APSDMA పేర్కొంది. ‘కోస్తాతీరం వెంబడి గంటకు 45-65 కి.మీ. వేగంతో ఈదురు గాలులు వీచే అవకాశముంది. NLR, TPT జిల్లాల ప్రజలు మరింత జాగ్రత్తగా ఉండాలి. అవసరమైతేనే బయటికి వెళ్లండి. అత్యవసర సహాయం కోసం నెల్లూరు, కడప, వెంకటగిరిలో NDRF బృందాలు సిద్ధంగా ఉన్నాయి’ అని తెలిపింది.
News November 30, 2025
HER2-పాజిటివ్ బ్రెస్ట్ క్యాన్సర్ గురించి తెలుసా?
బ్రెస్ట్ క్యాన్సర్ గురించి చాలామందికి తెలుసుగానీ HER2-పాజిటివ్ రొమ్ము కేన్సర్‌ గురించి చాలామంది మహిళలకి తెలియదు. ఇది సాధారణ రొమ్ము కేన్సర్‌ కంటే ప్రమాదకరమైనది. శరీరంలోని ఇతర భాగాలకు సులభంగా వ్యాపిస్తుంది. HER2-పాజిటివ్ బ్రెస్ట్ క్యాన్సర్ కణ పెరుగుదల, విభజనను ప్రోత్సహించే గ్రాహకమైన HER2 (హ్యూమన్ ఎపిడెర్మల్ గ్రోత్ ఫ్యాక్టర్ రిసెప్టర్ 2) ప్రోటీన్ అధికంగా ఉత్పత్తి అవ్వడంతో వస్తుందంటున్నారు నిపుణులు.
News November 30, 2025
HER2-పాజిటివ్ బ్రెస్ట్ క్యాన్సర్ చికిత్స
HER2-పాజిటివ్ బ్రెస్ట్ క్యాన్సర్‌కు టార్గెటెడ్ థెరపీ, కీమోథెరపీ, శస్త్రచికిత్స, రేడియేషన్ థెరపీ, హార్మోన్ల చికిత్సను వైద్యులు చేస్తారు. అయితే ఇది తగ్గడం అనేది రోగి ఆరోగ్యంపై ఆధారపడి ఉంటుంది. దీనిపై అవగాహన పెంచుకోవడం, ముందుగానే స్క్రీనింగ్‌ పరీక్షలు చేయించుకోవడం వల్ల దీని చికిత్స సులువవుతుందంటున్నారు నిపుణులు. కాబట్టి అసాధారణ లక్షణాలు కనిపిస్తే వెంటనే వైద్యులను సంప్రదించడం మంచిదని సూచిస్తున్నారు.