News September 2, 2024
ఐదేళ్లు పిల్లలు లేరు.. ఇప్పుడు ఒకే కాన్పులో ముగ్గురు
AP: వివాహమై ఐదేళ్లయినా పిల్లలు లేని ఓ మహిళ ఇప్పుడు ఒకేసారి ముగ్గురికి జన్మనిచ్చింది. వారిలో ఇద్దరు అబ్బాయిలు, ఓ అమ్మాయి ఉన్నారు. తల్లీపిల్లలు సురక్షితంగా ఉన్నట్లు వైద్యులు తెలిపారు. కోనసీమ జిల్లా గాపాడుకు చెందిన వీరబాబు-సంధ్యకు ఐదేళ్ల కిందట పెళ్లయ్యింది. పిల్లలు పుట్టకపోవడంతో ఆ జంట అనేక ఆస్పత్రులు తిరిగింది. ఎట్టకేలకు సంధ్య గర్భం దాల్చి, ముగ్గురికి జన్మనివ్వడంతో ఆ జంట ఆనందానికి అవధులు లేవు.
Similar News
News September 18, 2024
టాలీవుడ్లో లైంగిక వేధింపులపై ఫిర్యాదు చేయండి: TFCC
జానీ మాస్టర్పై లైంగిక వేధింపుల కేసు నేపథ్యంలో తెలుగు ఫిల్మ్ ఛాంబర్ ఆఫ్ కామర్స్(TFCC) స్పందించింది. సినీ ఇండస్ట్రీలో ఇలా వేధింపులు ఎదుర్కొన్నవారు తమకు ఫిర్యాదు చేయాలని కోరింది. హైదరాబాద్లోని TFCC ఆఫీస్ వద్ద ఉ.6 నుంచి రా.8 వరకు కంప్లైంట్ బాక్స్ అందుబాటులో ఉంటుందని తెలిపింది. పోస్ట్ లేదా ఫోన్ 9849972280, మెయిల్ ఐడీ complaints@telugufilmchamber.in ద్వారా ఫిర్యాదు చేయవచ్చని సూచించింది.
News September 18, 2024
YELLOW ALERT: మళ్లీ వర్షాలు
TG: వారం రోజులుగా పొడి వాతావరణం ఉన్న రాష్ట్రంలో మళ్లీ వర్షాలు కురవనున్నాయి. ఈ నెల 21, 22 తేదీల్లో ఉరుములు, మెరుపులు, ఈదురుగాలులతో కూడిన మోస్తరు వర్షాలు కురుస్తాయని HYD వాతావరణ కేంద్రం వెల్లడించింది. ఆదిలాబాద్, ఆసిఫాబాద్, మంచిర్యాల, నిర్మల్, నిజామాబాద్, జగిత్యాల, సిరిసిల్ల, కరీంనగర్, పెద్దపల్లి, భూపాలపల్లి, ములుగు, భద్రాద్రి జిల్లాలకు ఎల్లో అలర్ట్ జారీ చేసింది.
News September 18, 2024
పదేళ్ల తర్వాత మమ్ముట్టి, మోహన్ లాల్ మూవీ
మాలీవుడ్ దిగ్గజాలు మమ్ముట్టి, మోహన్ లాల్ పదేళ్ల తర్వాత కలిసి నటించనున్నారు. మహేశ్ నారాయణ్ ఈ చిత్రానికి దర్శకత్వం వహిస్తారు. మెజార్టీ షూటింగ్ శ్రీలంకలోనే జరుగుతుందని సమాచారం. ఆ తర్వాత కేరళ, ఢిల్లీ, లండన్లో చిత్రీకరణ ఉంటుందని తెలుస్తోంది. వీరిద్దరి కాంబోలో దాదాపు 50 సినిమాలు వచ్చాయి. చివరిసారిగా 2013లో ‘కాథల్ కదన్ను ఒరు మాతుకుట్టి’ అనే చిత్రంలో నటించారు.