News February 19, 2025
ఫడ్నవీస్‌తో ఎలాంటి విభేదాలూ లేవు: ఏక్‌నాథ్ షిండే
మహారాష్ట్ర ప్రస్తుత CM ఫడ్నవీస్‌తో తనకు ఎలాంటి విభేదాలు లేవని డిప్యూటీ CM, ఏక్‌నాథ్ షిండే తెలిపారు. CMRFకి పోటీగా తాను వైద్యసహాయ కేంద్రాన్ని ప్రారంభించడంపై స్పష్టతనిచ్చారు. ‘అభివృద్ధిని అడ్డుకునేవారిపై కలిసి పోరాటం చేస్తున్నాం తప్ప మా మధ్య ఎలాంటి మనస్పర్థలూ లేవు. నేను CMగా ఉన్నప్పుడు ఫడ్నవీస్ కూడా ఇలాగే కేంద్రాన్ని నిర్వహించారు. ఇది సాయమందించేందుకే గానీ మా మధ్య పోటీ కాదు’ అని పేర్కొన్నారు.
Similar News
News November 30, 2025
ఏపీలోనూ SIR చేపట్టాలి: ఎంపీ లావు
AP: కేంద్ర ఎన్నికల సంఘం చేపడుతున్న ఓటరు జాబితా స్పెషల్ ఇంటెన్సివ్ రివిజన్ (SIR)ను స్వాగతిస్తున్నామని ఎంపీ లావు శ్రీకృష్ణదేవరాయలు అన్నారు. ఏపీలో కూడా SIR చేపట్టాలని ఆయన కోరారు. పార్లమెంట్ శీతాకాల సమావేశాల నేపథ్యంలో ఢిల్లీలో జరిగిన అఖిలపక్ష భేటీకి ఆయన హాజరయ్యారు. ఆక్వా, కాటన్ రైతులు, జీఎస్టీ తదితర ఏడు విషయాలపై చర్చించాలని మీటింగ్‌లో కోరామని మీడియాతో చెప్పారు.
News November 30, 2025
ఇవాళ, రేపు జాగ్రత్త: అనిత
AP: దిత్వా తుఫాను దూసుకొస్తున్న నేపథ్యంలో ఇవాళ, రేపు అధికారులు అప్రమత్తంగా ఉండాలని హోంమంత్రి అనిత సూచించారు. తుఫానుపై RTGS సెంటర్ నుంచి నెల్లూరు, తిరుపతి, కడప, చిత్తూరు, అన్నమయ్య జిల్లాల కలెక్టర్లతో ఆమె వీడియో కాన్ఫరెన్స్ నిర్వహించారు. క్షేత్రస్థాయిలో ప్రజలను ఎప్పటికప్పుడు అప్రమత్తం చేయాలని, ప్రాణనష్టం లేకుండా చర్యలు తీసుకోవాలని ఆదేశించారు. విద్యుత్ అంతరాయం కలిగితే వెంటనే పునరుద్ధరించాలన్నారు.
News November 30, 2025
సచిన్-ద్రవిడ్ రికార్డు బ్రేక్!
టీమ్ ఇండియా, సౌతాఫ్రికా మధ్య తొలి వన్డేలో రోహిత్ శర్మ-విరాట్ కోహ్లీ జోడీ అరుదైన ఘనత సాధించింది. లెజెండ్స్ సచిన్-ద్రవిడ్ నెలకొల్పిన రికార్డును బ్రేక్ చేసింది. వీళ్లిద్దరూ 391 అంతర్జాతీయ మ్యాచులు కలిసి ఆడగా, తాజా మ్యాచ్‌తో రోహిత్-కోహ్లీ దాన్ని అధిగమించారు. రాంచీ వేదికగా జరుగుతున్న మ్యాచ్‌లో 25 పరుగులకే జైస్వాల్(18) వికెట్‌ను టీమ్ ఇండియా కోల్పోయింది. క్రీజులో రోహిత్(3), కోహ్లీ(6) ఉన్నారు.