News August 10, 2024
గిరిజన వర్సిటీలో ప్రవేశాలకు నోటిఫికేషన్
AP: విజయనగరం కేంద్రీయ గిరిజన వర్సిటీలో 2024-25 విద్యా సంవత్సరానికి UG కోర్సుల్లో ప్రవేశాలకు నోటిఫికేషన్ విడుదలైంది. 4ఏళ్ల నిడివిగల ఆనర్స్ అండ్ ఆనర్స్ విత్ రీసెర్చ్తో కూడిన B.Sc కెమిస్ట్రీ, B.Sc బోటనీ, B.Sc జియోలజీ, B.Sc ఆర్టిఫిషియల్ ఇంటెలిజెన్స్ కోర్సుల్లో ప్రవేశాలు ఉంటాయి. CUET(UG) పరీక్షలు రాసిన వారు ఈ నెల 16వ తేదీ రాత్రి 11.55 గం.లోపు https://www.ctuap.ac.in/ వెబ్సైటులో దరఖాస్తు చేసుకోవాలి.
Similar News
News September 13, 2024
టీమ్ఇండియా ప్రాక్టీస్.. జట్టుతో చేరిన కొత్త బౌలింగ్ కోచ్
బంగ్లాదేశ్తో ఈనెల 19 నుంచి చెన్నైలో జరిగే తొలి టెస్టు కోసం భారత జట్టు ప్రాక్టీస్ స్టార్ట్ చేసింది. కోచ్ గౌతమ్, కెప్టెన్ రోహిత్ శర్మ జట్టు సభ్యులతో మాట్లాడుతున్న ఫొటోలను బీసీసీఐ షేర్ చేసింది. కొత్త బౌలింగ్ కోచ్, సౌతాఫ్రికా మాజీ క్రికెటర్ మోర్నే మోర్కెల్ కూడా జట్టులో చేరి ప్రాక్టీస్ సెషన్లో పాల్గొన్నారు. ఈనెల 19-23 వరకు తొలి టెస్ట్, ఈనెల 27 నుంచి అక్టోబర్ 1 వరకు రెండో టెస్ట్ జరగనుంది.
News September 13, 2024
జోగి రమేశ్, అవినాశ్కు సుప్రీంలో స్వల్ప ఊరట
AP: TDP ఆఫీస్, చంద్రబాబు ఇంటిపై దాడి కేసుల్లో YCP నేతలు జోగి రమేశ్, దేవినేని అవినాశ్కు సుప్రీంకోర్టు స్వల్ప ఊరట కల్పించింది. అరెస్ట్ నుంచి మధ్యంతర రక్షణ కల్పిస్తూ ఉత్తర్వులిచ్చింది. సాంకేతిక కారణాలతో ఇవాళ పూర్తి స్థాయి విచారణ చేపట్టలేకపోతున్నామంది. నిందితులు 24 గంటల్లో పాస్ పోర్టులు అప్పగించాలని, దర్యాప్తునకు పూర్తిగా సహకరించాలంది. కాగా ఈ కేసులో ముందస్తు బెయిల్ కోసం వారు సుప్రీంను ఆశ్రయించారు.
News September 13, 2024
భారీగా పెరిగిన బంగారం ధరలు
హైదరాబాద్ మార్కెట్లో బంగారం ధరలు భారీగా పెరిగాయి. 10 గ్రా. 24 క్యారెట్ల పసిడి రూ.1300 పెరిగి రూ.74,450కి చేరింది. 10 గ్రా. 22 క్యారెట్ల గోల్డ్ రూ.1200 పెరిగి రూ.68,250 పలుకుతోంది. ఇక వెండి ధర ఏకంగా కేజీ రూ.3,500 పెరిగి రూ.95వేలకు చేరింది. తెలుగు రాష్ట్రాల్లోని అన్ని చోట్ల దాదాపు ఇవే ధరలున్నాయి.