News July 25, 2024
OLYMPICS: ముందే మొదలైన ఆటలు.. ఎందుకంటే?
పారిస్ ఒలింపిక్స్ షెడ్యూల్ ప్రకారం జులై 26న ప్రారంభం కావాలి. అయితే ఫుట్‌బాల్, ఆర్చరీ, హ్యాండ్‌బాల్, రగ్బీ ముందే మొదలయ్యాయి. ఓపెనింగ్ సెర్మనీకి ముందే ఈ ఆటలు మొదలవటానికి కారణాలున్నాయి. ఫుట్‌బాలర్లకు రికవరీ పీరియడ్ ఉండాలనే ఉద్దేశంతో మ్యాచ్‌లు ముందే పెడతారు. రగ్బీ, ఆర్చరీ, హ్యాండ్‌బాల్ వంటివి అథ్లెటిక్స్, రెజ్లింగ్‌తో వేదికలను పంచుకునే కారణంతో ఒకరోజు ముందే నిర్వహిస్తున్నారు. <<-se>>#Olympics2024<<>>
Similar News
News October 6, 2024
ఐదో రోజు అట్ల బతుకమ్మ
TG: బతుకమ్మ పండగ నిర్వహించే తొమ్మిది రోజుల్లో రోజుకో విశిష్ఠత ఉంది. ఇవాళ ఐదో రోజును అట్ల బతుకమ్మగా పిలుస్తారు. నానబెట్టిన బియ్యాన్ని మర పట్టించి ఆ పిండితో అట్లు పోసి గౌరమ్మకు నైవేద్యం సమర్పిస్తారు. ఆడవాళ్లు వీటిని ఒకరికొకరు వాయినంగా ఇచ్చుకుంటారు. ఇవాళ బతుకమ్మను ఐదు వరుసల్లో వివిధ పూలతో చేస్తారు.
News October 6, 2024
నేడు లలితా త్రిపుర సుందరీ దేవిగా దుర్గమ్మ
నేడు విజయవాడ కనక దుర్గమ్మ శ్రీ లలితా త్రిపుర సుందరీ దేవిగా దర్శనమివ్వనుంది. త్రిపురత్రయంలో రెండో శక్తి స్వరూపిణి ఈ అమ్మవారు. తల్లిని కొలిస్తే కష్టాలు తొలిగి, ఐశ్వర్యం సిద్ధిస్తుందని భక్తుల విశ్వాసం. మాత అనుగ్రహం పొందేందుకు ‘ఓం ఐం హ్రీం శ్రీం శ్రీ మాత్రేనమ:’ అనే మంత్రాన్ని జపించాలి. అమ్మవారికి పులిహోర నైవేద్యంగా సమర్పించాలని పండితులు చెబుతున్నారు.
News October 6, 2024
తొలి టీ20 నెగ్గేదెవరో?
బంగ్లాదేశ్‌తో టీ20 సిరీస్ ఆడేందుకు భారత్ సిద్ధమైంది. నేడు గ్వాలియర్ వేదికగా తొలి మ్యాచ్ జరగనుంది. సూర్య కుమార్ నాయకత్వంలోని కుర్రాళ్లు బంగ్లా జట్టుపై ఎలాంటి ప్రదర్శన చేస్తారో అని ఆసక్తి నెలకొంది. ఇప్పటివరకు ఇరు జట్ల మధ్య 14 టీ20లు జరగ్గా భారత్ 13 విజయాలు సొంతం చేసుకుంది. బంగ్లాదేశ్ ఒక మ్యాచులో గెలుపొందింది. కాగా గ్వాలియర్‌లో 14 ఏళ్ల తర్వాత అంతర్జాతీయ మ్యాచ్ జరగనుండటం గమనార్హం.