News November 14, 2024
ఒకప్పుడు పండ్లు అమ్మారు.. ఇప్పుడు రూ.10వేల కోట్ల ఆస్తి!
సినీ ఇండస్ట్రీలో అత్యంత ధనవంతులెవరో తెలుసా? హురున్ ఇండియా రిచ్ లిస్ట్ 2024 ప్రకారం రూ.10వేల కోట్ల నికర విలువతో T-సిరీస్ అధినేత భూషణ్ కుమార్ అగ్రస్థానంలో ఉన్నారు. గతంలో కపూర్‌లు, చోప్రాలకే ఈ ట్యాగ్ ఉండేది. అయితే, ఇప్పుడు అత్యంత ధనవంతులైనప్పటికీ.. భూషన్ కుటుంబం ఒకప్పుడు పండ్లు అమ్ముకునేది. 1970లలో భూషన్ తండ్రి గుల్షన్ కుమార్ సంగీత క్యాసెట్లు విక్రయించే షాపును కొనుగోలు చేయడంతో వీరి రాత మారిపోయింది.
Similar News
News December 2, 2024
కోహ్లీ అంటే నా వ్యక్తిగత వైద్యుడికి చాలా ఇష్టం: ఆస్ట్రేలియా PM
ఆస్ట్రేలియా ప్రధాని ఆంథోనీ అల్బనీస్ రన్ మెషీన్ విరాట్ కోహ్లీ గురించి ‘స్టార్ స్పోర్ట్స్’తో ఇంట్రెస్టింగ్ కామెంట్స్ చేశారు. ‘నా వ్యక్తిగత వైద్యుడు విరాట్ కోహ్లీకి వీరాభిమాని. ఆయనకు కోహ్లీ అంటే ఎంత ఇష్టమో చెప్పేందుకు ఒక్క పదం చాలదు. ఇటీవల ఆయన్ను కలిసినప్పుడు నేను విరాట్‌ను కలుస్తున్నట్లు చెప్తే నమ్మలేకపోయాడు. తప్పనిసరిగా ఆటోగ్రాఫ్ తీసుకోవాలని ఆయన కోరారు’ అని తెలిపారు.
News December 2, 2024
ఎల్లుండి ప్రోబా-3 ప్రయోగం
ఈ నెలలో ఇస్రో 2 ప్రయోగాలను చేపట్టనుంది. PSLV C59 రాకెట్ ద్వారా ESAకు చెందిన ప్రోబా-3 అనే శాటిలైట్‌ను 4వ తేదీన సా.4.08 గంటలకు ప్రయోగించనుంది. దీనిద్వారా సూర్యుడి వాతావరణంలోని బయటి, అత్యంత వేడిపొర అయిన సోలార్‌ కరోనాను అధ్యయనం చేయనుంది. స్పెయిన్, పోలాండ్, బెల్జియం, ఇటలీ శాస్త్రవేత్తలు ఇందులో పాల్గొననున్నారు. అలాగే 24వ తేదీన రిశాట్-1B సహా నాలుగు వాణిజ్యపరమైన ఉపగ్రహాలను ఇస్రో అంతరిక్షంలోకి పంపనుంది.
News December 2, 2024
పరువు హత్య.. మహిళా కానిస్టేబుల్‌ను నరికి చంపిన తమ్ముడు!
TG: రంగారెడ్డి జిల్లా ఇబ్రహీంపట్నంలో పరువు హత్య కలకలం రేపింది. హయత్‌నగర్ పోలీస్ స్టేషన్‌లో కానిస్టేబుల్‌గా పనిచేస్తున్న నాగమణిని సొంత సోదరుడు పరమేశ్ దారుణంగా హత్య చేశాడు. ఇటీవల ఆమె ప్రేమించి, పెళ్లి చేసుకోవడంతో కుటుంబీకులు ఆగ్రహంతో ఉన్నారు. ఈక్రమంలోనే ఇవాళ ఉదయం డ్యూటీకి వెళ్లొస్తున్న నాగమణిని రాయపోలు-మన్నెగూడ మార్గంలో పరమేశ్ కారుతో ఢీకొట్టాడు. అనంతరం ఆమెను కత్తితో నరికి చంపాడు.