News September 14, 2024

మా దేశం సురక్షితమే.. భారతీయులు రండి: ఇరాన్

ఇరాన్‌లో ఉద్రిక్తతల దృష్ట్యా పర్యాటకం బాగా తగ్గింది. ఈ నేపథ్యంలో తమ దేశానికి రావాలంటూ భారత్‌లో ఇరాన్ రాయబారి ఇరాజ్ ఇలాహీ భారతీయులకు విజ్ఞప్తి చేశారు. ‘ఇజ్రాయెల్‌కు ఇరాన్‌కు మధ్య ఉద్రిక్తతలు ఎప్పటి నుంచో ఉన్నవే. మా దేశం చాలా సురక్షితం. భారత మిత్రులు వచ్చి పర్యటించండి’ అని కోరారు. ప్రస్తుతం ఇరు దేశాలకు మధ్య 2 విమానాలు మాత్రమే డైరెక్ట్‌గా నడుస్తుండగా, అవి మరింతగా పెరగాలని ఆయన అభిప్రాయపడ్డారు.