News April 3, 2026

IPL: టాస్ గెలిచిన PBKS

చెన్నై వేదికగా CSKతో జరగనున్న మ్యాచులో PBKS టాస్ గెలిచి బౌలింగ్ ఎంచుకుంది.

CSK: రుతురాజ్, శాంసన్, ఆయుష్, ప్రశాంత్ వీర్, దూబే, కార్తీక్ శర్మ, సర్ఫరాజ్, నూర్ అహ్మద్, హెన్రీ, కాంబోజ్, ఖలీల్

PBKS: ప్రభ్‌సిమ్రన్, కూపర్, శ్రేయస్, నేహాల్, శశాంక్, స్టోయినిస్, మార్కో యాన్సెన్, జేవియర్, విజయ్‌కుమార్, అర్ష్‌దీప్, చాహల్

News April 3, 2026

ఈ క్షీరదం పాలు నీటిలో కలిసిపోవు!

సముద్రపు వింతల్లో తిమింగలం పాలు ఒకటి. ఇవి ఆవు పాలలా పల్చగా ఉండవు. వెన్న మాదిరిగా గట్టిగా ఉంటాయి. ఇందులో 50% కొవ్వు ఉండటమే దీనికి కారణం. ఈ చిక్కదనం వల్ల పాలు నీటిలో కలిసిపోవు. దీనివల్ల తిమింగలం పిల్లలు నీటి అడుగున కూడా సులభంగా పాలు తాగగలుగుతాయి. ఈ అధిక కొవ్వు సముద్రపు చలిని తట్టుకోవడానికి అవసరమైన శక్తిని పిల్లలకు అందిస్తుంది. ఇలాంటి ఇంట్రెస్టింగ్ విషయాలు ‘వంద రోజుల్లో-వంద వింతలు’లో (37/100)

News April 3, 2026

నెలవంకలా భూమి.. అద్భుతమైన ఫొటో

భూమిపై నుంచి చంద్రుని నెలవంక అందంగా ఉంటుంది. అలాగే ఆకాశం నుంచి మన భూమి నెలవంక మహాద్భుతంలా ఉంటుందని పై ఫొటో చూస్తే తెలుస్తోంది. ఇటీవల నాసా ప్రయోగించిన <<19555072>>ఆర్టెమిస్-2<<>> వేలాది మైళ్ల ఎత్తు నుంచి ధరణి ఫొటోలను క్లిక్ మనిపించింది. నెలవంకలా దర్శనమిస్తోన్న ఈ చిత్రాలు SMలో వైరలవుతున్నాయి.

News April 3, 2026

హార్ముజ్‌ను సులభంగా తెరవొచ్చు: ట్రంప్

హార్ముజ్ జలసంధిపై అమెరికా ప్రెసిడెంట్ ట్రంప్ ట్రూత్ సోషల్‌లో ఆసక్తికర పోస్ట్ చేశారు. ‘ఇంకొంత సమయం ఉంటే హార్ముజ్ జలసంధిని మనం సులభంగా ఓపెన్ చేయవచ్చు. అక్కడి నుంచి ఆయిల్‌ను తీసుకెళ్లిపోయి భారీగా లాభాలు తెచ్చుకోవచ్చు. ప్రపంచానికి ఇది ఒక పెద్ద చమురు ప్రవాహం లాంటిది అవుతుంది’ అని పేర్కొన్నారు. దీంతో ట్రంప్ నెక్స్ట్ ఏం చేయబోతున్నారనే దానిపై ఉత్కంఠ నెలకొంది.

News April 3, 2026

1,000 ఉద్యోగాలు.. అప్లై చేసుకోండి

పంజాబ్&సింధ్ బ్యాంకులో 1,000 ఉద్యోగాలకు నోటిఫికేషన్ విడుదలైంది. TGలో 30 పోస్టులున్నాయి. డిగ్రీ ఉత్తీర్ణత, ఏదైనా బ్యాంకులో 18 నెలల పని అనుభవం ఉన్న వారు అర్హులు. అప్లై చేసిన వారికి సంబంధిత రాష్ట్రంలోని లోకల్ లాంగ్వేజ్ వచ్చి ఉండాలి. 20-30 ఏళ్ల వయసుండాలి. రాత పరీక్ష, ఇంటర్వ్యూ, లాంగ్వేజ్ టెస్ట్ ఆధారంగా ఎంపిక చేస్తారు. దరఖాస్తుకు చివరి తేదీ APR 20.
వెబ్‌సైట్: https://punjabandsind.bank.in/

News April 3, 2026

ఈనెల 29న హీరో బెల్లంకొండ శ్రీనివాస్ వివాహం?

యంగ్ హీరో బెల్లంకొండ సాయి శ్రీనివాస్, కావ్యా రెడ్డి <<19338854>>వివాహ<<>> ముహూర్తం ఖరారైనట్లు సినీవర్గాలు తెలిపాయి. ఈనెల 5న ఓ ఫామ్‌హౌస్‌లో కుటుంబీకులు, సెలబ్రిటీల సమక్షంలో నిశ్చితార్థ వేడుక జరగనున్నట్లు పేర్కొన్నాయి. అలాగే ఏప్రిల్ 29న తిరుమలలో వీరి వివాహం జరగనున్నట్లు చెప్పాయి. దీనిపై త్వరలోనే బెల్లంకొండ కుటుంబం అధికారిక ప్రకటన చేసే అవకాశముంది.

News April 3, 2026

ప్రసవం తర్వాత డిప్రెషన్‌లోకి తండ్రులు: అధ్యయనం

బిడ్డ పుట్టిన తర్వాత తండ్రులకూ డిప్రెషన్ వచ్చే అవకాశం ఉందని JAMA నెట్‌వర్క్ ఓపెన్‌లో ప్రచురించిన కొత్త అధ్యయనంలో వెల్లడైంది. సుమారు 30%మంది తండ్రులు ఈ మానసిక ఒత్తిడికి లోనవుతున్నారు. నిద్రలేమి, పెరిగిన బాధ్యతలు, ఆర్థిక ఒత్తిడి ఇందుకు ప్రధాన కారణాలు. తండ్రి డిప్రెషన్‌లో ఉంటే అది తల్లి ఆరోగ్యం, బిడ్డ ఎదుగుదలపై ప్రతికూల ప్రభావం చూపుతుంది. మానసిక ఆరోగ్యంపై దృష్టి పెట్టాలని నిపుణులు సూచిస్తున్నారు.

News April 3, 2026

13న బీఆర్ఎస్‌లోకి జీవన్ రెడ్డి?

TG: కాంగ్రెస్‌కు రాజీనామా చేసిన మాజీ మంత్రి జీవన్ రెడ్డి బీఆర్ఎస్‌లో చేరడం ఖాయమైందని సమాచారం. ఈ నెల 7న కేటీఆర్ స్వయంగా ఆయన నివాసానికి వెళ్లి పార్టీలోకి ఆహ్వానిస్తారని తెలుస్తోంది. 13వ తేదీన జీవన్ రెడ్డి గులాబీ గూటికి చేరతారని వార్తలు వస్తున్నాయి. ఆ తర్వాత జగిత్యాలలోనే పార్టీ ప్లీనరీ నిర్వహించేందుకు BRS సన్నాహాలు చేస్తున్నట్లు రాజకీయ వర్గాల్లో చర్చ సాగుతోంది.

News April 3, 2026

₹10,000CRతో ‘మావిగన్’ మహానగరం: భరత్

AP: అమరావతికి వెచ్చించే ₹2L కోట్లలో కేవలం ₹10,000CR ‘మావిగన్’కు ఖర్చు చేస్తే మచిలీపట్నం-విజయవాడ-గుంటూరుతో మహానగరం అభివృద్ధి చెందుతుందని YCP మాజీ MP భరత్ పేర్కొన్నారు. ‘మావిగన్ HYD, బెంగళూరుతో పోటీపడుతుంది. నగరాల అభివృద్ధికి వందల ఏళ్లు పడుతుంది. విశాఖ, విజయవాడ నగరాలను కాదని అమరావతిని శూన్యం నుంచి మొదలు పెడతారా? రాజధాని పేరుతో దోచుకుంటున్న CBN, ఇతర నేతలకే అమరావతి గ్రోత్ ఇంజిన్’ అని విమర్శించారు.

News April 3, 2026

యుద్ధం.. భారత్‌కు రష్యా భరోసా

పశ్చిమాసియాలో యుద్ధం, ఇంధన సంక్షోభం వేళ భారత్‌కు రష్యా భరోసా ఇచ్చింది. ముడి చమురు, లిక్విఫైడ్ నేచురల్ గ్యాస్ (LNG) సరఫరా పెంచేందుకు సిద్ధంగా ఉన్నామని తెలిపింది. తమ దేశ కంపెనీల వద్ద ఆ సామర్థ్యం ఉందని, సప్లై పెంచుతామని రష్యా డిప్యూటీ ప్రైమ్ మినిస్టర్ మంతురోవ్ తెలిపారు. భారత పర్యటనలో ఉన్న ఆయన ప్రధాని మోదీ, ఆర్థికమంత్రి నిర్మల, NSA అజిత్ దోవల్‌తో భేటీ అయ్యారు.