India's largestHyperlocal short
news App
Get daily news updates that are tailored for you based on your preferred language & location.
download Way2News app now
News April 2, 2026
ఫుట్బాల్ WC ఫైనల్ టికెట్ ధర ₹10 లక్షలు
ఫుట్బాల్ అభిమానులు ఆసక్తిగా ఎదురుచూస్తున్న ఫిఫా వరల్డ్ కప్ ఫైనల్ టికెట్ ధరలు ఆకాశాన్ని తాకుతున్నాయి. జులై 19న న్యూజెర్సీలో జరిగే ఈ ఫైనల్ మ్యాచ్ కోసం టాప్ కేటగిరీ టికెట్ ధరను ఫిఫా ఏకంగా $10,990గా (సుమారు ₹10.22 లక్షలు) నిర్ణయించింది. ఒక్క మ్యాచ్ టికెట్తో ఇండియాలో కారు కొనొచ్చని నెటిజన్లు కామెంట్ చేస్తున్నారు. జూన్ 11న మెక్సికోలో మొదలయ్యే ఈ సాకర్ పండగలో మొత్తం 48 జట్లు తలపడనున్నాయి.
News April 2, 2026
రేపు జాగ్రత్త: APSDMA
AP: రాష్ట్రంలో రానున్న రెండు రోజులు ఎండ తీవ్రత ఎక్కువగా ఉంటుందని APSDMA వెల్లడించింది. 42-43 డిగ్రీల వరకు గరిష్ఠ ఉష్ణోగ్రతలు నమోదయ్యే అవకాశం ఉందని తెలిపింది. రేపు 54 మండలాల్లో తీవ్ర వడగాలులు, 16 మండలాల్లో వడగాలులు వీస్తాయని పేర్కొంది. ఇవాళ గరిష్ఠంగా విజయనగరం జిల్లా రాజాంలో 40.6 డిగ్రీల టెంపరేచర్ నమోదైంది. వృద్ధులు, గర్భిణులు, బాలింతలు చెవుల్లోకి వేడిగాలి వెళ్లకుండా జాగ్రత్త పడాలని సూచించింది.
News April 2, 2026
IPL: కోర్టుకెక్కిన RCB ప్లేయర్!
IPLలో ఆడేందుకు పర్మిషన్ ఇవ్వలేదని శ్రీలంక క్రికెట్ బోర్డుపై నువాన్ తుషారా(RCB) కోర్టుకెక్కారు. తనకు నో అబ్జెక్షన్ సర్టిఫికెట్(NOC) ఇవ్వలేదని, IPLలో ఆడేందుకు క్లియరెన్స్ ఇచ్చేలా ఆదేశాలు ఇవ్వాలని కోరుతూ కొలంబో జిల్లా కోర్టులో కేసు వేశారు. ఈ నెల 9న కోర్టు దీన్ని విచారించనున్నట్లు తెలుస్తోంది. విదేశీ T20 లీగ్స్లో ఆడేందుకు అవసరమైన ఫిట్నెస్ ప్రమాణాలను తుషారా అందుకోలేకపోవడంతోనే NOC ఇవ్వలేదని సమాచారం.
News April 2, 2026
రాముడి పాత్రకు తొలుత నో చెప్పిన రణ్బీర్.. కారణమిదే
ప్రతిష్ఠాత్మకంగా తెరకెక్కుతున్న ‘రామాయణ’ సినిమాలో రాముడి పాత్ర పోషించేందుకు తొలుత బాలీవుడ్ స్టార్ హీరో రణ్బీర్ కపూర్ నో చెప్పారట. ఈ విషయాన్ని ఆయనే ఓ ఇంటర్వ్యూలో వెల్లడించారు. రాముడి పాత్రకు తాను సరిపోనని, దానికి పూర్తి న్యాయం చేయలేనని భావించినట్లు తెలిపారు. అయితే బిడ్డకు తండ్రయ్యాక రాముడి పాత్ర చేయాలనిపించిందని పేర్కొన్నారు. ఈ పాత్ర కోసం స్మోకింగ్, నాన్ వెజ్ మానేశానని వివరించారు.
News April 2, 2026
పిల్లలను బేబీ వాకర్తో నడిపిస్తున్నారా?
పిల్లలు త్వరగా నడవాలని చాలామంది పేరెంట్స్ బేబీ వాకర్లో ఎక్కువసేపు కూర్చోబెడతారు. కానీ దీనివల్ల లాభాల కంటే.. నష్టాలే ఎక్కువంటున్నారు నిపుణులు. ఎక్కువగా బేబీవాకర్లో ఉండటం వల్ల చిన్నారుల వెన్నెముక వంకరగా మారుతుందని చెబుతున్నారు. అలాగే దీనివల్ల కాళ్లు దూరంగా పెట్టి నడవడం అలవాటవుతుంది. బిడ్డ తనంతట తానుగా లేచి నడిస్తే మంచి సమతుల్యత ఉంటుంది. కాబట్టి వాకర్స్ వాడటం మంచిది కాదని సూచిస్తున్నారు.
News April 2, 2026
IPLలో నా ఫేవరెట్ కెప్టెన్ అతడే: పాటీదార్
IPLలో తన ఫేవరెట్ ప్లేయర్లు ఎవరో ఆర్సీబీ కెప్టెన్ రజత్ పాటీదార్ వెల్లడించారు. రోహిత్ శర్మ తన అభిమాన కెప్టెన్ అని తెలిపారు.
*బ్యాటర్: విరాట్ కోహ్లీ *కెప్టెన్: రోహిత్ శర్మ *ఫీల్డర్: డుప్లెసిస్ *ఫాస్ట్ బౌలర్: డేల్ స్టెయిన్ *స్పిన్నర్: సునీల్ నరైన్ *ఫినిషర్: ఏబీ డివిలియర్స్ *డెత్ ఓవర్ బౌలర్: బుమ్రా *కవర్ డ్రైవ్: విరాట్ కోహ్లీ.
News April 2, 2026
ఆవిరి పట్టడం వల్ల ఎన్ని లాభాలో తెలుసా?
వారానికోసారి ముఖానికి ఆవిరి పట్టిస్తే మెరిసే మోము సొంతమవుతుందంటున్నారు నిపుణులు. ఆవిరి పట్టడం వల్ల బ్లాక్ హెడ్స్, వైట్ హెడ్స్, మృతకణాలు సులువుగా వచ్చేస్తాయి. దీంతో మొటిమల బాధ తగ్గుతుంది. ఆవిరి పట్టడం వల్ల రక్తప్రసరణ పెరిగి కొలాజెన్, ఎలాస్టిన్ ఉత్పత్తి పెరుగుతుంది. దీంతో చర్మం యవ్వనంగా మారుతుంది. కానీ ఎక్కువసేపు ఆవిరి పట్టడం వల్ల సహజ నూనెలు తగ్గి ముడతలు వచ్చే అవకాశం ఉంటుందని హెచ్చరిస్తున్నారు.
News April 2, 2026
ఎంత పడుకున్నా అలసట తీరట్లేదా?
రాత్రిళ్లు 7-8 గంటలు నిద్రపోయినా చాలామందికి ఉదయం లేవగానే అలసటగా ఉంటుంది. దీనికి ప్రధాన కారణం గాఢ నిద్ర లేకపోవడమే అంటున్నారు నిపుణులు. దీనికి బ్లూ లైట్, కెఫీన్, స్వీట్స్, అస్తవ్యస్తంగా ఉన్న నిద్రవేళలు, స్లీప్ అప్నియా, రెస్ట్లెస్ లెగ్స్ సిండ్రోమ్ వంటి నిద్ర సమస్యలు, థైరాయిడ్ సమస్యలు కారణమంటున్నారు నిపుణులు. ఈ సమస్య ఉంటే ఆలస్యం చేయకుండా డాక్టరును కలిసి వారి సూచనలను పాటించాలని చెబుతున్నారు.
News April 2, 2026
ఇకపై రాజధాని అమరావతి అజేయం: పవన్
AP: అమరావతి చట్టబద్ధత బిల్లుకు రాజ్యసభ ఆమోదం తెలపడం శుభపరిణామం అని డిప్యూటీ సీఎం పవన్ కళ్యాణ్ అన్నారు. ‘ఇకపై రాజధాని అమరావతి అజేయం. ఎవరో వచ్చి ఏదో చేస్తారు అనే అనవసర అపోహలను రాష్ట్ర ప్రజలందరూ విడిచి పెట్టేయాలి. రాష్ట్రానికి రాజధాని ఉండటమే ఇష్టం లేని వారు చేస్తున్న వ్యాఖ్యలను ప్రజలెవరూ పట్టించుకోవాల్సిన అవసరం లేదు. అమరావతిలో అభివృద్ధి కార్యకలాపాలు ఇప్పటికే వేగవంతం అయ్యాయి’ అని ట్వీట్ చేశారు.
News April 2, 2026
పెరిగిన ఎండలు.. అరటి రైతులకు సూచనలు
అరటి చెట్లకు ఎండ నుంచి రక్షణకు వాటి పాదుల్లో జనుము, జీలుగ, అలసంద, ఆనప, గోరుచిక్కుడు వంటి వాటిలో ఏవైనా విత్తనాలను వేయాలి. వీటి నుంచి వచ్చే మొక్కలతో నేల వేడెక్కడం తగ్గి అరటి చెట్లకు మేలు జరుగుతుంది. చిన్న అరటి మొక్కలకు ఇరువైపులా ఈత ఆకులను అమర్చడం వల్ల వీటిపై ఎండ ప్రభావం తగ్గుతుంది. నీటి డ్రిప్ పైపును మొక్కకు దగ్గరగా పెట్టకుండా కొంచెం ఎడంగా పెట్టడం వల్ల, వేరుకుళ్లు తెగులు ముప్పు తగ్గుతుంది.
Featured News
Sorry, no posts matched your criteria.