India's largestHyperlocal short
news App
Get daily news updates that are tailored for you based on your preferred language & location.
download Way2News app now
News July 10, 2024
హార్బర్ల టెండర్లలో YCP గోల్‌మాల్: అచ్చెన్న
AP: వైసీపీ హయాంలో 5 హార్బర్ల టెండర్లను సొంతవారికే కట్టబెట్టారని మంత్రి అచ్చెన్నాయుడు ఆరోపించారు. టీడీపీ సానుభూతిపరులకు మత్స్యకార భృతి కూడా ఇవ్వలేదని మండిపడ్డారు. ‘మత్స్యకార భృతిపై 20 రోజుల్లో నివేదిక తయారు చేస్తాం. మత్స్యకారులకు డీజిల్ సబ్సిడీ రూ.10 కోట్ల బకాయి ఉంది. వాటిని త్వరలోనే చెల్లిస్తాం. ప్రస్తుతం మత్స్యశాఖ పరిస్థితి చూస్తుంటే బాధేస్తోంది’ అని ఆయన పేర్కొన్నారు.
News July 10, 2024
భారీ నష్టాలతో ముగిసిన స్టాక్ మార్కెట్లు
దేశీయ స్టాక్ మార్కెట్లు భారీ నష్టాలతో ముగిశాయి. సెన్సెక్స్ 420 పాయింట్లకుపైగా కోల్పోయి 79,924 వద్ద ముగిసింది. ఓ దశలో ఏకంగా 900 పాయింట్లు నష్టపోయిన సూచీ క్రమంగా కోలుకుంది. మరోవైపు నిఫ్టీ 24,324 (-108) వద్ద స్థిరపడింది. ఆటో, బ్యాంకింగ్, మెటల్ రంగాల షేర్లు నష్టాలను నమోదు చేయడం మార్కెట్‌పై ప్రభావం చూపింది. M&M, టాటా స్టీల్, టీసీఎస్, హిందాల్కో, HCL టెక్ షేర్లు భారీగా నష్టపోయాయి.
News July 10, 2024
YCP నుంచి మాజీ MLA సస్పెండ్
AP: YS జగన్ ఆదేశాలతో కదిరి మాజీ MLA సిద్దారెడ్డిని పార్టీ నుంచి సస్పెండ్ చేసినట్లు YCP ప్రకటించింది. ఇటీవల జరిగిన సార్వత్రిక ఎన్నికల్లో YCPకి వ్యతిరేకంగా ఆయన పనిచేసినట్లు ఆరోపణలు రావడంతో పార్టీ క్రమశిక్షణ కమిటీ సిఫార్సులతో సస్పెండ్ చేశారు. 2019లో కదిరి YCP MLAగా గెలిచిన సిద్దారెడ్డికి 2024లో టికెట్ దక్కలేదు. మక్బుల్ అహ్మద్ కదిరి నియోజకవర్గ పార్టీ ఇన్‌ఛార్జ్‌గా వ్యవహరిస్తారని YCP తెలిపింది.
News July 10, 2024
ఫోన్ ట్యాపింగ్ కేసు విచారణ 23కు వాయిదా
TG: ఫోన్ ట్యాపింగ్ కేసు విచారణను హైకోర్టు ఈనెల 23కు వాయిదా వేసింది. ట్యాపింగ్ ఆందోళన కలిగించే విషయమని ధర్మాసనం ఈ సందర్భంగా వ్యాఖ్యానించింది. బాధితుల్లో ఓ జడ్జి, ఆయన భార్య కూడా ఉన్నారన్నదానిపై స్పందించిన కోర్టు.. వారి పేర్లు, ఫోన్ నంబర్లు బహిర్గతం చేయొద్దని మీడియాను ఆదేశించింది.
News July 10, 2024
టీమ్ ఇండియా కోచ్ గంభీర్ జీతం ఎంతంటే?
టీమ్ ఇండియా హెడ్ కోచ్‌గా గౌతమ్ గంభీర్ సరికొత్త పాత్రలో కనిపించనున్నారు. ఈ క్రమంలో గౌతీ జీతంపై సోషల్ మీడియాలో చర్చ జరుగుతోంది. ద్రవిడ్‌కు ఇచ్చిన వేతనం కంటే రెట్టింపు గంభీర్ పొందనున్నారని టాక్. ద్రవిడ్‌కు రూ.12 కోట్లు ఇవ్వగా ఆయనకు రూ.25 కోట్లు ఇవ్వనున్నట్లు వార్తలు వస్తున్నాయి. KKR మెంటార్‌గా కూడా ఆయన రూ.25 కోట్లు అందుకున్నట్లు సమాచారం. డైలీ వేజ్, ఫ్లైట్ ఛార్జీలు, బస ఖర్చులనూ BCCI భరించనుంది.
News July 10, 2024
లాయర్లు జీన్స్‌ ధరించి కోర్టుకు రావొద్దు: సుప్రీం
ప్రతీ లాయర్ రూల్స్ ప్రకారం నిర్దిష్ట దుస్తుల్లో కోర్టుకు రావాలని సుప్రీం కోర్టు స్పష్టం చేసింది. జీన్స్‌లో వచ్చిన తనను కోర్టు నుంచి బయటికి పంపించాలని గౌహతి హైకోర్టు పోలీస్ సిబ్బందిని ఆదేశించడంపై ఓ లాయర్ SCని ఆశ్రయించారు. తనను డీకోర్ట్ చేసే అధికారం హైకోర్టుకు లేదని వాదించారు. అయితే కోర్టు నుంచి వెళ్లిపోవాలని లాయర్‌ను కోరకుండా పోలీసులను ఆదేశించడం సరికాదని సుప్రీం పేర్కొంది.
News July 10, 2024
అధికార దుర్వినియోగం.. ట్రైనీ IAS ట్రాన్స్‌ఫర్
మహారాష్ట్రలో ట్రైనీ IAS పూజా ఖేడ్కర్ అధికార దుర్వినియోగానికి పాల్పడ్డారనే ఆరోపణలతో ట్రాన్స్‌ఫర్ అయ్యారు. తన ప్రైవేటు ఆడీ కారుకు ఎర్రబుగ్గ, VIP నంబర్ ప్లేటును పెట్టుకోవడంతో పాటు ‘మహారాష్ట్ర గవర్నమెంట్’ అని రాయించుకున్నారు. తన సీనియర్ అధికారి ఛాంబర్‌ను ఆక్రమించారనే ఆరోపణలు కూడా ఉన్నాయి. దీంతో మహా సర్కార్ ఆమెను పుణే నుంచి వాశిమ్‌ జిల్లాకు బదిలీ చేసింది.
News July 10, 2024
ఫ్రాన్స్లో సంపన్నులపై 90% ట్యాక్స్?
ఫ్రాన్స్లో లెఫ్ట్ వింగ్‌కు చెందిన న్యూ పాపులర్ ఫ్రంట్ కూటమి ప్రభుత్వ ఏర్పాటుకు సిద్ధపడుతుండటంతో ఆ దేశంలో అమలు కానున్న పాలసీలపై ఆసక్తి నెలకొంది. 4లక్షల యూరోల (₹3.6కోట్లు) కంటే ఎక్కువ వార్షిక ఆదాయం ఉన్న వారిపై 90% ట్యాక్స్ విధిస్తామని కూటమి ఎన్నికల ముందు హామీ ఇచ్చింది. రిటైర్మెంట్ వయసు 60కి పరిమితం చేయడం, ఇంధన ధరల నియంత్రణ, కనీస వేతన పెంపు మొదలైన అంశాలను కూడా హామీల్లో పేర్కొంది.
News July 10, 2024
భూసేకరణ వివరాలు పంపండి: సీఎం రేవంత్
TG: జాతీయ రహదారుల ప్రాజెక్టులపై సీఎం రేవంత్ రెడ్డి సమీక్ష నిర్వహించారు. రీజినల్ రింగ్ రోడ్డు(RRR) భూసేకరణలో పురోగతిపై ఆయన ఆరా తీశారు. మంచిర్యాల-వరంగల్-ఖమ్మం-విజయవాడ కారిడార్ భూసేకరణ వివరాలు నెలాఖరులోగా పంపాలని ఆయా జిల్లాల కలెక్టర్లను సీఎం ఆదేశించారు.
News July 10, 2024
భారత్‌లో పదేళ్లలో 12.5 కోట్ల ఉద్యోగాలు: SBI
FY14 (2013-14) నుంచి FY23 మధ్య భారత్‌ 12.5కోట్ల ఉద్యోగాలు సృష్టించినట్లు SBI వెల్లడించింది. FY04-14 మధ్య ఈ సంఖ్య 2.9కోట్లకే పరిమితం అయిందని తెలిపింది. మాన్యుఫాక్చరింగ్, సర్వీస్ రంగాల్లో FY04-14 మధ్య 6.6కోట్ల ఉద్యోగాలు రాగా FY14-23 మధ్య ఆ సంఖ్య 8.9కోట్లుగా ఉన్నట్లు తన నివేదికలో పేర్కొంది. కాగా MSMEల్లో రిజిస్టర్ అయిన ఉద్యోగాల సంఖ్య 20కోట్లు దాటినట్లు కేంద్ర గణాంకాలు చెబుతున్నాయి.
Featured News
Sorry, no posts matched your criteria.