India's largestHyperlocal short
news App
Get daily news updates that are tailored for you based on your preferred language & location.
download Way2News app now
News June 2, 2024
అరుణాచల్ వృద్ధి కోసం పనిచేస్తాం: మోదీ
అరుణాచల్ ప్రదేశ్ అసెంబ్లీ ఎన్నికల్లో బీజేపీ <<13362827>>విజయం<<>> సాధించడంపై PM మోదీ హర్షం వ్యక్తం చేశారు. అభివృద్ధి రాజకీయాలకు ఈ విజయంతో ప్రజలు స్పష్టమైన ఆదేశాలిచ్చారని ట్వీట్ చేశారు. రాష్ట్ర వృద్ధి కోసం తమ పార్టీ కృషి చేస్తోందని పేర్కొన్నారు. మరోవైపు సిక్కింలో విజయం సాధించిన SKM పార్టీకి, CM ప్రేమ్ సింగ్‌కు ప్రధాని అభినందనలు తెలిపారు. సిక్కిం అభివృద్ధితో పాటు ప్రజల ఆకాంక్షలు నెరవేర్చేందుకు పనిచేస్తామన్నారు.
News June 2, 2024
మూడు జోన్లుగా తెలంగాణ: సీఎం రేవంత్‌రెడ్డి
మూడు జోన్లుగా తెలంగాణను విభజిస్తున్నట్లు సీఎం రేవంత్ ప్రకటించారు. HYD ORR పరిధిలో ఉన్న ప్రాంతం అర్బన్ తెలంగాణ, ఓఆర్ఆర్ నుంచి రీజినల్ రింగ్‌రోడ్డు ప్రాంతం వరకు సబ్ అర్బన్, రిజినల్ రింగ్ రోడ్డు నుంచి తెలంగాణ సరిహద్దు వరకు రూరల్ ప్రాంతంగా ఏర్పాటు చేస్తామన్నారు. ఈ మూడు ప్రాంతాలకూ అభివృద్ధి ప్రణాళికలు సిద్ధం చేస్తామని తెలిపారు. త్వరలో రీజినల్ రింగ్ రోడ్డును కూడా పూర్తిచేస్తామని స్పష్టం చేశారు.
News June 2, 2024
అందుకే హరీశ్ రావు అమెరికా వెళ్లారు: మంత్రి కోమటిరెడ్డి
TG: మాజీ మంత్రి హరీశ్ రావు ఫోన్ ట్యాపింగ్ దొంగ ప్రభాకర్‌ రావును కలిసేందుకే అమెరికా వెళ్లారని మంత్రి కోమటిరెడ్డి వెంకట్ రెడ్డి అన్నారు. ఇందుకు సంబంధించి తన వద్ద అన్ని ఆధారాలు ఉన్నాయని మీడియా సమావేశంలో తెలిపారు. దొంగచాటుగా వెళ్లి HYD రావొద్దని ప్రభాకర్‌తో చెప్పారని ఆరోపించారు. ఒకవేళ ఆయనను హరీశ్ రావు కలవలేదని ప్రమాణం చేస్తే తాను దేనికైనా సిద్ధమని మంత్రి సవాల్ విసిరారు.
News June 2, 2024
కూటమి ఏజెంట్లు సంయమనం పాటించాలి: సీఎం రమేశ్
AP: సర్వే అంచనాలు ప్రతికూలంగా రావడంతో తగాదాలు సృష్టించేందుకు వైసీపీ శ్రేణులు ప్రయత్నిస్తున్నాయని బీజేపీ నేత సీఎం రమేశ్ ఆరోపించారు. ఓట్ల లెక్కింపు రోజున కూటమి ఏజెంట్లు సంయమనం పాటించాలని కోరారు. తప్పుడు సర్వేలతో ప్రజలను తప్పుదోవ పట్టించాలని వైసీపీ చూస్తోందని మండిపడ్డారు. జగన్ పాలనతో విసిగిపోయిన ఏపీ ప్రజలు కూటమికి పట్టం కట్టారని చెప్పుకొచ్చారు.
News June 2, 2024
T20WC: భారత ప్రాబబుల్ జట్టు ఇదేనా?
టీ20 వరల్డ్ కప్‌లో ఐర్లాండ్‌తో మ్యాచ్ కోసం కొంతమందిని బెంచ్‌కే పరిమితం చేయనున్నట్లు తెలుస్తోంది. యశస్వీ జైస్వాల్, సంజూ శాంసన్, మహ్మద్ సిరాజ్ లాంటి ఆటగాళ్లు డగౌట్‌కే పరిమితం కానున్నట్లు సమాచారం. మేనేజ్‌మెంట్ ఇప్పటికే జట్టుపై ఒక అంచనాకు వచ్చినట్లు టాక్. ప్రాబబుల్ జట్టు: రోహిత్ (C), కోహ్లీ, రిషభ్ పంత్, SKY, శివమ్ దూబే, హార్దిక్ పాండ్య, రవీంద్ర జడేజా, అక్షర్ పటేల్, కుల్దీప్ యాదవ్, బుమ్రా, అర్ష్‌దీప్.
News June 2, 2024
తిరుమలలో కంపార్టుమెంట్లన్నీ ఫుల్
తిరుమలలో భక్తుల రద్దీ నెలకొంది. కంపార్టుమెంట్లన్నీ నిండిపోయాయి. సర్వదర్శనానికి 20 నుంచి 24 గంటల సమయం పడుతోంది. స్వామివారిని నిన్న 78,686 మంది భక్తులు దర్శించుకోగా.. 37,888 మంది తలనీలాలు సమర్పించారు. హుండీ ఆదాయం రూ. 3.54 కోట్లు వచ్చినట్లు టీటీడీ అధికారులు వివరించారు.
News June 2, 2024
అరుణాచల్, సిక్కిం ఫైనల్ ఫలితాలు
అరుణాచల్ ప్రదేశ్‌లో మొత్తం 60 సీట్లకుగాను బీజేపీ 46 స్థానాల్లో గెలిచి మరోసారి అధికారాన్ని చేపట్టనుంది. NPP 5, NCP 3, PPA 2, INC ఒక స్థానంలో, ఇండిపెండెంట్లు 3 చోట్ల విజయం సాధించారు. సిక్కింలో అధికార SKM(సిక్కిం క్రాంతికారీ మోర్చా) దాదాపు క్లీన్‌స్వీప్ చేసింది. 32 స్థానాలకుగాను ఏకంగా 31 చోట్ల విజయదుందుభి మోగించింది. SDF ఒక స్థానంతో సరిపెట్టుకోగా, BJP, INC ఖాతా తెరవలేదు.
News June 2, 2024
కేసీఆర్‌కు ప్రజలపై ప్రేమ లేదు.. అధికారం పోయిందని బాధ: కోమటిరెడ్డి
TG: మంత్రి పదవి రాలేదనే కోపంతోనే కేసీఆర్ తెలంగాణ ఉద్యమం చేపట్టారని మంత్రి కోమటిరెడ్డి వెంకటరెడ్డి విమర్శించారు. ఉద్యమంలో అమాయకులను రెచ్చగొట్టి చంపారని ఆరోపించారు. ఆయనకు ప్రజలపై ప్రేమ లేదని, అధికారం పోయిందనే బాధ ఉందని మండిపడ్డారు. చేపలు, గొర్రెల పంపిణీ పేరిట రూ.వేల కోట్లు దోచుకున్నారని దుయ్యబట్టారు. పార్లమెంట్ ఎన్నికల ఓట్ల లెక్కింపు తర్వాత బీఆర్ఎస్‌లో ఎవరూ ఉండరని జోస్యం చెప్పారు.
News June 2, 2024
కాజల్‌కు ట్విస్ట్ ఇచ్చిన దర్శకుడు శంకర్!
స్టార్ హీరోయిన్ కాజల్ అగర్వాల్ ‘భారతీయుడు-2’ సినిమాలో కనిపించరని దర్శకుడు శంకర్ తెలిపారు. ఆమె నటించిన సన్నివేశాలు పార్ట్-3లో ఉంటాయని నిన్న ఆడియో రిలీజ్ కార్యక్రమంలో వెల్లడించారు. ‘భారతీయుడు-2’ కోసం గుర్రపు స్వారీ నేర్చుకున్నట్లు కాజల్ ఇటీవల పలు ఇంటర్వ్యూల్లో పేర్కొన్నారు. తీరా విడుదలకు ముందు దర్శకుడు ఈ ప్రకటన చేయడంతో ఈ విషయం ఆమెకు తెలుసా అని ఫ్యాన్స్ ఆశ్చర్యం వ్యక్తం చేస్తున్నారు.
News June 2, 2024
BIG ALERT: రేపు ఈ జిల్లాల్లో భారీ వర్షాలు
TG: రాష్ట్రంలో అక్కడక్కడా 5 రోజులు వర్షాలు కురుస్తాయని HYD వాతావరణ కేంద్రం వెల్లడించింది. రేపు భద్రాద్రి, ఖమ్మం, నల్గొండ, సూర్యాపేట, రంగారెడ్డి, వికారాబాద్, సంగారెడ్డి, మహబూబ్‌నగర్, నాగర్‌కర్నూల్, వనపర్తి, నారాయణపేట, గద్వాల్ జిల్లాల్లో భారీ వర్షాలు కురుస్తాయని తెలిపింది. ఉరుములు, మెరుపులతోపాటు 40-50Kmph వేగంతో ఈదురుగాలులు వీస్తాయంది. మిగిలిన జిల్లాల్లో పలు చోట్ల మోస్తరు వానలు పడతాయని పేర్కొంది.
Featured News
Sorry, no posts matched your criteria.