India's largestHyperlocal short
news App
Get daily news updates that are tailored for you based on your preferred language & location.
download Way2News app now
News August 30, 2024
విజయవాడ సీపీకి ఫిర్యాదు చేసిన జెత్వానీ
AP: ముంబై నటి కాదంబరి జెత్వానీ విజయవాడ సీపీకి ఫిర్యాదు చేశారు. వైసీపీ నేత కుక్కల విద్యాసాగర్ తనపై పెట్టిన కేసు, అంతకుముందు పారిశ్రామికవేత్త సజ్జన్ జిందాల్‌పై తాను ముంబైలో పెట్టిన కేసుపై వివరాలు ఇచ్చారు. మరోవైపు తనపై తప్పుడు ప్రచారం చేస్తున్నారని వైసీపీ నేత సజ్జల రామకృష్ణారెడ్డి ఓ ప్రముఖ పత్రికతో పాటు టీడీపీ నేత వర్ల రామయ్యపై పరువు నష్టం దావా వేశారు. వారికి లీగల్ నోటీసులు పంపారు.
News August 30, 2024
సింగరేణి కార్మికులకు GOOD NEWS
TG: సింగరేణిలో పనిచేస్తున్న 2,364 మంది బదిలీ కార్మికులను రెగ్యులర్ వర్కర్లు(జనరల్ మజ్దూర్)గా క్రమబద్ధీకరిస్తున్నట్లు సంస్థ MD బలరామ్ తెలిపారు. భూగర్భ గనుల్లో 190 రోజులు, ఉపరితల గనుల్లో 240 రోజులు విధులు నిర్వహించిన వారిని SEP 1 నుంచి రెగ్యులరైజ్ చేస్తామన్నారు. దీంతో కార్మికులు సంతోషం వ్యక్తం చేస్తున్నారు. కారుణ్య, డిపెండెంట్ కింద సంస్థలో చేరిన వారిని తొలుత బదిలీ వర్కర్లుగా పరిగణిస్తారు.
News August 30, 2024
రూ.లక్ష కోట్లతో లక్ష ఎకరాలు కూడా పండించలేదు: మంత్రి ఉత్తమ్
TG: రూ.లక్ష కోట్లు ఖర్చు పెట్టి నిర్మించిన కాళేశ్వరం ప్రాజెక్ట్ ద్వారా లక్ష ఎకరాల కొత్త ఆయకట్టు కూడా సేద్యంలోకి రాకపోవడం సిగ్గు చేటని మంత్రి ఉత్తమ్ విమర్శించారు. BRS సర్కారు కమీషన్లకు కక్కుర్తి పడి ప్రాజెక్టుల నిర్మాణం చేపట్టిందని, రూ.1.80 లక్షల కోట్లు ఖర్చు పెట్టి రాష్ట్రాన్ని అధోగతి పాలు చేసిందని ఫైరయ్యారు. మార్చి 2026 నాటికి దేవాదుల ఎత్తిపోతల పథకాన్ని పూర్తి చేస్తామని ఆయన చెప్పారు.
News August 30, 2024
‘హైడ్రా’ దెబ్బ.. ఫ్లాట్ల బుకింగ్ రద్దు?
హైడ్రా దూకుడుతో హైదరాబాద్‌లో చెరువులు, నాలాల చుట్టూ నిర్మిస్తున్న ప్రాజెక్టుల్లో ఫ్లాట్లు బుక్ చేసుకున్న వారు వాటిని రద్దు చేసుకుంటున్నట్లు సమాచారం. అడ్వాన్సులు వెనక్కి తిరిగి ఇచ్చేయాలని డెవలపర్లు, కాంట్రాక్టర్లను కోరుతున్నట్లు తెలుస్తోంది. ముఖ్యంగా అమీన్‌పూర్ లేక్, దుర్గంచెరువు, గండిపేట ప్రాంతాల్లో దీని ఎఫెక్ట్ పడినట్లు సమాచారం. దీంతో రియల్ ఎస్టేట్‌పై దెబ్బపడుతుందని కొందరు అభిప్రాయపడుతున్నారు.
News August 30, 2024
గుడ్లవల్లేరు కాలేజీకి మూడు రోజుల సెలవులు
AP: కృష్ణా(D) గుడ్లవల్లేరు ఇంజినీరింగ్ కాలేజీకి యాజమాన్యం 3 రోజులు సెలవులు ప్రకటించింది. కేసు దర్యాప్తు విచారణ జరుగుతుండటంతోనే మేనేజ్‌మెంట్ సెలవులు ఇచ్చింది. ఇప్పటికే కాలేజీలోని విద్యార్థులను ఇంటికి పంపించేసింది. కాగా ఓ యువతి సాయంతో ఫైనల్ ఇయర్ విద్యార్థి విజయ్ లేడీస్ హాస్టల్‌ బాత్రూమ్‌లో హిడెన్ కెమెరాతో 300 మంది యువతుల వీడియోలు చిత్రీకరించి విక్రయిస్తున్నట్లు సహచర విద్యార్థులు ఆరోపిస్తున్నారు.
News August 30, 2024
రూంలో సీక్రెట్ కెమెరా పెట్టారా? ఇలా తెలుసుకోండి!
*సాకెట్స్, బల్బ్ హోల్డర్స్, గడియారాలు, మిర్రర్లు, అడాప్టర్లలో సీక్రెట్ కెమెరాలను ఉంచుతారు.
*రూంలోని అన్ని వస్తువులను క్షుణ్నంగా గమనించండి. అనుమానం వస్తే నిర్వాహకులకు ఇన్ఫార్మ్ చేయండి.
*రూంలో లైట్స్ అన్నీ ఆఫ్ చేసి మన ఫోన్ కెమెరా ఆన్ చేస్తే సీక్రెట్ కెమెరా ఉన్న చోట చిన్న లైట్ కనిపిస్తుంది.
*వీటిని కనిపెట్టేందుకు హిడెన్ కెమెరా డిటెక్టర్ లాంటి యాప్స్ కూడా ఉన్నాయి.
News August 30, 2024
స్తంభాలపై కేబుల్, ఇంటర్నెట్ వైర్లు తొలగింపు
TG: హైదరాబాద్‌లో విద్యుత్ స్తంభాలపై కుప్పలుతెప్పలుగా పోగైన వైర్ల తొలగింపుపై అధికారులు దృష్టి పెట్టారు. TSPDC సీఎండీ ముషారఫ్ ఫారుఖీ ఆదేశాలతో స్తంభాలపై ఉన్న కేబుల్, ఇంటర్నెట్ వైర్లను సిబ్బంది తొలగిస్తున్నారు. వాటిని తొలగించాలని కేబుల్ ఆపరేటర్లకు, ఇంటర్నెట్ ప్రొవైడర్లకు నెల క్రితమే సూచించినా వారు పట్టించుకోకపోవడంతో TSSPDCL స్వయంగా రంగంలోకి దిగింది.
News August 30, 2024
HCAను రద్దు చేయాలి: తెలంగాణ క్రికెట్ అసోసియేషన్
TG: హైదరాబాద్ క్రికెట్ అసోసియేషన్‌లో ఆర్థిక అవకతవకలు జరిగాయని తెలంగాణ క్రికెట్ అసోసియేషన్ ఆరోపించింది. దీనిపై విచారణ జరిపించి HCAను రద్దు చేయాలని డిమాండ్ చేసింది. బీసీసీఐ నిధులను కూడా దుర్వినియోగం చేసిందని మండిపడింది. మాజీ అధ్యక్షుడు అజారుద్దీన్, ప్రస్తుత అధ్యక్షుడు జగన్‌మోహన్ హయాంలో కూడా అవినీతి జరుగుతోందని విమర్శించింది. సుప్రీం తీర్పును హెచ్‌సీఏ ఖాతరు చేయట్లేదని విరుచుకుపడింది.
News August 30, 2024
PARALYMPICS: భారత్‌కు మరో పతకం
పారిస్ పారాలింపిక్స్‌లో భారత్ ఖాతాలో మరో పతకం చేరింది. పురుషుల 10మీ. ఎయిర్ పిస్టల్ ఎస్‌హెచ్-1 విభాగంలో మనీశ్ నర్వాల్ రజత పతకం సాధించారు. దీంతో భారత్ ఖాతాలో 4 పతకాలు చేరాయి. ఇప్పటికే అవని లేఖరా, మోనా అగర్వాల్, ప్రీతి పాల్ పతకాలు దక్కించుకున్న విషయం తెలిసిందే.
News August 30, 2024
రేపు ఈ జిల్లాల్లో భారీ వర్షాలు
AP: బంగాళాఖాతంలో ఏర్పడిన అల్పపీడనం 36 గంటల్లో వాయుగుండంగా బలపడే అవకాశం ఉందని APSDMA వెల్లడించింది. దీని ప్రభావంతో రేపు శ్రీకాకుళం, విజయనగరం, మన్యం, అల్లూరి, విశాఖ, కర్నూలు, నంద్యాల, అనంతపురం, వైఎస్సార్ జిల్లాల్లో భారీ వర్షాలు కురుస్తాయని తెలిపింది. మిగతా జిల్లాల్లో మోస్తరు వానలు పడతాయంది. కోస్తా తీరం వెంబడి 45-65Kmph వేగంతో ఈదురుగాలులు వీస్తాయని, మత్స్యకారులు వేటకు వెళ్లొద్దని హెచ్చరించింది.
Featured News
Sorry, no posts matched your criteria.