India's largestHyperlocal short
news App
Get daily news updates that are tailored for you based on your preferred language & location.
download Way2News app now
News August 29, 2024
రేవంత్ ఓటుకు నోటు కేసు: 2PMకు సుప్రీం ఆదేశాలు
TG CM రేవంత్ రెడ్డి ‘ఓటుకు నోటు కేసు’ విచారణకు ప్రత్యేక ప్రాసిక్యూటర్‌ను నియమిస్తామని సుప్రీం కోర్టు తెలిపింది. ఈ విచారణను తెలంగాణ నుంచి భోపాల్ హైకోర్టుకు బదిలీ చేయాలన్న BRS పిటిషన్‌పై వాదనలు విన్నది. TG సహచరులను సంప్రదించి 2PMకు ఆదేశాలు ఇస్తామంది. బదిలీ పిటిషన్లను విచారిస్తే తమ న్యాయ అధికారులను తామే నమ్మనట్టు అవుతుందని పేర్కొంది. CM వద్దే హోం బాధ్యతలు ఉన్నాయని BRS లాయర్లు ఇందుకు బదులిచ్చారు.
News August 29, 2024
ఏడాదిలోనే రూ.5 లక్షల కోట్లు పోగేసిన అదానీ
గౌతమ్ అదానీ తగ్గేదే లే! అంటున్నారు. నెగటివ్ పబ్లిసిటీ వచ్చినా ఆయన కుటుంబ ఆదాయం ఏడాదిలోనే 95% పెరిగింది. నిరుడు రూ.5.63 లక్షల కోట్లుగా ఉన్న సంపద రూ.11.6 లక్షల కోట్లకు చేరిందని హురూన్ ఇండియా రిచ్‌లిస్ట్ 2024 పేర్కొంది. షార్ట్ సెల్లర్ హిండెన్‌బర్గ్ రిపోర్టు తర్వాత పతనమైన అదానీ గ్రూప్ కంపెనీల షేర్లు తిరిగి పుంజుకున్నాయి. పోర్ట్స్ 98%, ఎనర్జీ, గ్యాస్, ట్రాన్స్‌మిషన్, పవర్ షేర్లు సగటున 78% ఎగిశాయి.
News August 29, 2024
రికార్డు బ్రేక్: అంబానీని దాటేసిన అదానీ
గౌతమ్ అదానీ రికార్డు సృష్టించారు. RIL అధినేత ముకేశ్ అంబానీని వెనక్కి నెట్టారు. హురూన్ ఇండియా రిచ్‌లిస్ట్‌లో నం.1గా నిలిచారు. నిరుడుతో పోలిస్తే అంబానీ కుటుంబ సంపద 25% వృద్ధిచెంది రూ.10.14 లక్షల కోట్లకు చేరింది. అదానీ కుటుంబ ఆదాయం 95% వృద్ధిరేటుతో రూ.11.61 లక్షల కోట్లకు ఎగిసింది. ఇక శివనాడార్, సైరస్ పూనావాలా, దిలీప్ సంఘ్వి, బిర్లా, హిందూజా, దమానీ, ప్రేమ్‌జీ, నీరజ్ బజాజ్ కుటుంబాలు టాప్-10లో ఉన్నాయి.
News August 29, 2024
డెలివరీ బాయ్స్‌కు బీమా కల్పించండి: KTR
స్విగ్గీ సీఈవో శ్రీహర్ష మాజేటిని కేటీఆర్ అభినందించారు. చిన్నతనంలో కుటుంబంలో తామే డెలివరీ బాయ్స్ అని, తల్లిదండ్రుల నుంచి డబ్బులు తీసుకునేవారమని గుర్తుచేశారు. ‘అభివృద్ధి చెందుతున్న గిగ్ వర్కర్ పరిశ్రమలో హైదరాబాద్ ఒకటి. ప్రతి నెలా 45 శాతం కంటే ఎక్కువ వ్యాపారం పెరుగుతోంది. కాబట్టి గిగ్ వర్కర్లకు సరైన వర్క్ అట్మాస్పియర్, మెరుగైన ఆరోగ్య ప్రయోజనాలు, బీమా, సామాజిక భద్రత కల్పించాలి’ అని ట్వీట్ చేశారు.
News August 29, 2024
నమీబియాలో కరవు.. ఏనుగుల మాంసం పంచనున్న ప్రభుత్వం
ఆఫ్రికాలోని నమీబియాలో తీవ్ర కరవు నెలకొంది. అక్కడి ప్రజలకు తినడానికి తిండి కూడా దొరకటం లేదు. దీంతో ప్రభుత్వం కీలక నిర్ణయం తీసుకుంది. 723 అరుదైన అడవి జంతువులను చంపి వాటి మాంసాన్ని ప్రజలకు అందించాలని భావించింది. 300 జీబ్రాలు, 100 బ్లూవైల్డ్ బీస్ట్‌లు, 83 ఏనుగులు, 60 అడవి దున్నలు, 50 ఇంఫాలాలు, 30 నీటి గుర్రాలను వధించనున్నారు. కాగా నమీబియాలో 14 లక్షల మంది ఆకలితో అలమటిస్తున్నారని ప్రభుత్వ అంచనా.
News August 29, 2024
హైడ్రా కూల్చివేతలు.. సీఎస్ కీలక సమావేశం
TG: హైడ్రా కూల్చివేతలపై హైకోర్టు వ్యాఖ్యల నేపథ్యంలో సీఎస్ శాంతికుమారి కీలక సమావేశం నిర్వహించారు. హైడ్రా, GHMC, HMDA, రెవెన్యూ, నీటిపారుదల శాఖ అధికారులతో పాటు HYD, RR, మేడ్చల్, సంగారెడ్డి కలెక్టర్లతో భేటీ అయ్యారు. న్యాయపరమైన సమస్యలు రాకుండా జాగ్రత్తలు తీసుకోవాలని ఆదేశించారు. కాగా నిబంధనల ప్రకారమే ముందుకెళ్లాలని హైడ్రాను HC ఆదేశించిన విషయం తెలిసిందే.
News August 29, 2024
విశాఖ కోర్టుకు హాజరైన లోకేశ్
AP: ‘సాక్షి’ పరువు నష్టం కేసులో మంత్రి నారా లోకేశ్ విశాఖపట్నం 12వ అదనపు జిల్లా కోర్టుకు హాజరయ్యారు. గతంలో ‘చినబాబు చిరుతిండి.. 25 లక్షలండి’ పేరుతో సాక్షి పత్రికలో ఓ కథనం ప్రచురితమైంది. దీనిపై లోకేశ్ కోర్టును ఆశ్రయించారు. ఈ కేసు ఇవాళ విచారణకు రావడంతో ఆయన కోర్టుకు వెళ్లారు.
News August 29, 2024
వైసీపీకి ఇద్దరు ఎంపీల రాజీనామా
AP: ఇద్దరు వైసీపీ రాజ్యసభ ఎంపీలు పార్టీకి, తమ పదవులకు రాజీనామా చేశారు. మోపిదేవి వెంకటరమణ, బీద మస్తాన్ రావు తమ రాజీనామా పత్రాలను రాజ్యసభ ఛైర్మన్‌ జగదీప్ ధన్‌ఖడ్‌కు సమర్పించారు. త్వరలోనే వీరు టీడీపీలో చేరనున్నట్లు తెలుస్తోంది. దీనిపై మరిన్ని వివరాలు తెలియాల్సి ఉంది.
News August 29, 2024
‘ఆదిపురుష్’ బాక్సాఫీస్ వద్ద విజయం: రౌత్
‘ఆదిపురుష్’ డిజాస్టర్ అంటూ కొందరు చేసిన ట్రోల్స్‌పై డైరెక్టర్ ఓం రౌత్ స్పందించారు. ఓ ఇంటర్వ్యూలో ఆయన మాట్లాడుతూ ‘కొందరు కావాలని చేస్తోన్న ట్రోల్స్‌ను పట్టించుకోవాల్సిన పనిలేదు. ఓ సినిమాకు కావాల్సింది బాక్సాఫీస్ విజయం మాత్రమే. ఆదిపురుష్ బాక్సాఫీస్ వద్ద అదరగొట్టింది. మొదటిరోజే రూ.70+కోట్లు రాగా మొత్తం రూ.400+ కోట్ల కలెక్షన్స్ సాధించింది. తెలుగు రాష్ట్రాల్లో రూ.200+కోట్లు వచ్చాయి’ అని చెప్పారు.
News August 29, 2024
కౌలు రైతులకు త్వరలోనే చెల్లింపులు: నారాయణ
AP: అమరావతి రైతులకు మంత్రి నారాయణ శుభవార్త చెప్పారు. సెప్టెంబర్ 15వ తేదీలోగా అమరావతిలోని రైతుల ఖాతాల్లో కౌలు నిధులను జమ చేస్తామని వెల్లడించారు. నిధుల విడుదలకు సీఎం చంద్రబాబు ఇప్పటికే అంగీకరించారని చెప్పారు. రాజధాని రైతుల సమస్యల పరిష్కారానికి తమ ప్రభుత్వం కట్టుబడి ఉందన్నారు.
Featured News
Sorry, no posts matched your criteria.