India's largestHyperlocal short
news App
Get daily news updates that are tailored for you based on your preferred language & location.
download Way2News app now
News August 28, 2024
KTRను డిస్‌క్వాలిఫై చేయాలి: రేవంత్
TG: పార్టీలకతీతంగా హైడ్రా కూల్చివేతలు కొనసాగుతున్నాయని CM రేవంత్ వెల్లడించారు. ‘మొదట కాంగ్రెస్ నేత పల్లంరాజు నిర్మాణాన్నే హైడ్రా కూల్చింది. జన్వాడ ఫామ్‌హౌస్‌కు పంచాయతీ అనుమతులు లేవు. దీనిని లీజుకు తీసుకున్నట్లు KTR చెప్పారు. ఆ విషయాన్ని ఎన్నికల అఫిడవిట్‌లో ఎందుకు పేర్కొనలేదు? ఆయనను డిస్‌క్వాలిఫై చేయాలి. మా కుటుంబ సభ్యులకు అక్రమ నిర్మాణాలు ఉంటే నేనే దగ్గర ఉండి కూలగొట్టిస్తా’ అని CM స్పష్టం చేశారు.
News August 28, 2024
మాజీ వరల్డ్ నం.1 బ్యాటర్ రిటైర్మెంట్
ఇంగ్లండ్ స్టార్ బ్యాటర్ డేవిడ్ మలన్ ఇంటర్నేషనల్ క్రికెట్‌కు రిటైర్మెంట్ ప్రకటించారు. మలన్ గతంలో ఐసీసీ T20 ర్యాంకింగ్స్‌లో నంబర్ వన్ స్థానంలోనూ నిలిచారు. 37ఏళ్ల మలన్ ఇంగ్లండ్ తరఫున 22 టెస్టులు, 30 వన్డేలు, 62 టీ20లు ఆడారు. మూడు ఫార్మాట్లలోనూ సెంచరీ చేసిన బ్యాటర్‌గా నిలిచారు. గత వన్డే వరల్డ్ కప్ నుంచి ఇంగ్లండ్ జట్టులో చోటు దక్కకపోవడంతో తాజాగా వీడ్కోలు పలికారు.
News August 28, 2024
BREAKING: హైడ్రాపై సీఎం కీలక వ్యాఖ్యలు
TG: అక్రమ నిర్మాణాలపై ఉక్కుపాదం మోపుతున్న హైడ్రాపై సీఎం రేవంత్ రెడ్డి కీలక వ్యాఖ్యలు చేశారు. ‘హైడ్రా తన పని తాను చేసుకుపోతుంది. ఎవరినీ వదిలిపెట్టేది లేదు. ORR అవతల ఉన్న గ్రామ పంచాయతీలు కూడా హైడ్రా పరిధిలో ఉన్నాయి. ఫామ్‌హౌస్‌లు కట్టుకున్న కొందరు సెలబ్రిటీలు మురికినీటిని ఉస్మాన్, హిమాయత్‌సాగర్‌లోకి వదులుతున్నారు. హైడ్రాకు పోలీస్ స్టేషన్ స్టేటస్ ఇస్తాం’ అని ఆయన వెల్లడించారు.
News August 28, 2024
గాంధీ విగ్రహాన్ని గాడ్సే పెట్టినట్లుంది: KTR
సచివాలయ ప్రాంగణంలో తెలంగాణ తల్లి విగ్రహ ఏర్పాటుకు భూమిపూజ చేయడంపై KTR స్పందించారు. ‘సోనియా గాంధీని దయ్యం, పిశాచి, బలిదేవత అన్న నువ్వా రాజీవ్ గాంధీ మీద ప్రేమ ఒలకబోసేది. దొడ్డి దారిలో పీసీసీ చీఫ్ అయి ఇవాళ రాజీవ్ గాంధీ మీద కపట ప్రేమ చూపిస్తున్నావు. నీ చేతులతో తెలంగాణ తల్లి విగ్రహం పెట్టినా అది అవమానమే. గాంధీ విగ్రహాన్ని గాడ్సే పెట్టినట్లుంటది. పనికిరాని విగ్రహాలను తొలగిస్తాం’ అని ట్వీట్ చేశారు.
News August 28, 2024
అల్లం ఎందుకు తీసుకోవాలంటే!
ప్రస్తుతం అల్లం నిత్యజీవితంలో భాగమైపోయింది. దీనిని ఏ రూపంలోనైనా వాడుకోవచ్చు. అల్లంలో ఉండే యాంటీ ఇన్‌ఫ్లామేటరీ గుణాలు మెదడును ప్రశాంతంగా ఉంచుతాయి. నోటి దుర్వాసన పోగొడుతుంది. అరుచిని పోగొట్టి ఆకలిని పెంచుతుంది. జలుబు, దగ్గును దూరం చేసి కఫం సమస్యను తగ్గిస్తుంది. బరువు తగ్గడంలోనూ ఇది ఉపకరిస్తుంది. అల్సర్, అజీర్తి, షుగర్, కీళ్లనొప్పుల వంటి సమస్యలను దూరం చేస్తుంది. పీరియడ్స్ నొప్పిని కూడా తగ్గిస్తుంది.
News August 28, 2024
హత్యాచారం కేసు తప్పుదారి పట్టించేందుకే బెంగాల్ బంద్: మమత
బెంగాల్ పరువు తీయడమే బీజేపీ బంద్ లక్ష్యమని సీఎం మమతా బెనర్జీ అన్నారు. వైద్యురాలి హత్యాచారం కేసును తప్పుదారి పట్టించేందుకు కుట్రచేస్తున్నారని ఆరోపించారు. బంద్‌కు తాము మద్దతివ్వడం లేదన్నారు. రేప్ కేసుల్లో ఉరిశిక్షే సరైందన్నారు. వచ్చేవారం సమావేశాలు ఏర్పాటు చేసి రేపిస్టులకు కఠిన శిక్ష పడేలా అసెంబ్లీలో బిల్లు పాస్ చేస్తామన్నారు. గవర్నర్‌ దానిని ఆమోదించకుంటే రాజ్‌భవన్ ఎదుట బైఠాయిస్తామని హెచ్చరించారు.
News August 28, 2024
ఏపీకి కేంద్రం గుడ్‌న్యూస్
AP ప్రజల జీవనాడి పోలవరం ప్రాజెక్టు పూర్తి నిర్మాణానికి కేంద్ర ప్రభుత్వం సుముఖత వ్యక్తం చేసింది. ప్రధాని, ఆర్థికమంత్రి, జలశక్తి మంత్రులతో పలు దఫాలుగా సీఎం చంద్రబాబు చర్చల అనంతరం ఇవాళ్టి క్యాబినెట్ భేటీలో కేంద్రం ఆమోదం తెలిపింది. ప్రాజెక్టుకు అవసరమైన నిధులన్నీ ఇచ్చేందుకు గ్రీన్‌సిగ్నల్ ఇచ్చినట్లు సమాచారం. అలాగే పెండింగ్ నిధులనూ త్వరలోనే ఇచ్చేందుకు అంగీకారం తెలిపింది.
News August 28, 2024
All time high: 25110 వద్ద నిఫ్టీ రికార్డ్
స్టాక్ మార్కెట్లు రికార్డులు బద్దలు కొడుతున్నాయి. ఇంట్రాడేలో 25,110 వద్ద NSE నిఫ్టీ సరికొత్త జీవితకాల గరిష్ఠాన్ని తాకింది. వడ్డీరేట్ల కోతకు టైమొచ్చిందన్న US ఫెడ్ వ్యాఖ్యలు, ఐటీ షేర్ల జోరు ఇందుకు దోహదం చేశాయి. వరుసగా 10 సెషన్ల నుంచి సూచీ పెరగడం గమనార్హం. ఐటీ సూచీ 2.28% పెరిగి 42,660 వద్ద చలిస్తోంది. LTI మైండ్‌ట్రీ, విప్రో, LTTS, కోఫోర్జ్, ఇన్ఫీ, పర్సిస్టెంట్ సిస్టమ్స్ షేర్లు అదరగొడుతున్నాయి.
News August 28, 2024
పదేళ్లు తెలంగాణ తల్లి గుర్తుకురాలేదా?: రేవంత్
TG: మిలియన్ మార్చ్ తరహాలో డిసెంబర్ 9న సచివాలయంలో తెలంగాణ తల్లి విగ్రహావిష్కరణ చేపడతామని CM రేవంత్ తెలిపారు. భూమి పూజ అనంతరం ఆయన మాట్లాడారు. ‘మంచి రోజులు లేవని పండితులు చెప్పడంతో ఇవాళ కార్యక్రమం నిర్వహించాం. పదేళ్ల పాటు అధికారంలో ఉన్న BRSకు తెలంగాణ తల్లి విగ్రహం ఏర్పాటు చేయాలనే ఆలోచన ఎందుకు రాలేదు? కన్నతల్లిని తల‌పించేలా, తెలంగాణ సంస్కృతిని ప్రతిబింబించేలా విగ్రహం ఉంటుంది’ అని సీఎం స్పష్టం చేశారు.
News August 28, 2024
బెంగాల్ బంద్ అక్రమం: పిల్‌ను డిస్మిస్ చేసిన హైకోర్టు
బీజేపీ చేపట్టిన బెంగాల్ బంద్ అక్రమం అంటూ దాఖలైన పిల్‌ను కలకత్తా హైకోర్టు డిస్మిస్ చేసింది. ఈ కేసులో తప్పుడు సమాచారంతో ఇకపై ఎలాంటి పిల్స్ వేయకుండా సదరు పిటిషనర్‌ను చీఫ్ జస్టిస్ శివజ్ఞానం, జస్టిస్ హిరణ్మయ్ భట్టాచార్య ధర్మాసనం అడ్డుకొంది. మంగళవారం సెక్రటేరియట్‌ వరకు ప్రజలు తలపెట్టిన ర్యాలీని లాఠీఛార్జులు, టియర్ గ్యాస్, వాటర్ కెనన్లతో పోలీసులు అడ్డుకున్నారని బీజేపీ ఈ బంద్‌కు పిలుపునివ్వడం గమనార్హం.
Featured News
Sorry, no posts matched your criteria.