India's largestHyperlocal short
news App
Get daily news updates that are tailored for you based on your preferred language & location.
download Way2News app now
News August 28, 2024
నేటి నుంచి పారా ఒలింపిక్స్
నేటి నుంచి పారిస్ పారా ఒలింపిక్స్ ప్రారంభం కానున్నాయి. ఒలింపిక్స్ చరిత్రలోనే భారత్ నుంచి అత్యధికంగా 84 మంది అథ్లెట్లు బరిలో ఉన్నారు. టోక్యో ఒలింపిక్స్‌లో 19 మెడల్స్ రాగా ఈ సారి అంతకుమించి సాధించాలని లక్ష్యంగా పెట్టుకున్నారు. ప్రారంభ వేడుకల్లో పతకధారులుగా జావెలిన్ త్రోయర్ సుమిత్, మహిళా షాట్ పుటర్ భాగ్యశ్రీ జాదవ్ వ్యహరించనున్నారు. భారత కాలమానం ప్రకారం ఇవాళ రాత్రి 11:30 గంటలకు వేడుకలు మొదలవుతాయి.
News August 28, 2024
డెబిట్ కార్డు లేకున్నా డబ్బులు విత్ డ్రా
కొంతమంది ATMకు డెబిట్ కార్డు తీసుకెళ్లడం మర్చిపోతారు. కానీ డెబిట్ కార్డు లేకుండానే మనీ విత్ డ్రా చేసుకోవచ్చు. ఇందుకోసం మీ మొబైల్‌లో UPI యాప్ ఇన్‌స్టాల్ చేసుకోవాలి. ATM స్క్రీన్‌పై ‘యూపీఐ విత్‌డ్రాయల్స్’ ఆప్షన్‌పై క్లిక్ చేస్తే క్యూఆర్ కోడ్ డిస్‌ప్లే అవుతుంది. ఆ తర్వాత ఫోన్‌లోని యూపీఐ యాప్ ఓపెన్ చేసి ఆ క్యూఆర్ కోడ్ స్కాన్ చేయాలి. అనంతరం ఎంత కావాలో ఎంటర్ చేసి యూపీఐ పిన్ ప్రెస్ చేస్తే మనీ వస్తుంది.
News August 28, 2024
ట్రక్కు లోయలో పడి ముగ్గురు సైనికులు మృతి
అరుణాచల్ ప్రదేశ్‌లోని సుబాన్సిరి జిల్లాలో ట్రక్కు లోయలో పడిన ఘటనలో ముగ్గురు సైనికులు మరణించారు. మరో నలుగురు గాయపడినట్లు అధికారులు తెలిపారు. మరణించిన వారిని హవల్దార్ నఖత్ సింగ్, నాయక్ ముకేశ్ కుమార్, గ్రెనేడియర్ అశిశ్‌గా గుర్తించారు. మృతుల కుటుంబాలకు భారత సైన్యం అండగా ఉంటుందని ఈస్టర్న్ కమాండ్ Xలో పోస్ట్ చేసింది.
News August 28, 2024
ఆయనపై విశ్వాసంతోనే బీజేపీలోకి: చంపై సోరెన్
మోదీపై విశ్వాసంతోనే తాను బీజేపీలో చేరబోతున్నట్లు ఝార్ఖండ్ మాజీ సీఎం చంపై సోరెన్ చెప్పారు. బీజేపీ మాత్రమే ఆదివాసీల గుర్తింపును సంరక్షిస్తుందని పేర్కొన్నారు. రాజకీయాల్లో కొల్హన్ ప్రాంత ప్రజలు తన ప్రతి అడుగులో వెంట నిలిచారని Xలో తెలిపారు. తాను రాజకీయాల నుంచి తప్పకుంటానంటే వారు తిరస్కరించినట్లు పేర్కొన్నారు. కాగా ఎల్లుండి ఆయన బీజేపీలో చేరనున్నారు.
News August 28, 2024
ఆగస్టు 28: చరిత్రలో ఈ రోజు
1934: దక్షిణ భారత దేశపు నేపథ్య గాయని ఎ.పి.కోమల జననం
1949: నటి డబ్బింగ్ జానకి జననం
1959: సినీ నటుడు సుమన్ జననం
1983: శ్రీలంక మాజీ క్రికెటర్ లసిత్ మలింగ జననం
2006: నటుడు, దర్శకుడు డి.వి.నరసరాజు మరణం
News August 28, 2024
దాని కోసం ఎన్ని జన్మలైనా జైల్లో ఉండేందుకు సిద్ధం: మనీశ్ సిసోడియా
విద్యార్థులకు వసతులు, నాణ్యమైన విద్య కోసం ఎన్ని జన్మలైనా జైల్లో ఉండేందుకు సిద్ధమని ఢిల్లీ మాజీ మంత్రి మనీశ్ సిసోడియా అన్నారు. మరికొన్ని రోజుల్లోనే సీఎం కేజ్రీవాల్ జైలు నుంచి విడుదలవుతారని చెప్పారు. మంగోల్‌పురిలో నిర్వహించిన పాదయాత్రలో ఆయన మాట్లాడారు. ఆప్ నేతలపై BJP తప్పుడు కేసులు మోపుతోందని ఆరోపించారు. మరోవైపు కేజ్రీవాల్ జుడీషియల్ కస్టడీని కోర్టు SEP 3 వరకు పొడిగించింది.
News August 28, 2024
పుట్టినరోజు శుభాకాంక్షలు
ఈ రోజు పుట్టినరోజు జరుపుకుంటున్న అందరికీ శుభాకాంక్షలు. పరిమితుల దృష్ట్యా ఫొటో ఎంపిక కాని వారు మన్నించగలరు. > ఫొటో, పేరు, ఊరు, పుట్టిన తేదీ వివరాలతో.. teluguteam@way2news.comకు SUBJECT: BIRTHDAYతో ముందురోజు (ex: MAY 1న పుట్టినరోజు అయితే APR 30న) ఉదయం గం.8:00-08:05 లోపు మెయిల్ చేయండి. పుట్టినరోజున మీ సన్నిహితులను ఆశ్చర్యపర్చండి.
News August 28, 2024
విజయ్ పార్టీ జెండాపై బీఎస్పీ ఫిర్యాదు
తమిళ నటుడు విజయ్ టీవీకే పార్టీ జెండాపై బహుజన సమాజ్ పార్టీ రాష్ట్ర ఎన్నికల అధికారులకు ఫిర్యాదు చేసింది. పార్టీ జెండాలో ఏనుగు గుర్తును అక్రమంగా రాజకీయ నాగరికత తెలియకుండా విజయ్ ఉపయోగించారని ఆరోపించింది. TVK జెండాలో తమ గుర్తును పోలి ఉండటంతో ఎన్నికల సమయంలో గందరగోళం తలెత్తే అవకాశం ఉందని ఆందోళన వ్యక్తం చేసింది. BSPకి ఏనుగు గుర్తుతో సుదీర్ఘకాల అనుబంధం ఉందని తెలిపింది. దీనిపై EC జోక్యం చేసుకోవాలని కోరింది.
News August 28, 2024
ఈరోజు నమాజ్ వేళలు
తేది: ఆగస్టు 28, బుధవారం
ఫజర్: తెల్లవారుజామున 4:48 గంటలకు
సూర్యోదయం: ఉదయం 6:02 గంటలకు
జొహర్: మధ్యాహ్నం 12:17 గంటలకు
అసర్: సాయంత్రం 4:43 గంటలకు
మఘ్రిబ్: సాయంత్రం 6:33 గంటలకు
ఇష: రాత్రి 7.47 గంటలకు
నోట్: ప్రాంతాన్ని బట్టి నమాజ్ వేళల్లో స్వల్ప తేడాలుండొచ్చు.
News August 28, 2024
పుట్టినరోజు శుభాకాంక్షలు
ఈ రోజు పుట్టినరోజు జరుపుకుంటున్న అందరికీ శుభాకాంక్షలు. పరిమితుల దృష్ట్యా ఫొటో ఎంపిక కాని వారు మన్నించగలరు. > ఫొటో, పేరు, ఊరు, పుట్టిన తేదీ వివరాలతో.. teluguteam@way2news.comకు SUBJECT: BIRTHDAYతో ముందురోజు (ex: MAY 1న పుట్టినరోజు అయితే APR 30న) ఉదయం గం.8:00-08:05 లోపు మెయిల్ చేయండి. పుట్టినరోజున మీ సన్నిహితులను ఆశ్చర్యపర్చండి
Featured News
Sorry, no posts matched your criteria.