India's largestHyperlocal short
news App
Get daily news updates that are tailored for you based on your preferred language & location.
download Way2News app now
News February 19, 2025
‘ఉప్పు’ ముప్పును దూరం చేసే టీస్పూన్!
ఉప్పు తినడాన్ని తగ్గించాలని వైద్యులు సూచిస్తున్న వేళ జపాన్ సైంటిస్టులు ‘ఎలక్ట్రిక్ సాల్ట్ స్పూన్’ను అభివృద్ధి చేశారు. ఏదైనా ఆహారంలో ఉప్పు వేయకున్నా ఆ రుచిని ఈ స్పూన్ మీకు అందిస్తుంది. ఇది తేలికపాటి విద్యుత్ ప్రవాహాన్ని పంపించి నాలుకలో ఉండే టేస్టింగ్ గ్రంథులను ఉత్తేజపరిచి ఉప్పు రుచిని అందిస్తాయి. దీనిని వాడటం వల్ల అధిక రక్తపోటు వంటి ప్రమాదాలను నివారించవచ్చని శాస్త్రవేత్తలు చెబుతున్నారు.
News February 19, 2025
మస్క్: నలుగురితో సంసారం, 13 మంది పిల్లలు
అపరకుబేరుడు టెస్లా అధినేత ఎలాన్ మస్క్ కుటుంబం గురించి చాలా మందికి తెలియదు. ఆయన ఏకంగా 13 మంది పిల్లలకు తండ్రి అని నేషనల్ మీడియా పేర్కొంది. ఆయన నలుగురితో సంసారం చేయగా, వారికి 13 మంది పిల్లలు కలిగినట్లు తెలిపింది. మొదటి భార్య జస్టిన్ విల్సన్‌తో ఆరుగురు, మాజీ లవర్ గ్రిమ్స్‌తో ముగ్గురు పిల్లలు, న్యూరాలింక్ ఎగ్జిక్యూటివ్ శివోన్ జిలిస్‌తో ముగ్గురు, రచయిత ఆష్లే సెయింట్‌తో ఒక్కరు ఉన్నారు.
News February 19, 2025
ఫోన్ ట్యాపింగ్ కేసులో హరీశ్ రావుకు ఊరట
TG: పంజాగుట్ట పీఎస్‌లో నమోదైన ఫోన్ ట్యాపింగ్ కేసులో హరీశ్ రావు, రాధాకిషన్ రావుకు ఊరట లభించింది. కేసు దర్యాప్తుపై కోర్టు స్టే విధించింది. తదుపరి విచారణ (మార్చి 3) వరకు స్టే కొనసాగుతుందని తెలిపింది. తన ఫోన్ ట్యాప్ చేశారంటూ రియల్టర్ చక్రధర్ ఫిర్యాదు చేయడంతో పోలీసులు హరీశ్‌పై కేసు నమోదు చేసిన సంగతి తెలిసిందే. దీనిని క్వాష్ చేయాలని హరీశ్ రావు, రాధాకిషన్ కోర్టులో పిటిషన్ దాఖలు చేశారు.
News February 19, 2025
ముందుగానే ఒంటిపూట బడులు ప్రారంభించాలని డిమాండ్
తెలుగు రాష్ట్రాల్లో మార్చి నెల రాక ముందే ఎండలు మండిపోతున్నాయి. ఉ.10 గంటలు దాటితే ఇళ్ల నుంచి బయటకు వెళ్లలేని పరిస్థితి ఉంది. దీంతో స్కూళ్లలో ఈసారి ముందుగానే ఒంటిపూట బడులు ప్రారంభించాలని విద్యార్థుల తల్లిదండ్రులు కోరుతున్నారు. సాధారణంగా మార్చి మూడో వారం నుంచి హాఫ్ డే స్కూల్స్ ఉంటాయి. పరీక్షలు ముగిసే వరకు ఉ.7.45 నుంచి మ.12.30 వరకు స్కూళ్లు పని చేస్తాయి.
News February 19, 2025
ఇండియాలో అత్యంత ఎత్తైన ఫ్యామిలీ వీళ్లదే!
కుటుంబంలో ఒక్కరు లేదా ఇద్దరు పొడుగ్గా ఉండటం కామన్. కానీ ఫ్యామిలీలో ఉన్న నలుగురూ తలెత్తుకుని చూసేంత ఎత్తుగా ఉంటే? మహారాష్ట్రలోని పుణేలో కులకర్ణి కుటుంబం ఇండియాలోనే అత్యంత ఎత్తైనది. గతంలో అత్యంత ఎత్తైన కుటుంబంగా లిమ్కా బుక్ వరల్డ్ రికార్డులోనూ చోటు సంపాదించుకుంది. నలుగురి ఉమ్మడి ఎత్తు 26 అడుగులు. తండ్రి 6.8 ఫీట్, తల్లి 6.2 ఫీట్, మొదటి కూతురు 6.6 ఫీట్, రెండో కూతురు 6.4 ఫీట్ ఉన్నారు.
News February 19, 2025
‘తండేల్’ ఓటీటీ రిలీజ్ డేట్ ఫిక్స్?
నాగచైతన్య, సాయిపల్లవి జంటగా నటించిన ‘తండేల్’ మూవీ ఓటీటీ రిలీజ్ డేట్ ఫిక్స్ అయినట్లు తెలుస్తోంది. ఈ మూవీ వచ్చే నెల 7న నెట్‌ఫ్లిక్స్‌లో స్ట్రీమింగ్ అవుతుందని సమాచారం. త్వరలోనే దీనిపై అఫీషియల్ అనౌన్స్‌మెంట్ వస్తుందని టాక్. చందూ మొండేటి తెరకెక్కించిన ఈ మూవీ ఈ నెల 7న థియేటర్లలో విడుదలైంది. బాక్సాఫీస్ వద్ద రూ.100 కోట్లకుపైగా కలెక్షన్లు రాబట్టి సత్తా చాటింది.
News February 19, 2025
సీఎంపై ఇంత తొందరగా వ్యతిరేకత వస్తుందనుకోలేదు: కేసీఆర్
TG: ప్రజలు సంక్షేమ పథకాలను చూసే కాంగ్రెస్ పార్టీకి ఓట్లేశారని కేసీఆర్ అన్నారు. ఈ సీఎంపై ప్రజల్లో ఇంత తొందరగా వ్యతిరేకత వస్తుందనుకోలేదని చెప్పారు. రాష్ట్రంలో మళ్లీ కాంగ్రెస్ అధికారంలోకి రాదని జోస్యం చెప్పారు. తెలంగాణ మళ్లీ వెనక్కి వెళ్లిపోతోందని పార్టీ నేతలతో అన్నారు. నెలకు ఒక్కో అంశంపై పోరాటం చేయాలని సూచించారు.
News February 19, 2025
ఇన్ని రూ.వేల కోట్లు ఉండిపోయాయా?
చాలా మంది డబ్బులను సేవ్ చేసి మర్చిపోవడంతో అవి ఇన్‌యాక్టివ్‌ మోడ్‌లోకి వెళ్లిపోతాయి. అలా క్లెయిమ్ చేయని డబ్బు కొన్ని రూ.వేల కోట్లలో ఉందనే విషయం మీకు తెలుసా? ఇదంతా సేవింగ్స్, కరెంట్ అకౌంట్స్, టర్మ్ డిపాజిట్లు, జీవిత బీమా వంటి పాలసీల్లో ఉంది. బ్యాంక్ డిపాజిట్లలో రూ.62K కోట్లు, స్టాక్స్‌లో రూ.25K కోట్లు, మ్యూచువల్ ఫండ్స్‌లో రూ.35K కోట్లు, EPFలో రూ.48K కోట్లు, ఇన్సూరెన్స్‌లో రూ.21,500 కోట్లు ఉన్నాయి.
News February 19, 2025
24 నుంచి ఏపీ బడ్జెట్ సమావేశాలు
AP: రాష్ట్ర బడ్జెట్ సమావేశాలు ఈ నెల 24 నుంచి ప్రారంభం కానున్నాయి. మార్చి 3న ప్రభుత్వం బడ్జెట్ ప్రవేశపెట్టనుంది. తొలిరోజు ఉభయ సభలను ఉద్దేశించి గవర్నర్ ప్రసంగించనున్నారు. అయితే సమావేశాలు ఎన్ని రోజుల పాటు నిర్వహిస్తారనేది బీఏసీ మీటింగ్‌లో నిర్ణయించనున్నారు.
News February 19, 2025
ఎక్స్‌ట్రా టికెట్లు ఎందుకు అమ్మారు?: ఢిల్లీ HC ఆగ్రహం
న్యూఢిల్లీ రైల్వే స్టేషన్‌లో ఇటీవల తొక్కిసలాట జరిగి 18మంది మృతిచెందిన విషయం తెలిసిందే. ఈ ఘటనపై ఇవాళ ఢిల్లీ హైకోర్టు CJI ధర్మాసనం విచారణ జరిపింది. కోచ్‌లో పట్టే ప్రయాణికుల కంటే రైల్వే అదనపు టికెట్లు ఎందుకు అమ్ముతోందని మండిపడింది. కోచ్‌లో ప్రయాణికుల పరిమితిపై, అనుమతి లేకుండా కోచ్‌ల్లోకి ప్రవేశిస్తున్న వారిపై ఏ చర్యలు తీసుకుంటున్నారని రైల్వేస్‌తో పాటు కేంద్ర ప్రభుత్వాన్ని ప్రశ్నించింది.
Featured News
Sorry, no posts matched your criteria.