India's largestHyperlocal short
news App
Get daily news updates that are tailored for you based on your preferred language & location.
download Way2News app now
News August 14, 2024
నేటి ముఖ్యాంశాలు
* AP:పాఠశాల విద్య సిలబస్‌లో మార్పులు: CBN
* టీడీపీ అబద్ధపు హామీలకు జనం మోసపోయారు: జగన్
* మాజీ మంత్రి జోగి రమేశ్ కుమారుడు రాజీవ్ అరెస్ట్, 23 వరకు రిమాండ్
* TG: గురుకులాలను ప్రక్షాళన చేస్తాం: భట్టి
* విద్యార్థులకు వైద్యపరీక్షలు నిర్వహించండి: మంత్రి పొన్నం
* రేపు రాష్ట్రవ్యాప్తంగా OPలు బంద్: జూడాలు
* లిక్కర్ స్కామ్‌లో కవిత జుడీషియల్ కస్టడీ పొడిగింపు
* ఈ నెల 22న దేశవ్యాప్త నిరసనలకు కాంగ్రెస్ పిలుపు
News August 13, 2024
వీరిలో ఏ లెఫ్ట్ హ్యాండర్ అంటే మీకు ఇష్టం?
టీమ్ ఇండియాకు ఎంతోమంది లెఫ్ట్ హ్యాండ్ క్రికెటర్లు ప్రాతినిధ్యం వహించారు. వారిలో కొంతమంది అభిమానుల గుండెల్లో చిరస్థాయిగా నిలిచిపోయారు. వారిలో సౌరవ్ గంగూలీ, యువరాజ్ సింగ్, జహీర్ ఖాన్, గౌతమ్ గంభీర్, శిఖర్ ధవన్, సురేశ్ రైనా, ఇర్ఫాన్ పఠాన్, ఆశీష్ నెహ్రా, రవీంద్ర జడేజా, రిషభ్ పంత్, కుల్దీప్ యాదవ్ వంటి వారు ఉన్నారు. మరి వీరిలో మీకిష్టమైన లెప్ట్ హ్యాండ్ క్రికెటర్ ఎవరో కామెంట్ చేయండి.
News August 13, 2024
ఏపీ ప్రభుత్వ ఉద్యోగులకు గుడ్ న్యూస్
AP: ప్రభుత్వ ఉద్యోగులకు రాష్ట్ర ప్రభుత్వం గుడ్ న్యూస్ చెప్పింది. బదిలీలపై నిషేధాన్ని ఎత్తివేసింది. ఈ మేరకు ఉద్యోగుల బదిలీలకు మార్గదర్శకాలు జారీ చేసింది. ఈ నెల 31లోపు బదిలీలు పూర్తి చేయాలని నిర్ణయించింది.
News August 13, 2024
టీవీ చూస్తూ తింటున్నారా?
టీవీ చూస్తూ తినడం ఆరోగ్యానికి మంచిది కాదని పరిశోధనల్లో తేలింది. రోజూ ఇలా చేసే వారు ఊబకాయం బారిన పడే ప్రమాదం ఎక్కువగా ఉంటుంది. పరధ్యానంగా ఉండటం వల్ల చాలా ఎక్కువ తినడం లేదా తక్కువ ఆహారం తీసుకోవడం వంటివి జరుగుతాయని తేలింది. అలాగే పిల్లలు టీవీ చూస్తూ ఎక్కువగా ప్రాసెస్డ్ ఫుడ్ తీసుకుంటారని, దీనివల్ల అనేక సమస్యలు వస్తాయని గుర్తించారు. కుటుంబమంతా కలిసి కూర్చొని తింటే ప్రయోజనాలు ఉంటాయని తెలిపారు.
News August 13, 2024
నేను సీఎంగా ఉంటే ఆ జిల్లాలను కలిపేవాడిని: కిరణ్ కుమార్ రెడ్డి
AP: రాష్ట్రంలో జిల్లాలు విభజించి చాలా తప్పుచేశారని మాజీ సీఎం కిరణ్ కుమార్ రెడ్డి అన్నారు. తాను సీఎంగా ఉంటే ఆ జిల్లాలను మళ్లీ కలిపేవాడినని చెప్పారు. సమర్థుడైన చంద్రబాబు సీఎంగా ఉండటం సంతోషంగా ఉందన్నారు. నదీ జలాల సమస్య పరిష్కారం కావాలంటే బ్రిజేశ్ కుమార్‌ను తప్పించాలని లేకపోతే రాయలసీమకు తీవ్ర అన్యాయం జరుగుతుందన్నారు. చంద్రబాబు తన ముందున్న సవాళ్లను కేంద్రం సాయంతో పరిష్కరించుకోవాలని సూచించారు.
News August 13, 2024
‘దేవర-1’లో నా పాత్ర షూటింగ్ పూర్తి: NTR
కొరటాల శివ తెరకెక్కిస్తోన్న ‘దేవర-1’ సినిమాలోని తన పాత్ర షూటింగ్ పూర్తయినట్లు యంగ్ టైగర్ ఎన్టీఆర్ తెలిపారు. చివరి షాట్‌లో డైరెక్టర్‌తో డిస్కస్ చేస్తున్న ఫొటోను ఆయన సోషల్ మీడియాలో పంచుకున్నారు. ‘ఈ ప్రయాణం ఎంతో అద్భుతంగా సాగింది. సముద్రమంత ప్రేమను, అద్భుతమైన బృందాన్ని మిస్ అవుతా. సెప్టెంబరు 27న శివ రూపొందించిన ప్రపంచాన్ని అందరితో కలిసి చూసేందుకు వేచిచూస్తున్నా’ అని పేర్కొన్నారు.
News August 13, 2024
మంత్రులకు త్వరలోనే ఐప్యాడ్లు.. ఈ-క్యాబినెట్ భేటీలు
APలో కాగిత రహిత క్యాబినెట్ సమావేశాలు నిర్వహించాలని రాష్ట్ర ప్రభుత్వం నిర్ణయించింది. ప్రస్తుత సమావేశాలకు 40 సెట్ల నోట్స్ ముద్రిస్తుండగా, ఇకపై అన్నీ సాఫ్ట్ కాపీల రూపంలో మంత్రులు, అధికారులకు ప్రభుత్వం అందించనుంది. ఇందుకోసం మంత్రులు, అధికారులకు ప్రభుత్వం ఐప్యాడ్లు అందించనుంది. దీని ద్వారా ప్రింటింగ్ ఖర్చులు ఆదా కావడంతో పాటు లీకేజీల నియంత్రణ సాధ్యమవుతుందని ప్రభుత్వం అంచనా వస్తోంది.
News August 13, 2024
జోగి రాజీవ్‌కు రిమాండ్
AP: మాజీ మంత్రి జోగి రమేశ్ కుమారుడు జోగి రాజీవ్‌కు ఏసీబీ కోర్టు రిమాండ్ విధించింది. ఈ నెల 23 వరకు రిమాండ్ విధిస్తున్నట్లు ఉత్తర్వులు జారీ చేసింది. అగ్రిగోల్డ్ భూముల వ్యవహారంలో అక్రమాలకు పాల్పడ్డారనే ఆరోపణలతో ఏసీబీ అధికారులు రాజీవ్‌ను అరెస్టు చేశారు. మొత్తం 9 మందిపై కేసులు నమోదు చేశారు.
News August 13, 2024
మ‌న‌మంతా ఒకే కుటుంబం: యూనస్
బంగ్లాదేశ్‌లో మత ప్రాతిప‌దిక‌న వివ‌క్ష‌కు తావులేద‌ని మ‌ధ్యంత‌ర ప్రభుత్వ సార‌థి మ‌హ‌మ్మ‌ద్ యూనస్ స్పష్టం చేశారు. మైనారిటీలపై జరుగుతున్న దాడులను ఆయన ఖండించారు. ‘మ‌న‌మంతా ఒకే కుటుంబం. మనందరం బంగ్లాదేశీయులం. ఐకమత్య బంగ్లా మన లక్ష్యం. హ‌క్కులు అంద‌రికీ స‌మానమే. భేదాల‌కు తావు లేదు. కాస్త ఓపిక పట్టండి. సంస్థాగత లోపాల వల్ల తలెత్తిన సమస్యలను సరిదిద్దలేకపోతే విమ‌ర్శించండి’ అని పేర్కొన్నారు.
News August 13, 2024
స్వాతంత్ర్య, గణతంత్ర దినోత్సవాలు.. తేడా ఇదే!
స్వాతంత్య్ర దినోత్సవం నాడు జెండాను స్తంభానికి దిగువ భాగంలో కట్టి పైకి లాగి ఎగుర‌వేస్తారు. గణతంత్ర దినోత్సవం నాడు స్తంభం పైభాగంలో జెండాను చుట్టి అమర్చి కిందికి ఆవిష్కరిస్తారు. జెండాను పైకి లాగి ఎగురవేస్తే ఒక దేశం ఆవిర్భావానికి చిహ్నంగా ప‌రిగ‌ణిస్తారు. అదే పైనుంచి కిందికి ఆవిష్క‌రిస్తే గణతంత్ర రాజ్యంగా ఆవిర్భ‌వించ‌డాన్ని, రాజ్యాంగం పట్ల నిబద్ధత పునరుద్ధరణకు ప్రతీకాత్మక సూచనగా భావిస్తారు.
Featured News
Sorry, no posts matched your criteria.