India's largestHyperlocal short
news App
Get daily news updates that are tailored for you based on your preferred language & location.
download Way2News app now
News November 14, 2024
రేపు స్కూళ్లకు సెలవు
రేపు గురునానక్ జయంతి – కార్తీక పౌర్ణమి సందర్భంగా తెలంగాణలో పబ్లిక్ హాలీడే ఉంది. అన్ని రకాల విద్యా సంస్థలు, ప్రభుత్వ కార్యాలయాలకు సెలవు ఉండనుంది. అటు ఏపీలో శుక్రవారం ఆప్షనల్ హాలీడే మాత్రమే ఇచ్చారు. దాని ప్రకారం కొన్ని ప్రాంతాల్లో మాత్రమే స్కూళ్లకు సెలవులు ప్రకటించారు.
News November 14, 2024
స్పెషల్ ఫుడ్ కోసం పాండా ఏం చేసిందంటే?
ప్రత్యేక ఆహారంతో పాటు పరిరక్షణ, వసతి కోసం చైనాలోని ఆరేళ్ల జెయింట్ పాండా తాను గర్భం దాల్చినట్లు జూకీపర్లను నమ్మించింది. జూలో గర్భం దాల్చిన పాండాలకు 24 గంటల పాటు ప్రత్యేక చికిత్స లభిస్తుంది. అయితే, 2 నెలల పరిశీలన తర్వాత అది సాధారణ స్థితికి చేరుకుందని వైద్యులు తెలిపారు. కొన్ని తెలివైన పాండాలు ఇలా నటిస్తాయని అభిప్రాయపడ్డారు. హార్మోన్లలో మార్పుల వల్ల కూడా ఒక్కోసారి ఇలా జరగొచ్చని పేర్కొన్నారు.
News November 14, 2024
తేదీని బట్టి మీ వెనకున్న దేవుడెవరో చెప్పొచ్చు!
మీరు జన్మించిన తేదీని బట్టి మీ వెనక దేవతలుంటారని పురాణాలు చెబుతున్నాయి. 1, 10, 19, 28 తేదీల్లో జన్మించిన వారు విష్ణువు మార్గదర్శకత్వంలో ఉంటారని ప్రతీతి. వీరు ఇతరులకు సహాయం చేస్తారని, సహజంగానే నాయకత్వ లక్షణం కలిగి ఉంటారని విశ్వాసం. జీవితంలో బలమైన ఉద్దేశాన్ని కలిగి ఉంటారని, విష్ణువు వీరికి జ్ఞానం, సహనాన్ని వరంగా ఇస్తారని నమ్ముతుంటారు. ఆయన రక్షణగా ఉంటూ మార్గనిర్దేశం చేస్తారంటుంటారు. మీ DOB ఏంటి?
News November 14, 2024
విద్య, ఉపాధి అవకాశాలు పెరగాలంటే కులగణన జరగాలి: CM
TG: కులగణనపై అపోహలు తొలగించే బాధ్యతను విద్యార్థులే తీసుకోవాలని సీఎం రేవంత్ రెడ్డి అన్నారు. ‘ఎవరు అడ్డుపడ్డా కులగణన ఆగదు. మీ తల్లిదండ్రులకు, చుట్టుపక్కలవారికి దీనిపై అవగాహన కల్పించాలి. దీనివల్ల 50శాతానికిపైగా రిజర్వేషన్లు వస్తాయి. విద్య, ఉపాధి అవకాశాలు పెరగాలంటే కులగణన జరగాలి’ అని ఎల్బీ స్టేడియంలో జరిగిన బాలల దినోత్సవంలో సీఎం పేర్కొన్నారు.
News November 14, 2024
ఓలాకు షాక్‌.. రంగంలోకి BIS
Ola Electric నాణ్య‌తా, స‌ర్వీసు ప్ర‌మాణాల లోపం ఆరోప‌ణ‌ల‌పై Bureau of Indian Standards విచారణ జరుపుతుందని వినియోగదారుల శాఖ అధికారి ఒకరు తెలిపారు. యూజర్ల నుంచి 10 వేల‌కుపైగా ఫిర్యాదులు అంద‌డంపై వివ‌ర‌ణ ఇవ్వాల్సిందిగా CCPA గ‌తంలో నోటీసులు ఇచ్చింది. అయితే అవి కేవ‌లం సాఫ్ట్‌వేర్ వినియోగం అర్థంకాకపోవ‌డం, లూస్ పార్ట్స్ స‌మ‌స్య‌ల‌ని ఓలా పేర్కొంది. అయితే, దీనిపై విచారణ బాధ్యతను BISకు CCPA అప్ప‌గించింది.
News November 14, 2024
సీఎం రేవంత్ రెడ్డి వార్నింగ్
TG: గురుకులాల్లో కల్తీ ఆహారంతో విద్యార్థులు అస్వస్థతకు గురైన ఘటనలపై CM రేవంత్ స్పందించారు. గురుకులాలకు నాసిరకం ఆహారం సరఫరా చేసే కాంట్రాక్టర్లపై కఠిన చర్యలు తీసుకుంటామని హెచ్చరించారు. అలాంటివారు ఊచలు లెక్కపెట్టాల్సిందేనని స్పష్టం చేశారు. విద్యార్థులకు నాణ్యమైన భోజనం అందించాలనే ఉద్దేశంతో డైట్ ఛార్జీలు పెంచినట్లు చెప్పారు. అధికారులు, ప్రజాప్రతినిధులు ప్రభుత్వ స్కూల్స్‌ను సందర్శించాలని ఆదేశించారు.
News November 14, 2024
Badass ఎయిర్‌లైన్స్ గురించి తెలుసా?
కఠిన పరిస్థితుల్లో దేనికీ తలొగ్గని వారిని Badassగా సంబోధిస్తారు. ఇప్పుడో Airlinesకు అదే పేరు దక్కింది. క్షిప‌ణులు దూసుకొస్తున్నా, పొగ‌లు క‌మ్మేస్తున్నా లెబ‌నాన్‌కు చెందిన Middle East Airlines త‌న స‌ర్వీసుల‌ను ఆప‌కుండా Badass ఎయిర్‌లైన్స్‌గా నిలిచింది. యుద్ధంలోనూ ప్ర‌యాణికుల‌ను గ‌మ్యానికి చేరుస్తోంది. పౌరుల కోసం ఎయిర్‌పోర్టును వాడితే దాడి చేయ‌బోమ‌ని ఇజ్రాయెల్ హామీ ఇచ్చిన‌ట్టు ఓ కెప్టెన్ తెలిపారు.
News November 14, 2024
గత ఐదేళ్లలో పైసా పెట్టుబడి రాలేదు: చంద్రబాబు
AP: వైసీపీ పాలనలో 227 ఎంవోయూలు కుదుర్చుకున్నా, ఒక్క పైసా కూడా పెట్టుబడి రాలేదని సీఎం చంద్రబాబు అన్నారు. లైసెన్స్ రాజ్ కారణంగానే పెట్టుబడులు రాలేదని ఆరోపించారు. ‘పన్నులు, కరెంట్ ఛార్జీలు పెంచటం వల్ల పరిశ్రమలు రాలేదు. వారికి ప్రోత్సాహకాలు ఇవ్వలేదు. మేం వచ్చాక ఈజ్ డూయింగ్ విధానం అవలంభిస్తున్నాం. ప్రతి కుటుంబంలో ఒక పారిశ్రామికవేత్త ఉండేలా చేస్తాం. ఏపీని గ్లోబల్ డెస్టినేషన్‌గా మారుస్తాం’ అని చెప్పారు.
News November 14, 2024
హైకోర్టులో నరేందర్ రెడ్డి క్వాష్ పిటిషన్
TG: లగచర్ల ఘటనలో అరెస్టైన బీఆర్ఎస్ మాజీ ఎమ్మెల్యే పట్నం నరేందర్ రెడ్డి హైకోర్టులో క్వాష్ పిటిషన్ వేశారు. కేసులో తనను అక్రమంగా అరెస్ట్ చేశారని ఆయన అందులో పేర్కొన్నారు. కాగా ఈ పిటిషన్ రేపు విచారణకు వచ్చే అవకాశం ఉంది. ఇప్పటికే ఆయన వికారాబాద్ కోర్టులో బెయిల్ పిటిషన్ వేశారు. ప్రస్తుతం నరేందర్ రెడ్డి చర్లపల్లి జైలులో ఉన్నారు.
News November 14, 2024
ప్రపంచంలోనే అత్యంత చిన్న పిల్లులివే!
పిల్లులను పెంచుకునేందుకు ప్రజలు మొగ్గుచూపుతున్నారు. ఇవి ఇంట్లోవారితో ఫ్రెండ్లీగా ఉంటుంటాయి. అయితే చేతిలో ఇమిడిపోయేటంతటి పిల్లులూ ఒకప్పుడు ఉన్నాయి. ఇల్లినాయిస్‌కు చెందిన టింకర్ టాయ్ అనే పిల్లి 2.75 అంగుళాల ఎత్తు, 7.5 అంగుళాల పొడవు మాత్రమే ఉండేది. మిస్టర్ పీబల్స్(ఇల్లినాయిస్) పిల్లి 3.1 పౌండ్లు, 6.1 అంగుళాల పొడవు మాత్రమే. ఈ రెండు అత్యంత చిన్న పిల్లులుగా గిన్నిస్ రికార్డుల్లో చోటు దక్కించుకున్నాయి.
Featured News
Sorry, no posts matched your criteria.