India's largestHyperlocal short
news App
Get daily news updates that are tailored for you based on your preferred language & location.
download Way2News app now
News September 22, 2025
ఆప్కో వస్త్రాలపై 40% డిస్కౌంట్: మంత్రి సవిత
AP: దసరా, దీపావళి సందర్భంగా APCO వస్త్రాలపై 40% రిబేట్ అందిస్తున్నట్లు చేనేత, జౌళి మంత్రి సవిత ప్రకటించారు. సంస్థ షోరూములలో ఈ రాయితీ అమలవుతుందని తెలిపారు. ఈ కామర్స్లో అమ్మకాలతో పాటు డోర్ డెలివరీ కూడా ఆప్కో చేస్తుందన్నారు. చేనేత వస్త్రాలు తెలుగు సంస్కృతికి ప్రతిబింబమని, ఈ నిర్ణయంతో ప్రజలకు మేలు కలుగుతుందని చెప్పారు. అదే సమయంలో కొనుగోళ్లు పెరిగి చేనేత కుటుంబాల్లో ఆనందం వెల్లివిరుస్తుందన్నారు.
News September 22, 2025
ఆడపిల్ల కోసం ఓ చందనం మొక్క
బిహార్లోని వైశాలి జిల్లా పకోలి గ్రామంలో ఒక వింత ఆచారం ఉంది. అక్కడ ఆడపిల్ల పుడితే ఇంటి ఆవరణలో చందనం మొక్కను నాటుతారు. దాన్ని జాగ్రత్తగా సంరక్షించి కుమార్తె పెద్దయ్యాక ఆ చెట్టును అమ్మగా వచ్చిన డబ్బుతో ఘనంగా పెళ్లి చేస్తారు. వీరు పెంచే మల్యగిరి రకం చందనం చెట్లు విక్రయిస్తే, దాని వయసును బట్టి రూ.2 లక్షల వరకు వస్తాయని గ్రామస్థులు చెబుతున్నారు. పిల్లల ఉన్నత విద్య కోసం కూడా కొందరు వీటిని పెంచుతున్నారు.
News September 22, 2025
బండిపై క్యాస్ట్ పేరుంటే జరిమానా!
అలహాబాద్ హైకోర్టు ఆదేశాల మేరకు కుల వివక్షను రూపు మాపేందుకు ఉత్తరప్రదేశ్ ప్రభుత్వం కీలక ఆదేశాలిచ్చింది. ‘క్రిమినల్ ట్రాకింగ్ సిస్టమ్లో నేరస్థుల కులానికి బదులు పేరెంట్స్ పేర్లు పెట్టాలి. PSలో నిందితుల పేర్లు ప్రదర్శించేటప్పుడు కుల ప్రస్తావన వద్దు. వాహనాలపై కులం పేరు, కులాన్ని కీర్తిస్తూ స్లోగన్స్/కోట్స్ ఉంటే ఫైన్ వేయాలి. SMలో ఏ కులాన్నైనా కీర్తించినా/కించపరిచినా చర్యలు తీసుకోవాలి’ అని పేర్కొంది.
News September 22, 2025
రిటైర్మెంట్ వెనక్కి తీసుకున్న స్టార్ క్రికెటర్
సౌతాఫ్రికా స్టార్ క్రికెటర్ క్వింటన్ డికాక్ రిటైర్మెంట్ నిర్ణయాన్ని వెనక్కి తీసుకున్నారు. త్వరలో పాక్తో జరగనున్న వైట్ బాల్ సిరీస్లో రీఎంట్రీ ఇవ్వనున్నారు. SA మేనేజ్మెంట్ తాజాగా ప్రకటించిన వన్డే, టీ20 స్క్వాడ్స్లో డికాక్ను చేర్చింది. 2023 వరల్డ్ కప్ తర్వాత వన్డేలకు, 2024 టీ20 వరల్డ్ కప్ తర్వాత టీ20లకు డికాక్ రిటైర్మెంట్ ప్రకటించిన విషయం తెలిసిందే.
News September 22, 2025
GST సంస్కరణలతో సామాన్యులకు మేలు: జగన్
AP: GST సంస్కరణల తుది ప్రయోజనాలు వినియోగదారులకు అందుతాయని ఆశిస్తున్నట్లు మాజీ సీఎం జగన్ పేర్కొన్నారు. ‘ఇది సరళమైన, న్యాయమైన పన్ను వ్యవస్థ వైపు ఒక విప్లవాత్మక అడుగు. సేవలు, వస్తువులను ప్రతి పౌరుడికి సరసమైన ధరల్లో అందించడంలో ఈ చర్యలు ఉపయోగపడతాయి. తొలుత కొన్ని ఫిర్యాదులు, ఇబ్బందులు ఉండొచ్చు. ఇది కచ్చితంగా ఆర్థిక వ్యవస్థకు అవసరమైన ప్రోత్సాహాన్ని అందిస్తుంది’ అని ట్వీట్ చేశారు.
News September 22, 2025
పండగ కానుక.. 25 లక్షల ఉచిత గ్యాస్ కనెక్షన్లు
కేంద్ర ప్రభుత్వం నవరాత్రి ఉత్సవాల సందర్భంగా మహిళలకు శుభవార్త చెప్పింది. ప్రధాన్ మంత్రి ఉజ్వల యోజన(PMUY) కింద దేశంలో కొత్తగా 25 లక్షల ఉచిత LPG కనెక్షన్స్ ఇవ్వనున్నట్లు కేంద్ర మంత్రి హర్దీప్ సింగ్ పూరి ప్రకటించారు. దీంతో మొత్తం కనెక్షన్ల సంఖ్య 10.60 కోట్లకు చేరుతుందని తెలిపారు. ‘ఇది మహిళా శక్తికి గొప్ప కానుక. PM మోదీ మహిళలను దుర్గా దేవిలా కొలుస్తారనడానికి ఇదే నిదర్శనం’ అని ఆయన ట్వీట్ చేశారు.
News September 22, 2025
ఎయిర్ఇండియా విమానంలో కలకలం
బెంగళూరు నుంచి వారణాసి వెళ్తున్న ఎయిర్ఇండియా ఫ్లైట్లో ఓ ప్రయాణికుడు కాక్పిట్ డోర్ తెరిచేందుకు ప్రయత్నించడంతో కలకలం రేగింది. దీనిపై ఎయిర్ఇండియా స్టేట్మెంట్ విడుదల చేసింది. ప్రయాణికుడు టాయిలెట్ అనుకుని పొరపాటున కాక్పిట్ డోర్ తీయడానికి ప్రయత్నించాడని తెలిపింది. భద్రతా పరమైన సమస్య తలెత్తలేదని ప్రకటించింది. అతడిని CISF అదుపులోకి తీసుకుంది.
News September 22, 2025
ARCIలో ప్రాజెక్ట్ సైంటిస్ట్ పోస్టులు
ఇంటర్నేషనల్ అడ్వాన్స్డ్ రీసెర్చ్ సెంటర్ పౌడర్ మెటలార్జీ అండ్ న్యూ మెటీరియల్స్(<
News September 22, 2025
యువరాజ్ శిక్షణలో రాటుదేలి.. బ్రహ్మోస్లా విరుచుకుపడ్డాడు
టీమ్ ఇండియా చిచ్చరపిడుగు అభిషేక్ శర్మ నిన్న పాకిస్థాన్పై ‘బ్రహ్మోస్’ క్షిపణిలా విరుచుకుపడ్డారు. గతంలో పాకిస్థాన్కు చుక్కలు చూపించిన యువరాజ్ సింగ్ శిక్షణలో రాటుదేలిన అభిషేక్.. పాక్ బౌలర్లను షేక్ చేశారు. అద్భుతమైన ఆటతీరుతో పాక్కు మ్యాచును దూరం చేశారు. అంతేకాదు ఆ జట్టు బౌలర్లు కవ్విస్తే తగ్గేదే లే అంటూ బ్యాటుతోనే జవాబిచ్చారు. పాక్పై లీగ్ స్టేజీలోనూ అభిషేక్ (13 బంతుల్లో 31) అదరగొట్టారు.
News September 22, 2025
HPV వ్యాక్సిన్ గురించి తెలుసా?
హ్యూమన్ పాపిలోమా వైరస్ వ్యాక్సిన్ను 9-45 ఏళ్ల మహిళలు తీసుకోవచ్చు. గర్భంతో ఉన్నప్పుడు ఈ వ్యాక్సిన్ తీసుకోకూడదు. ఇది గర్భాశయ క్యాన్సర్, వెజైనల్ క్యాన్సర్, వల్వర్ క్యాన్సర్ ముప్పును తగ్గిస్తుంది. 9 నుంచి 17 సంవత్సరాల లోపు అమ్మాయిలు రెండు డోసులు, ఒకవేళ 15 సంవత్సరాలు దాటితే మూడు డోసులు వేసుకోవాల్సి ఉంటుంది. ఒక డోసు తీసుకున్న తర్వాత రెండో డోసును రెండు నెలల తర్వాత తీసుకోవాలి.
Featured News
Sorry, no posts matched your criteria.